Hesekiel 41

1Un hee brocht mie en de heilje Stow nenn, un hee maut de Past. Dee wieren 6 Ellen breet aun jieda Sied. 2Un de Däa wia 10 Ellen breet, un de Wenj aun jieda Sied von de Däa wieren 5 Ellen breet. Un hee maut de heilje Stow, un dee wia 40 Ellen bie 20 Ellen. 3Dan jinkj hee wieda nenn, un maut de Past aun de Däa; un dee wieren 2 Ellen. Un de Däa wia 6 Ellen breet, un aun jieda Sied Däa wia daut 7 Ellen. 4Un hee maut de Stow; un dee wia 20 Ellen, krakjt soo breet aus de heilje Stow, bie 20 Ellen. Un hee säd to mie: Dit es daut Aulaheilichste.

5Hee maut de Waunt von däm Tempel un dee wia 6 Ellen dikj. Un rom däm Tempel wieren Stowen aunjebut, un dee wieren 4 Ellen breet. 6Dise Stowen aun de butakaunt vom Tempel wieren dree stockich un doa wieren 30 Stowen opp jieda Stock. Dit wia soo jebut daut sikj daut selfst druach; de Stowen hilden sikj nich aun de Tempel Waunt. 7De Stowen, waut doa aun de butakaunt vom Tempel wieren, worden runtom opp jieda Stock een bät breeda, doano aus de Waunt dee jieda Stock druach denna wort. Un de Trap jinkj no daut ieeschte un dan no daut tweede Stock. 8De Foot von de Stowen runtom daut Jebied wia 6 Ellen, ooda de Lenjd von een Motstock, hecha aus de Hoff. 9Un de Butawaunt aun de Stowen aun de butakaunt vom Tempel wia 5 Ellen breet; un de opna Plauz von aun de Stowen aum Tempel, #(9 un 10) Hes 42,1-3 10bat aun de Priesta äare Stowen, wia 20 Ellen rom dän gaunzen Tempel. 11Doa wieren twee Däaren, dee von dän opnen Plauz no de Stowen aun butakaunt vom Tempel jinjen, eene aun de nuadne Sied, un eene aun de siedne Sied. Gaunz aun de Stowen aun de butakaunt vom Tempel wia een Stich, 5 Ellen breet.

12Daut Jebied, daut opp däm Hoff nom Wasten vom Tempel stunt, wia 70 bie 90 Ellen, un de Waunt wia runtom 5 Ellen dikj. 13De Tempel wia 100 Ellen lank, aus hee dän maut, un de Väahoff met Jebieda un Mieren wia uk 100 Ellen. 14Un de Hoff nom Oosten maut 100 Ellen met de väakaunt vom Tempel toop.

15Un hee maut daut Jebied opp däm Hoff, nom Wasten vom Tempel, un met Wenj toop wia daut 100 Ellen. Un de Väastow vom Tempel un de heilje Stow un de Aulaheilichste Stow 16wieren aula met Holt beschloagen. Un de dree Stowen hauden aula Fenstren un Fensta Rämes. Von de Schwal un wieda wia aules met Holt beschloagen. Un de Fenstren wieren toojehongen. 17Bat aun de bowakaunt von de Däaren, runtom un uk en daut Aulaheilichste, wia de Waunt utjeschnizt. 18Doa wieren Cheruben un Paulmbeem to seenen, emma een Paulmboom un dan een Cherub. De Cheruben hauden emma twee Jesechta. 19Daut Jesecht no dän eenen Paulmboom wia een Jesecht von een Mensch, un daut Jesecht no dän aundren Paulmboom wia een Jesecht von eenen jungen Leiw. Soo wia daut runtom em Tempel. 20Dise Cheruben un Paulmbeem wieren en de Waunt jeschnizt von de Flua bat de bowakaunt von de Däa. 21Un de Däarenpast vom Tempel wieren to Winkjel. Un ver daut Aulaheilichste wia waut, daut leet no #(21 un 22) 2Mo 25,23-30; 40,22-23 22een heltana Aultoa. Dee wia 3 Ellen huach un 2 Ellen bie 2 Ellen em veakaunt. Un de Akjen un de Foot un de Wenj wieren von Holt. Un hee säd to mie: Dit es de Desch dee ver däm Harn steit.

23De heilje Stow un daut Aulaheilichste hauden jieda dobbelde Däaren. 24Un jieda Däa haud twee Deelen, dee jieda oppoat opp Jehenjen wieren. 25Un aun de Däa en de Väastow nenn, wieren uk Cheruben un Paulmbeem jeschnizt, soo aus aun de Wenj. Un doa wia een kjlienet heltanet Dak von buten äwa de Däa no de Väastow. 26Un doa wieren Fenstren aun jieda Sied von de Väastow, un de Rämes wieren utjeschnizt met een Mosta von Paulmbeem.

Currently Selected:

Hesekiel 41: PB

Highlight

Copy

Compare