Ap 1
1
Yek'b'il tu'n Jesukrist
1A yek'b'il ja'lu tzaj tq'o'n Dyos te Jesukrist, tu'n kytzaj tyek'u'n tkyaqil ti'xti' nojqelan tu'n kyulkanun kyeju' tmajin. Tzaj tyek'u'n Jesukrist tu'nel tanjl tzaj tchq'o'n tk'etz Xwan ju' tmajin, 2tzaj tma'n tkyaqilju' ax oje til, ex kanli tyol Dyos twitz, q'manjtzxi'xtl te tu'n Jesukrist.
3K'i'wla'nte' njaw ẍch'inte tpakb'al b'a'n q'ma'n toju' u'j lu, exju' nb'inte ajtjaw ẍch'et, qu'n matxi' tzul lq'e tq'ijlalil tu'n kyjapun.
Q'olb'eb'l kye wuq k'loj okslal
4Ayine' Xwan, nche'x nq'olb'e'ne' wuq k'loj okslal toj tx'otx' Asya. Tenxwit xtalb'il ex nak'b'il kyeye' tu'n Qman Dyos aku'xi'x, atitltoq atxi'x ojtxi' ex tzultl, ex kyu'n wuq xewb'aj ate' twitz tq'uqb'il, 5ex tu'n Jesukrist, b'a'n tziyal, ju' nejtl tjaw anq'in ex ati toklen kyib'aj nimaqkawil twitz tx'otx'. K'u'jla'nqo' tu'n Krist, ex maqo tkol toj qil tu'nju' tchk'el elqojli, 6maqo oktq'o'n kse'nqe' nimaqkawil; ex kse'nqe' pale tu'n qajb'en te Dyos Manb'aj. ¡Jawxwit ajwali'n ex kawinxwit tejumajx! Ikyxwitju'.
7¡Tzul Krist toj muj!
Kykyaqil xjal che okyel ka'yinte.
expe' k'okyel ka'yi'n kyu'n e'ok xyunte;
ex kykyaqil xjal twitz tx'otx'
che oq'el ti'j ajtokkyka'yi'n.
Ikyte kb'ajelju', Ikyxwitju'.
8Ayine' tnejel ex b'ajsb'il techtz'ib', chi Qman Dyos nimtipumal, aju' itz', ati ojtxi' ex tzul.
Til Xwan Jesukrist kse'n toj witzik'
9Ayine' Xwan, kytzike' toj Qajaw, ex tu'nju' mujb'ab'l tuk'i'l Jesus antine' kyuk'i'le' toj tkawb'il Dyos, nchin yajtiye' kse'nxkye, ex q'o'n wipumale' tu'n Dyos tu'n tik'x wu'ne'. Tu'ntzun npakb'a'ne' tyol Dyos q'ma'nxi'x tu'n Jesus, antintoqe' toju' swejtx'otx' Patmos tb'i. 10Tojtzun jun tq'ij Qajaw ten tipumal Xewb'aj Xjan wib'aje', ex nb'iye' jun kuw tzaj yolin ttze'lwi'je', naku'j tq'ojq'ojel chun, 11tma kjalu: Tz'ib'anku'ya k'okyel tka'yi'na tojun u'j, ex smanxa kyeju' wuq k'loj okslal toju' tx'otx' Asya: kyoj Epeso, Esmirna, Perkamo, Tyatira, Sardes, Piladelpya ex Laodisya, chij.
12Tetzunj tanj miltz'uj nwitze' ka'yilte alkye nyolin weye'; wile' wuq kykb'el kantil q'anpwaq, 13wile' jun wnaq naku'j a Qajaw kyxolju' wuq kykb'el kantil, tok jun t-xb'alun ku'j kupomnix t-xe tqan, ex tok tk'alb'il q'anpwaq tk'u'j. 14Saq t-xya'mal twi' naku'j saq noq', mujqa kse'n txun che'w, aye'tzu'n twitz naku'j tqantaq' q'aq'. 15Intoq che qoptz'aju' tqan naku'j q'ank'uxb'il ẍtilsa'n, b'unsa'n toj chuj; iky toj twi' kse'n tq'ojq'ojel nin a' njukyin. 16Ate'toq wuq che'w toj tb'a'nq'ob', intoq netz jun k'uẍtx'e'nb'il ch'ut kab'e' plaj twitzte toj ttzi. Intoq qoptz'aj twitz kse'n q'ij inxi'x qoptz'aj.
17Majx nkub' tz'aqe' t-xe tqan naku'j nkyime' tej nlonteye'. Atzunte kub' tq'o'n tb'anq'ob' toj nwi'ye', ex tzaj tma'n: Lalun xob'a; ayinweye' t-xetnejel ex te b'ajsb'il, 18itz'qine'. Inkyime', atzu'n ja'lo itz'qine' tejumajx. Ex toj nq'ob'e' ta'ju' tal ja te kamik. 19Tz'ib'anku'ya matxi' tila: aju' nb'aj ja'lo exju' tzul yajxi'tl. 20Kxe'l nma'ne' teya ti' tz'elpuna' wuq che'w xtila toj nb'anq'ob'e', exqe' wuq kykb'el kantil q'anpwaqqe': aye' wuq che'w a tz'elpuna' wuq anjl kyxolju' wuq b'yoj okslal, aye'tzu'n wuq kykb'el kantil a tz'elpuna' wuq k'loj okslal.
Currently Selected:
Ap 1: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999