1. Timotäus 6

Sklowen, ieet june Haren

1Lot aule Sklowen, dee noch unja daut Joch sent, äare Haren wieet achten to ieren, soo daut nich jäajen Gott sienen Nomen un jäajen onse Lia jerät woat. #(1 un 2) Efs 6,5-8; Tit 2,9-10

2Un lot dee, dee jleewende Haren haben, nich nichachtent jäajen an sennen, wiels see sent Breeda. Lot an leewa soo väl bäta deenen, wiels Jeschwista em Gloowen sent, dee doaderch Jewenst haben. Dit es waut du prädjen un lieren saust! #Flp 1,16

Rikj sennen wellen fieet to faulsche Lieren

3Wan irjentwäa met eene aundre Lia oppkjemt un nich met de Woarheit stemt, dee de Har Jesus Christus jerät haft, un uk nich met de Gloowenslia stemt, dee dän Grunt fa een Läwen met Gott lajen deit, #2Tim 1,13 4dee es stolt met daut, waut hee sikj enbilt, un vesteit noch nuscht vom Gloowen, un haft een ojjesundet velangen sikj äwa Wieed to strieden. Doarut kjemt Aufgonst, Lastrunk, beesa Vedocht, #2Tim 2,14; Tit 3,10-11 5un Oneenichkjeit tweschen soone Menschen, dee em denkjen vedunkelt sent, un de Woarheit nich haben. See meenen de Christengloowen es doa, jeschaftlichen Jewenst doaderch to haben. 6Un secha es daut een groota Jewenst dän Christengloowen un Fräd to haben. #Mat 6,25-34; Flp 4,11-12; 1Tim 4,8; Heb 13,5 7Wie haben nuscht en dise Welt nenn jebrocht; un doawäajen kjenn wie #6,7 Eenje oole Schreften sajen kjenn wie gaunz jeneiw. uk nuscht met rut nämen. #Hiob 1,21; Psa 49,18; Liera 5,14 8Un wan wie Kjleeda un Äten haben, doamet sell wie tofräd sennen. #Spr 30,8 9Oba dee, dee doa wellen rikj woaren, faulen en Vesieekjungen un loten sikj von onsennje Lesten schlenjen, dee dän Menschen en daut vedoawen un en de Vedaumnis rieten. #Spr 28,22; Mat 13,22 10Jiez es eene Wartel wuarut aulahaunt beeset kjemt; eenje haben sikj daut jelesten loten un sent doaderch vom Gloowen aufjeert un haben sikj selfst doaderch väl Weedoag toojesat. #Efs 5,5; 1Tim 1,19

Tru sennen en aunjenomne Oppgowen

11Oba du, Mensch, dee du Gott aunjehieescht, go soowaut ut däm Wajch un sträw no daut Goode, no Jerajchtichkjeit, no Gloowen, no Leew, un sie jeduldich un gootmeenent! #2Tim 2,22; 3,17 12Kjamf dän gooden Gloowenskaumf; hool daut eewje Läwen faust, wuatoo Gott die beroopen haft, un wuavon du, ver väle, een goodet Bekjantnis jejäft hast. #1Kor 9,25-26; 1Tim 1,18; 4,14; 2Tim 4,7; Heb 3,1 13Ekj jebeed die ver Gott, von däm aulet Läwen kjemt, un ver Christus Jesus, dee ver Pontius Pilatus een goodet Bekjantnis jeef, #Joh 18,36-37; Opb 1,5 14daut du de Jebooten rein un oschuldich helst bat ons Har Jesus Christus kjemt. 15De rajchte Tiet fa am to komen, woat Gott, de Seelja, un eensich Jewaultja, de Kjennich äwa aule Kjennichs, un Har äwa aule Haren bestemmen. #5Mo 10,17; Opb 17,14 16Hee es de eensja Onstoaflicha, dee en een Licht wont, wua kjeena hankomen kaun, däm kjeen Mensch jeseenen haft, uk nich seenen kaun. Am jehieet aule Iea un eewje Macht! Amen. #2Mo 33,20; Joh 1,18

Ermonungen aun de rikje en de Jemeent

17Saj de rikje en dise Welt, daut see nich sellen stolt sennen, un äare Hopninj opp daut onsechre Jelt saten, oba opp Gott, dee ons rikjlich aules schenkjt, om daut met Freid to brucken. #Psa 62,11; Luk 12,15-21 18Saj an see sellen goodet doonen, daut see rikj sent aun goode Woakjen. See sellen mildjäwrich sennen, un jieren aun aundre aufdeelen, 19wuaderch see sikj eenen Schauz saumlen, dee eenen gooden Grunt fa de Tookunft lajcht, un aul hia, daut woare Läwen kjanen. #Mat 6,20; Luk 16,9

De latste Ermonunk aun Timotäus

20Oo Timotäus! Hool daut secha, waut Gott die aunvetrut haft, un hab nuscht to doonen met daut ladje, weltliche Jeplaupa un daut Jestried, daut doa väastalen saul, daut see väl weeten. #1Tim 4,7; 2Tim 1,12-14 21Daut es waut eenje väajäwen, un sent doaderch vom Gloowen jeert. Bliew en de Jnod! #1Tim 1,6; 2Tim 2,18

Currently Selected:

1. Timotäus 6: PB

Highlight

Copy

Compare