Sal 111
111
1 Ajwalb'ilkye tb'inchb'en Dyos
1¡Ajwalinjtzxwit Qman Dyos!
Kwajwali'ye' Qman Dyos tu'n tkyaqil nk'u'je'
toju' b'uyjtib'il kyeju' xjal tnik'alkyi'j,
toj tkyaqilju' tnam.
2Nimaq kyoklenju' tb'inchb'en Qman Dyos,
aye'tzu'n nche k'u'jlante inche ximan ti'j.
3Tb'anilxi'xju' tb'inchb'en ex nim toklen,
ex majx atiju' tnik'alti'j ntb'incha'n.
4Che tzajel na'nju' tb'inchb'en tb'anilxi'x kukxju'.
Inlaqjte Qman Dyos tk'u'j ex che'w tk'u'j;
5intzaj tq'o'n kywaju' nche niman te;
¡min in ik'tna'lju' tyol kyejni b'entti'j!
6Tzaj tyek'u'n tipumal teju' ttanam,
tej tel ti'n kytx'otx'ju' witzleb'il ex tzaj tq'o'n kye.
7Tu'me'lte' ntb'incha'n ex ax;
b'a'n tu'n tokqe qk'u'j kyi'ju' tchaq'b'il,
8qu'n majx ate'qe' toj tkyaqil tab'q'iyil
b'incha'nqe' txoli'nxi'xkyi'j ex ax qe'.
9E'ttzaqpiju' ttanam
kyej tq'o'nxi'xju' tyol kyejni b'entti'j tejumajx.
Xjante' Qman Dyos ex xob'ajilx.
10Ate nimaq nab'lju' qama qnima Qman Dyos;
aye'ju' nche niman te, ati kynab'l.
¡K'ajwali'njtzel te Qman Dyos kukxju'! Chiju' b'itzal.
Currently Selected:
Sal 111: MAMO
Highlight
Copy
Compare
Share
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999
