1. Timotäus 5

1Doo eenen oolen Maun nich utschellen. Räd am soo aun, aus wan hee dien Voda wia, un de jinjre Mana aus Breeda, #3Mo 19,32; Tit 2,2 2elre Frues aus Mitta, jinjre Frues aus Sestren, un hool diene Jedanken rein.

Wätfrues en de Jemeent – woo an vesorjen, un äaren Deenst

3Iea de Wätfrues, dee doa werkjlich Wätfrues sent. 4Wan eene Wätfru Kjinja ooda Grootkjinja haft, dan lot dee lieren, daut ieeschte äare Christenpflicht aun äare Famielje to bewiesen, un aun de Elren doonen, waut see schuldich sent; wiels daut es soo aus Gott daut jefaulen deit. 5Eene Wätfru, dee werkjlich auleen steit, haft äare Hopninj opp Gott jesat un vekjieet Dach un Nacht em Jebäd met Gott. #Luk 2,37 6Dee oba, dee doa huachhäa läft, läft, oba es jeistlich doot. 7Un dit brinj an bie, daut see soo läwen daut an nuscht väatoschmieten es. 8Wan oba wäa nich fa sien ieejnet Frintschoft sorcht, un besondasch fa dee von siene ieejne Famielje, dee haft doamet sienen Christengloowen aufjesajcht un es oaja aus eena, dee nich jleewen deit. #Mat 15,5-6

9Lot eene Wätfru bloos dan opp de List jebrocht woaren wan see nich unja 60 Joa oolt es, un bloos emol befriet jewast es. 10See mott uk soo jeläft haben, daut von äare goode Woakjen jerät woat, un daut see äare Kjinja goot belieet haft. See mott uk sennen gaustfrie jewast un de heilje de Feet jewoschen haben. See mott uk de bedrekjte biejestonen haben un sikj unja aule Omstend bemieecht haben, goodet to doonen. #Joh 13,14; Heb 13,2 11Oba jinjre Wätfrues nemm nich opp diene List nopp; wiels wan dee daut velangen no eenem Maun kjrieen, bräakjen dee äa Vespräakjen aun Christus, un wellen sikj befrieen, 12un brinjen doaderch de Beschuldjunk äwa sikj, daut see äa Vespräakjen nich jehoolen haben. 13Un en soone Tiet sent see en Jefoa ful to woaren, wäarent see von een Hus nom aundren gonen; un nich mau ful woaren, oba aus Schneppanäsen romgonen un pludren äwa Dinja, wuavon nich sull jerät woaren. 14Doawäajen rod ekj jinjre Wätfrues sikj to befrieen, Kjinja to haben un Husoabeit to doonen, daut de Fient nich eene Uasoak finjt äwa ons to lastren, #1Kor 7,9; 1Tim 2,15 15wiels doa sent soone, dee aul aufjekomen sent un daut met dän Soton hoolen. 16Wan irjent eene jleewende Fru #5,16 Eenje oole Schreften sajen irjent een jleewenda Maun ooda Fru. Wätfrues haft, dee von ar aufhenjich sent, dan lot ar dee methalpen, un lot dee nich eene Laust fa de Jemeent sennen, daut see dee biestonen kaun, dee doa werkjlich Wätfrues sent. #Apost 6,1

De Leidasch en de Jemeent

17Lot de Eltestasch, dee doa goot väastonen, doafäa jehoolen woaren, daut an dobbelde Iea traft, un besondasch dee, dee aum prädjen un lieren schwoa oabeiden. #Apost 14,23; Reema 12,8 18Wiels de Schreft sajcht: “Du saust däm Oss nich daut Mul toobinjen, wan dee drascht”; un: “Een Oabeida es sienen Loon wieet”. #5Mo 25,4; Luk 10,7; 1Kor 9,9 19Eene Kloag jäajen eenen Eltesta nemm nich aun, wan doa nich twee ooda dree met äa Zeichnis doarhinja stonen. #5Mo 19,15; Mat 18,16 20Dee, dee biem sindjen bliewen, strof ver aulemaun, daut aundre sikj doaderch ferchten to sindjen. #Gal 2,14; Mat 18,15-17 21Ekj saj die en aulem Iernst, ver Gott un Christus Jesus un siene heilje Enjel, daut du die aun dise Räajlen helst, un die von kjeene Spoolunk beräden latst. 22Sie nich too schwind reed irjentwäm de Henj opptolajen, daut du die doaderch fa aundre äare Sinden veauntwuatlich moakst. Hool diene Henj rein. #1Tim 4,14 23Drinkj nich mea bloos Wota, oba wiels du soo foaken krank best, drinkj uk een bät Wien wäajen diene Moag.

24Eenje Menschen äare Sinden sent verendach, un gonen an veropp en daut Jerecht. Aundre äare oba, komen mau lota verendach. 25Jrod soo sent uk eenje äare Woakjen, dee doa goot sent, openboa, oba dee, dee nich goot sent, bliewen uk nich vestoaken.

Currently Selected:

1. Timotäus 5: PB

Highlight

Copy

Compare