SALMOAK 77
77
77. (76.) SALMOA
Iraganeko mirariez oroituz, oraingo egoeraz negar-kanta
1 Koru-zuzendariarentzat. «Jedutun # 77,1 Jedutun: Ik. 39,1 oh. » en doinuaz. Asafen salmoa.
2Goraki degiot Jainkoari deiadar,
goraki deiadar, entzun diezadan.
3Neure larrialdian, Jaunarengana jotzen dut,
gauez aspertu gabe besoak luzatzen,
pozbide orori uko eginez.#Nire larrialdian/arriskuan 9,10; 20,2; 37,39; 50,15; 86,7; 102,3; 120,1; Is 26,16; 33,2; Jr 14,8.
4Jainkoaz oroiturik, intziri dagit,
hartaz pentsatzean, adorea galtzen dut.#Jainkoaz oroiturik, intziri 42,5-6.12; Jon 2,8.
5Ez didazu uzten, Jauna, begirik biltzen,
nahasturik nago, ez dakit zer esan.
6Aspaldiko garaiez gogoratzen naiz,
antzinako urteez oroitzen;#Aspaldiko garaiez 143,5; Dt 32,7.
7gauez kantu-leloa datorkit gogora,
barrutik hausnarrean eta neurekiko galdezka ari naizela:
8«Jaunak betiko baztertuko ote gaitu?
Ez ote digu sekula berriz mesede egingo?#betiko baztertu? 43,2+. Ik. Nk 3,31; 5,22.
9Amaitu ote erabat haren maitasuna?
Bukatu ote betiko haren agintzaria?#Amaitu ote haren maitasuna? Nk 3,21-22. Ik. Is 49,14-15.
10Jainkoa bere gupidaz ahaztu ote da?
Haserrez bihotza itxia ote du?»
11Eta neurekiko diot: «Hauxe nire gaitza:
Goi-goikoaren jokabidea aldatu egin dela».
12Gogoan ditut, Jauna, zure egintza handiak,
gogoan, bai, zure aspaldiko mirariak.
13Zuk egindako guztiak buruan darabiltzat,
zure egintza handiak hausnartzen ditut.
14Santua da, oi Jainko, zure jarduera!
Zein jainko zu bezain handi?#Zein jainko zu bezain handi? 18,32+; 48,2; 95,3; 104,1; 135,5; 145,3; 147,5.
15Zu zara mirariak egin dituen Jainko bakarra,
zuk erakutsi diezu herriei zeure indarra.
16Zeure indarraz askatu zenuen herria,
Jakoben eta Joseren ondorengoak.
17Itsasoak zu ikusi orduko, oi Jainko,
itsasoak zu ikusi orduko, dardara egin zuen,
itsas leizeak ikara.#itsasoak dardara 114,3; Ir 14,5-31; Is 51,10; Hab 3,10-11.
18Hodeiek euri-jasak bota zituzten,
lainoek trumoia jo, zure geziak han-hemen bristadaka.
19Zure trumoi-burrunbak zeruan jotzean,
oinaztarriek mundua argitu zuten,
lur-barrenak ikara eta dardara egin.#trumoi-burrunba 18,14+; Ir 19,16. lurrak dardara 97,4.
20Itsasoan zehar igaro zinen, ur handien artetik oinez,
baina inork zure aztarnarik aurkitu ezin.#Itsasoan zehar igaro Is 43,16; 51,10; 63,11-13; Jkd 14,3.
21Artaldea bezala eraman zenuen zeure herria,
Moises eta Aaronen eskutik.#Artaldea bezala eraman 78,52; 80,2; 95,7; Is 40,11. Moises eta Aaronen eskutik Jos 24,5-6; 1 Sm 12,8; Mi 6,4.
Currently Selected:
SALMOAK 77: EAB
Highlight
Copy
Compare
Share
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso
