1. Chronik 25

De 24 Aufdeelungen von de Sinja

1David un siene väaschte Mana bestemden de Säns von Asaf, Heman un Jedutun, to disen Deenst. See wieren profeetische Mana un Musikaunten un sullen sinjen un met Hoapen, Zitta un Zimbeln spälen. Dise foljende Mana worden doatoo bestemt: #1Chr 15,19 2De Säns von Asaf wieren: Sakur, Josef, Netanja un Asarela. See stunden unja de Leidunk von äaren Voda Asaf, dee aus profeetischa Maun no däm Kjennich siene Aunwiesunk spälen deed. 3Von Jedutun siene Säns wieren: Gedalja, Zeri, Jeschaja, Haschabja, Matitja un Schimi, dise sas. See sullen unja de Aunleidunk von äaren Voda Jedutun, dee aus profeetischa Maun met de Hoap späld, däm Harn danken un lowen. 4Von Heman siene Säns wieren: Buckija, Matanja, Usiel, Schubael, Jerimot, Hananja, Hanani, Eliata, Giddalti, Romamti Eser, Joschbekascha, Maloti, Hotir un Mahasiot. 5Dit wieren aules Säns von Heman, dee fa däm Kjennich no Gott sien Wuat froagen deed, wiels Gott haud vesproaken, am to eenen aunjeseenen Maun to moaken; un Gott haud am 14 Säns un 3 Dajchta jeschonken. #2Chr 35,15 6Aul dise Mana sungen biem Deenst em Gotteshus unja de Leidunk von äare Vodasch Asaf, Jedutun un Heman un spälden biem sinjen met Zimbeln, Zitta un Hoapen, soo aus de Kjennich daut aunjeordnet haud. 7Un met äare Staumbreeda toop, waut em sinjen fa dän Gottesdeenst jeeeft wieren, talden see 288 goot jeeewde Mana.

8Uk äare Deenstschichten worden derch daut Loss bestemt, un doabie worden de jinjre krakjt soo behaundelt aus de elre, de Liera soo aus de Schiela. #1Chr 24,31 9Daut 1. Loss foll unja Asaf siene, opp Josef. Daut 2. Loss foll opp Gedalja met siene Breeda un Säns toop; un see wieren emma twalf en eene Grupp. 10Daut 3. Loss foll opp Sakur met siene Säns un Breeda toop; äara twalw. 11Daut 4. Loss foll opp Zeri met siene Säns un Breeda toop. 12Daut 5. Loss foll opp Netanja met siene Säns un Breeda toop. 13Daut 6. Loss foll opp Buckija met siene Säns un Breeda toop. 14Daut 7. Loss foll opp Asarela met siene Säns un Breeda toop. 15Daut 8. Loss foll opp Jeschaja met siene Säns un Breeda toop. 16Daut 9. Loss foll opp Matanja met siene Säns un Breeda toop. 17Daut 10. Loss foll opp Schimi met siene Säns un Breeda toop. 18Daut 11. Loss foll opp Asarel met siene Säns un Breeda toop. #1Chr 12,7 19Daut 12. Loss foll opp Haschabja met siene Säns un Breeda toop. 20Daut 13. Loss foll opp Schubael met siene Säns un Breeda toop. 21Daut 14. Loss foll opp Matitja met siene Säns un Breeda toop. 22Daut 15. Loss foll opp Jeremot met siene Säns un Breeda toop. 23Daut 16. Loss foll opp Hananja met siene Säns un Breeda toop. 24Daut 17. Loss foll opp Joschbekascha met siene Säns un Breeda toop. 25Daut 18. Loss foll opp Hanani met siene Säns un Breeda toop. 26Daut 19. Loss foll opp Maloti met siene Säns un Breeda toop. 27Daut 20. Loss foll opp Eliata met siene Säns un Breeda toop. 28Daut 21. Loss foll opp Hotir met siene Säns un Breeda toop. 29Daut 22. Loss foll opp Giddalti met siene Säns un Breeda toop. 30Daut 23. Loss foll opp Mahasiot met siene Säns un Breeda toop. 31Daut 24. Loss foll opp Romamti Eser met siene Säns un Breeda toop. Un see wieren emma twalf en eene Grupp.

Currently Selected:

1. Chronik 25: PB

Highlight

Compare

Copy