SALMOAK 62

62. (61.) SALMOA

Jainkoaz bakarrik fidatzeko deia

1 Koru-zuzendariarentzat. «Jedutun # 62,1 Jedutun: Ik. 39,1 oh. » en doinuaz. Daviden salmoa.

2Jainkoarengan bakarrik atseden nire barruak,

harengandik nire salbamena.#Jainkoarengandik salbamena Is 12,2.

3 Bera bakarrik nire harkaitz eta salbamen,

nire gotorleku: inola ere ez naiz eroriko. # Bera nire harkaitz… 18,3; 89,27.

4Noiz arte oldartu behar duzue gizakiaren kontra,

hau akabatu nahian?

Pareta okertua, hesi koloka#62,4 hesi koloka: Bi irudiok gizakiari aplikatzen zaizkio ohiko itzulpenetan, pareta okertua, hesi koloka bailitzan itzuliz. zarete guztiok!

5Azpikeria beste asmorik ez dute,

gezurra zaie atsegin, hondatzeko:

hitzez bedeinkatu, eta barrutik madarikatu.#hitzez, barrutik 28,3+; 55,22.

6Ene barrena, Jainkoarengan bakarrik izan atseden,

harengandik baitator nire esperantza.#harengandik esperantza 71,5; Has 49,18.

7 Bera bakarrik nire harkaitz eta salbamen,

nire gotorleku: ez naiz eroriko.

8Jainkoarengan nire salbamena eta ohorea,

Jainkoa nire harkaitz sendo eta babesleku.

9Izan beti harengan konfiantza, haren herri zaretenok!

Zabaldu hari zeuen bihotza! Jainkoa dugu babesleku!#harengan konfiantza 9,11+; Is 26,4. Jainkoa babesleku 7,2+.

10Haizea eta itxura besterik ez dira gizakiak,

jende xehe nahiz handiki:

denak batera pisuan jarrita,

haizea baino arinago igoko lirateke.#gizakia haize eta itxura 39,6-7. jende xehe nahiz handiki 49,3. pisuan Is 40,15.

11Ez izan konfiantzarik zapalkuntzan,

ez jarri usterik lapurretan.

Ondasunak ugalduta ere, ez eman haiei bihotza.#ez jarri usterik zapalkuntzan Is 30,12. ez eman bihotza ondasunei Jb 27,16-17; 31,25; Mt 19,22; 1 Tm 6,17.

12Jainkoak esan du —behin eta berriro entzun diot#62,12 Jainkoak… entzun diot: H.h., Jainkoak gauza bat esan du, entzun dizkiodan bi gauza.—

berari dagokiola ahalmena.

13Bai, zuri dagokizu, Jauna, leialtasuna;

bakoitzari bere egintzen arabera ordaintzen diozu.#Jaunari leialtasuna 17,7+. bakoitzari bere egintzen arabera Jr 25,14+; Jb 34,11; Erm 2,6; 2 Tm 4,14.

Currently Selected:

SALMOAK 62: EAB

Highlight

Copy

Compare