1. Chronik 24

De Priesta äare Deenstgruppen

1Uk de Priesta, Aaron siene Nokomen, worden en Deenstgruppen enjedeelt. Aaron siene Säns wieren: Nadab, Abihu, Eleasar un Itamar. #1Chr 23,6; 5,29 2Oba Nadab un Abihu storwen ea aus äa Voda un hauden kjeene Kjinja. Un dan worden bloos Eleasar un Itamar Priesta. #3Mo 10,1-2.12 3Met de Help von Zadok, eenen Nokomen von Eleasar, un Ahimelech, eenen Nokomen von Itamar, deeld David de Priesta en Deenstgruppen en. #2Chr 8,14 4Un doabie kjeem daut rut, daut de Aunzol von Mana bie Eleasar siene Nokomen jrata wia aus bie Itamar siene Nokomen. Un see deelden dee soo en, daut de Leida von de Volkjsgruppen von Eleasar siene Nokomen met äare Gruppen toop 16 Deenstgruppen hauden un von Itamar siene Nokomen worden acht Gruppen bestemt. 5Un woo de Rieej runt jinkj daut wort derch daut Loss bestemt, wiels de väaschte Priesta von beid Gruppen, de Nokomen von Eleasar un de Nokomen von Itamar, wieren jlikjberajchticht en de Veauntwuatunk fa dän Deenst en Gott sien Heilichtum. 6De Schriewa Schemaja, Netanel sien Sän, een Levit, schreef dee aula opp, en de Jäajenwuat vom Kjennich, von de väaschte Mana em Volkj, von de Priesta Zadok un Ahimelech, Abjatar sien Sän, un de Leida von de Volkjsgruppen von Priesta un Leviten. De Gruppen worden omzajcht utjelost, emma twee Gruppen von Eleasar siene Nokomen un eene Grupp von Itamar siene. #1Chr 18,16 7Un daut 1. Loss foll opp Jojarib, daut 2. Loss opp Jedaja, 8daut 3. Loss opp Harim, daut 4. Loss opp Seorim, 9daut 5. Loss opp Malkija, daut 6. Loss opp Mijamin, 10daut 7. Loss opp Hakoz, daut 8. Loss opp Abija, #Luk 1,5 11daut 9. Loss opp Jeschua, daut 10. Loss opp Schechanja, 12daut 11. Loss opp Eljaschib, daut 12. Loss opp Jakim, 13daut 13. Loss opp Huppa, daut 14. Loss opp Jeschebab, 14daut 15. Loss opp Bilga, daut 16. Loss opp Immer, 15daut 17. Loss opp Hesir, daut 18. Loss opp Pizez, 16daut 19. Loss opp Petachja, daut 20. Loss opp Jeheskel, 17daut 21. Loss opp Jachin, daut 22. Loss opp Gamul, 18daut 23. Loss opp Delaja, un daut 24. Loss opp Maasja. 19Daut sent de Deenstgruppen, dee no äare Ordnunk en däm Harn sien Hus jinjen no de Väaschreften to deenen, waut äa Staumvoda Aaron an jejäft haud, soo aus de Har, Israel äa Gott, daut aunjeordnet haud.

Noch eene List von de Leviten

20Von Levi siene aundre Säns wieren doa: Von Amram siene Nokomen: Schubael; von Schubael siene Nokomen: Jechdeja; 21von Rehabja siene Nokomen wia Jischija de väaschta; #(21-30) 1Chr 23,17-23; 26,23 22von Jizhar siene Nokomen wia Schelomit; von Schelomit siene Nokomen wia Jahat. 23Hebron siene Säns wieren: Jerija, de väaschta, Amarja, de tweeda, Jahasiel, de dredda, un Jekamam, de vieeda; 24von Usiel siene Nokomen wia Micha, un von Micha siene Nokomen wia Schamir. 25De Brooda von Micha wia Jischija, un von Jischija siene Säns: Secharja. 26De Nokomen von Merari wieren: Machli un Muschi, un de Säns von sienen Sän Jaasija. 27De Nokomen von Merari sienen Sän Jaasija wieren: Schoham, Sakur un Ibri. 28De Säns von Machli wieren: Eleasar, waut kjeene Kjinja haud, 29un Kisch. De Sän von Kisch wia Jerachmeel. 30Muschi siene Säns wieren: Machli, Eder un Jeremot. Dit wieren de levitische Volkjsgruppen. 31Un see deelden äare Oabeitschichten krakjt soo derch daut Loss en aus bie äare Staumbreeda, de Priesta; un daut wort ver däm Kjennich David, ver Zadok un Ahimelech un ver de Leida von de Priesta un Leviten äare Volkjsgruppen. Un doabie worden de Leida äare Famieljes nuscht aundasch behaundelt aus dee von äare jinjste Breeda. #1Chr 25,8

Currently Selected:

1. Chronik 24: PB

Highlight

Compare

Copy