Sal 113
113
1¡Ajwalinjtzxwit Qman Dyos!
¡Knima'nktze' tb'i! aye'ye' nche ajb'ene' te.
2¡Ajwalinjtzxwit tb'i Qman Dyos
ja'lo ex tejumajx!
3¡Ajwalinjtzxwit tb'i Qman Dyos
tzajx tjawetzq'ij ponx tkub'exq'ij!
4Atite Qman Dyos kyib'aj kykyaqil nimaqtnam;
¡tib'ajxi' kya'j ta'ju' tajwalil!
5Alxi'xkye jun ikwitju' kse'n Dyos Manb'aj,
ju' nkawin tzmax toj kya'j;
6exwittzun nkub' tzipe
tu'n tka'yinteju' kya'j ex tx'otx'.
7Inetz tiq'i'n Qman Dyos prow toj yajb'il,
ex njaw tiq'i'n tal xjal mixti' ati te
8Nnokxtq'o'ntzuntz kyxolju' xjal nimaq kyoklen,
kyxolju' nimaq kyoklen toju' ktanam.
9Exju' qya min nalan
inxitq'o'n ttzalajb'il te tu'n tok te txub'aj
tu'n ttzalaj kyuk'i'lku' toj tja.
¡Ajwalinjtzxwit Qman Dyos! Chiju' b'itzal.
Currently Selected:
Sal 113: MAMO
Highlight
Copy
Compare
Share
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999
