2. Chronik 27
27
Kjennich Jotam
(2Kjen 15,32-38)
1Jotam wia 25 Joa oolt, aus hee Kjennich wort; un rejieed 16 Joa en Jerusalem. Siene Mutta heet Jeruscha un wia eene Dochta von Zadok. 2Un hee deed waut däm Harn jefoll, krakjt soo aus sien Voda Usija jedonen haud, bloos sikj en dän Harn sienen Tempel nenn drenjen, daut deed hee nich. Oba daut Volkj bleef emma noch doabie schlajchte Sachen to driewen. #2Chr 26,16
3Jotam bud daut bowaschte Puat aun däm Harn sienen Tempel un vestoakjt de Mia aum Ofel opp väle Städen. 4Hee bud uk fauste Städa opp de Boaj en Juda, un en de Woolt Jäajenden bud hee vesechade Städen un Torms. #2Chr 26,10 5Hee kjamft uk met däm Kjennich von de Amonita un besiejd däm, daut dee am unjadon sennen must, soo daut de Amonita am daut Joa 100 Zentna Selwa, 1.500 Tonn Weit un 1.500 Tonn Joascht leewren musten. Un sooväl musten de Amonita am uk en daut 2. Joa un en daut 3. Joa jäwen. 6Jotam wort sea majchtich, wiels hee sikj en aulem, waut hee deed, no däm Harn, sienen Gott, sienen Wellen rechten deed.
7Waut noch mea von Jotam to sajen es un aul siene Kjriej un woo hee jeläft haft, daut steit jeschräwen em Buak von de Kjennichs von Israel un Juda. 8Hee wia 25 Joa oolt, aus hee Kjennich wort; un hee rejieed 16 Joa en Jerusalem. 9Un aus hee storf, begrowden see am en de Davidstaut. Un sien Sän Ahas wort Kjennich en siene Städ.
Currently Selected:
2. Chronik 27: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
