1. Chronik 27

Daut Kjrichshäa woat reedjemoakt

1Hia foljen de Aufdeelungen von daut israelitische Kjrichshäa, waut emma fa eene Moonat em Joa em Deenst träden musten un dan wada trigjträden kunnen; jieda Aufdeelunk haud 24.000 Mana. Om dit jeordnet derchtofieren, wieren de Leida von de Volkjsgruppen, de väaschte Mana vom Kjrichshäa un däm Kjennich siene Vewaultungsmana veauntwuatlich.

2Äwa de ieeschte Aufdeelunk, fa de ieeschte Moonat, wia Joschobam, Sabdiel sien Sän, aunjestalt, un en siene Aufdeelunk wieren 24.000. 3Hee wia een Nokomen von Perez, un wia de väaschta äwa aule Hauptmana en siene Aufdeelunk. 4Äwa de Aufdeelunk fa de tweede Moonat wia Dodai von Ahoach aunjestalt, un Miklot wia de väaschta Befälshaba en siene Aufdeelunk, un de Aufdeelunk haud 24.000. 5De väaschta fa de dredde Moonat, wia Benaja, däm Huagenpriesta Jojada sien Sän. Un en siene Aufdeelunk wieren 24.000. #1Chr 11,22-25 6Daut es dee Benaja, dee eena von de 30 un äwa de 30 Helden wia, un siene Aufdeelunk wia unja sienen Sän Amisabad. 7De väaschta fa de vieede Moonat, wia Asael, Joab sien Brooda, un no am sien Sän Sebadja, un en siene Aufdeelunk wieren 24.000. #1Chr 11,26 8De väaschta fa de fefte Moonat, wia Schamhut, een Nokomen von Serach, un en siene Aufdeelunk wieren 24.000. 9De väaschta fa de saste Moonat, wia Ira, Ikkesch sien Sän, von Tekoa, un en siene Aufdeelunk wieren 24.000. #1Chr 11,28 10De väaschta fa de säwende Moonat, wia Helez, von Pelon, ut däm Staum Efraim, un en siene Aufdeelunk wieren 24.000. #1Chr 11,27 11De väaschta fa de achte Moonat, wia Sibbechai, von Huscha, von Serach siene Nokomen, un en siene Aufdeelunk wieren 24.000. #1Chr 11,29; 20,4 12De väaschta fa de näajende Moonat, wia Abieser, von Anatot, ut däm Staum Benjamin, un en siene Aufdeelunk wieren 24.000. #1Chr 11,28 13De väaschta fa de tieende Moonat, wia Mahrai, von Netofa, von Serach siene Nokomen, un en siene Aufdeelunk wieren 24.000. #1Chr 11,30 14De väaschta fa de alfte Moonat, wia Benaja, von Piraton, ut däm Staum Efraim, un en siene Aufdeelunk wieren 24.000. #1Chr 11,31 15De väaschta fa de twalfte Moonat, wia Heldai, von Netofa, von Otniel siene Nokomen, un en siene Aufdeelunk wieren 24.000.

De väaschte Mana von de Stam

16Äwa de Stam von Israel wieren dise aunjestalt: Äwa dee ut däm Staum Ruben wia de Staumleida Elieser, Sichri sien Sän; äwa dee von Simeon wia Schefatja, Maacha sien Sän; 17äwa de Leviten wia Haschabja, Kemuel sien Sän; äwa Aaron siene Nokomen wia Zadok; 18äwa dee von Juda wia Elihu, eena von David siene Breeda; äwa dee von Isachar wia Omri, Michael sien Sän; 19äwa dee von Sebulon wia Jischmaja, Obadja sien Sän; äwa dee von Naftali wia Jeremot, Asriel sien Sän; 20äwa Efraim siene Nokomen wia Hoschea, Asasja sien Sän; äwa däm haulwen Staum Manasse wia Joel, Pedaja sien Sän; 21äwa däm haulwen Staum Manasse en Gilead wia Jiddo, Secharja sien Sän; äwa Benjamin wia Jaasiel, Abner sien Sän; 22un äwa Dan wia Asarel, Jeroham sien Sän. Daut sent de Staumleida von de Volkjsstam en Israel.

23Oba David neem de Zol von dee nich opp, waut 20 Joa un doarunja wieren, wiels de Har haud toojesajcht, hee wudd Israel soo zolrikj moaken aus de Stierns aum Himmel. #1Mo 22,17 24Joab, Zeruja äa Sän, haud aunjefongen to talen, oba hee bruak doamet auf, wiels däm Harn sien Oaja doawäajen äwa Israel kjeem. Doawäajen kjeem de Zol nich en de Chronik vom Kjennich David. #1Chr 21,7.14

De Vewaultasch äwa däm Kjennich sien Hab un Goot

25Asmawet, Adiel sien Sän, haud de Oppsecht äwa däm Kjennich sien Kaptol en Jerusalem; Jonatan, Usija sien Sän, wia de Vewaulta äwa däm Väarot oppem Launt, en de Städa, Darpa un Schutztorms. 26Äwa de Oabeida, waut daut Launt beoabeiden deeden, wia Esri, Kelub sien Sän, aunjestalt. 27Schimi von Rama äwawoakt de Wiengoades; Sabdi von Schefam wia äwa dän Väarot von Wien waut en de Wien Kjalasch jeloagat wia. 28Baal Hanan, de Gederita, äwawoakt de Oliewenbeem un Mulbäabeem opp de onjlikje Launtschoft; Joasch haud fa dän Eelj Väarot to sorjen; 29Schitrai ut de jlikje Stap von Scharon, wia doa fa de Veehäaden veauntwuatlich, oba fa daut Vee en de läaje Stapen wia Schafat, Adlai sien Sän, veauntwuatlich. 30Fa de Kameelen wia de Ismaelit Obil veauntwuatlich; Jechdeja von Meronot wia veauntwuatlich fa de Äsels; 31un de Hagarita Jasis wia veauntwuatlich fa de Schophäaden. Dit wieren aules Vewaultasch äwa däm Kjennich sien Hab un Goot.

David siene väaschte Metoabeida

32David sien Onkel Jonatan, een kluaka un jelieeda Maun, wia sien Beroda, un Jehiel, Hachmoni sien Sän, belieed däm Kjennich siene Säns. 33Ahitofel wia uk däm Kjennich sien Beroda. Huschai, de Arkita, wia däm Kjennich sien Frint, däm hee vetruen kunn. #2Sam 15,12.37; 16,16 34No däm Doot von Ahitofel kjeemen Jojada, Benaja sien Sän, un Abjatar aun siene Städ. Un Joab wia däm Kjennich sien Kjrichsfiera. #2Sam 8,16

Currently Selected:

1. Chronik 27: PB

Highlight

Compare

Copy