2. Mose 2
2
De kjliena Moses waust opp
1Doa wia een Maun von Levi siene Nokomen, dee sikj met eene Fru befried, dee uk von Levi siene Nokomen wia. #2Mo 6,20; 4Mo 26,59 2Dise Lied hauden een Kjint, un daut wia een Junkje. Aus de Fru sach, daut et een jesundet Kjint wia, vestuak see daut fa dree Moonat. #Apost 7,20; Heb 11,23 3Oba aus daut nich mea jinkj, muak see eenen Korf von Schelp, un veschmäad dän met Kolen Täa un Pekj. Dan läd see äa Kjint doa nenn, un sad daut mank daut Schelp, waut doa aun de Kaunt vom Riefa woss. 4Een Enjskje auf paust siene Sesta opp, waut met am woaren wudd. #4Mo 26,59
5Nu kjeem däm Kjennich siene Dochta no däm Riefa sikj to boden, un äare Deena jinjen opp daut Launt delenjd däm Riefa. See sach dän Korf mank daut Schelp un schekjt eene Mejal, dän to holen. 6Aus see dän opmuak, sach see daut Kjint, un daut hield. Ar neem daut fuaz gaunz met: Dit es een Hebräa Junkje! säd see jrodsoo. 7Dan kjeem siene Sesta äwadäl un fruach: Sull ekj die eene Fru holen von de Hebräa, dee die dit Kjint besorjen kunn? 8Jo, go! säd däm Kjennich siene Dochta. De Mejal jinkj un roopt daut Kjint siene, un äare, Mutta. 9Aus de Mutta kjeem, säd däm Kjennich siene Dochta to ar: Nemm dit Kjint un besorj daut fa mie. Ekj woa die doafäa betolen. See neem daut un besorjd am. 10Aus daut Kjint groot jenuach wia, brocht see däm Kjennich siene Dochta däm wada. Dee neem dän Jung han aus äaren Sän. Un see nand am Moses: #2,10 Daut bediet utem Wota Wäajen, säd see, ekj am utem Wota hoof.
11Aus Moses oppjewossen wia, jinkj hee eenen Dach doa, wua eena von siene Staum Breeda wia, un hee sach, woo schwoa dee daut hauden. Un hee sach uk, daut een Ägipta eenen Hebräa, eenen von Moses siene Staumbreeda, schluach. #(11-22) Apost 7,23-29; Heb 11,24-27 12Hee kjikjt noch han un häa, un aus hee kjeenem sach, schluach hee dän Ägipta doot, un veschoawd am em Saunt. 13Dän näakjsten Dach jinkj hee wada rut un troff daut aun, daut twee Hebräa sikj zankten. Dan säd hee to däm, waut daut aunjefongen haud: Wuarom schleist du eenen von diene ieejne Lied? 14Un dee säd: Wäa haft die äwa ons jesat, daut du ons väasajen west? Ooda meest du, du woascht mie uk doot schlonen, soo aus du dän Ägipta deetst? Dan enjst Moses sikj un meend: De Sach es dan doch äwadäl jekomen! #Apost 7,35
15Aus de Kjennich dit gaunze hieed, wull hee Moses ombrinjen. Moses oba rand wajch vom Kjennich un kjeem no daut Launt Midian. Doa bleef hee bie eenen Borm. 16De Priesta en Midian haud säwen Dajchta, un dee kjeemen no däm Borm, om Wota opptoholen fa äare Schop. Aus see oba dän Troch voll hauden, #2Mo 3,1 17kjeemen aundre Hoads un juagen an wajch. Dan kjeem Moses, un holp de säwen Sestren äare Häad drenkjen. 18Aus see dan no äaren Voda Reguel kjeemen, säd dee: Waut meent dit, daut jie vondoag soo tiedich tus sent? 19Un see säden: Een Ägipta holp ons met de Hoads, un hold uk jenuach Wota opp fa ons, daut onse Häad to supen haud. 20Un wua es dee nu? fruach hee siene Mejales. Wuarom hab jie däm doa buten jeloten? Lot am doch en no ons, un jäft am to äten. 21Moses muak sikj dan bie däm Maun tus, un de Maun leet siene Dochta, Zippora, sikj met Moses befrieen. #4Mo 12,1 22Zippora haud dan boolt een kjlienet Junkje, un Moses jeef am dän Nomen Gerschom: Wäajen, säd hee, ekj een framda jeworden sie, en een framdet Launt. #2Mo 18,3-4
23No eene lenjre Tiet, storf de Kjennich en Ägipten. De Israeliten worden jekjwält, daut see ständen, un see roopten no Help. Un Gott hieed an roopen en äare Kwol. 24Gott hieed äa stänen, un hee docht aun sienen Bunt met Abraham, met Isaak, un met Jakob. #1Mo 15,18; 26,3; 28,13-14 25Gott sach sikj daut met de Israeliten aun, un hee kjemmad sikj om an.
Currently Selected:
2. Mose 2: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.