Sal 112
112
Ttzalajb'ilju' xjal tnik'alti'j
1¡Ajwalinjtzxwit Qman Dyos!
Tzalajb'ilte' teju' xjal nniman te Qman Dyos
ex ntzalaj tu'n kyjapu'nju' tchaq'b'il tu'n.
2Che k'i'wlanjtzel tyajajil
ex ktenb'el kyipumal twitzju' tx'otx'.
3Nim q'inumal ati toju' tja,
ex kukx tb'inchan xtalb'ilju'.
4Ink'ant jun spik'un toj qlolj
kyeju' xjal tnik'alkyi'j,
kyeju' nlaqj kyk'u'j, che'w kyk'u'j ex tnik'alkyi'j.
5Aju' b'a'n xjal inq'on ch'ex tu'n tkyaqil tk'u'j
ex toj tu'me'l nche tb'incha'na' taq'un;
6qu'mtzun milo kb'ela' tz'aq.
¡Ktzajel na'nju' xjal tnik'alti'j kukxju'!
7Min nxob' ajtb'inte jun tpakb'alil toq'wix,
q'uqlixi'x tk'u'j ti'j Qman Dyos.
8Q'uqlixi'x tk'u'j; min nxob',
expe' naq ntze'n kyi'ju' tajq'oj ajkyxi' tka'yi'n.
9In oyin kye prow,
kukx tb'inchan xtalb'ilju',
majx oksla'n ex njaw nima'n.
10Inxi'x ku'xtwantib'ju' b'inchal myab'a'n aj txi' tka'yi'n;
naqxi'x nkuttx'a'n t-xe twitzte ajtkub'aj toj ttx'u'jil.
Lay japunte' npon kyk'u'ju' b'inchal myab'a'n ti'j. Chiju' b'itzal.
Ajwalb'ilte t-xtalb'il Qman Dyos.
Currently Selected:
Sal 112: MAMO
Highlight
Copy
Compare
Share
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999
