SALMOAK 102
102
102. (101.) SALMOA
Larrialdian otoitza
1 Lur jorik dagoen dohakabearen otoitza: Jaunaren aurrean husten du bere kexa. # kexa hustu 142,3.
2Jauna, entzun nire otoitza, hel bekizu nire deiadarra!#hel bekizu 39,13; 88,3; 119,169.
3Ez iezadazu larrialdian aurpegia ezkuta,
makur belarria niregana, dei egitean: erantzun bizkor!#Ez ezkuta aurpegia 69,18+. larrialdian 77,3+. erantzun bizkor 141,1; 143,7. Ik. 22,20+.
4Badoaz nire egunak, kea bezala,
erretzen dauzkat hezurrak, txingarrak bezala.
5Belarra bezala zimeldu zait bihotza,
jangartzu eta akiturik nago.#Belarra bezala 37,2+; 102,12.
6Intziriaren intziriz, hezur eta azal bihurtua nago.#Intziriaren intziriz 6,7; 31,11.
7Hontz-zuria basamortuan bezala nago,
gau-hontza hiri-hondakinen artean bezala.
8Loak hartu ezinik, hor nago
txori bakartia teilatuan bezala.
9Egun osoan etsaiak irainka ari zaizkit,
amorru bizian madarikatzen.
10Errautsa dut janari, malkoak edari.#malkoak edari 42,4+.
11Zeure haserre-suminez,
gora jaso eta lurrera jaurti nauzu.
12Badoaz nire egunak, arratseko itzalaren antzera desagertuz;
zimeltzen ari naiz belarraren antzera.#Badoaz nire egunak 90,9-10+; 103,15; 109,23; 144,4.
13Zu, ordea, Jauna, errege zara betiko,
zure erregetza menderen mendetarako.#errege betiko 9,8+; Nk 5,19.
14Gupida izango diozu Sioni berriro,
bada-eta errukirako garaia; bai, heldu da garaia!#Gupida izango 135,14.
15Maite dituzte zure zerbitzariek hango harriak,
penaturik daude hango hondamendiaz#102,15 hondamendiaz: H.h., hautsaz..
16Begirune izango diote nazioek Jaunaren izenari,
lurreko errege guztiek haren aintzari,#nazioek begirune Jaunari Is 59,19; 66,18.
17Jaunak Sion berriz eraikiko duenean
eta aintzaz beterik agertzean;#Sion eraiki 51,20+; 147,2. Jauna aintzaz agertu Is 60,1.
18zapalduaren otoitza entzungo du,
ez ditu baztertuko beronen eskariak.
19Bego hau idatzirik hurrengo gizaldiarentzat,
sortzeko dagoen herriak Jauna gorets dezan.#hurrengo gizaldiarentzat 22,31+.
20Jaunak bere santutegi gorenetik behera,
zerutik lurrera begiratu du,#Jaunak lurrera begiratu 11,4+; Is 63,15.
21presoen intziriak entzuteko
eta hiltzera kondenatuak askatzeko.#presoen intziriak 79,11.
22Jaunaren izen ahaltsua iragarriko dute Sionen,
haren gorespena Jerusalemen,
23herriak beren erregeekin batera
Jauna gurtzera bilduko direnean.#herriak bilduko 86,9+.
24Nire indarrak apaldu ditu bere ahalmenaz,
nire egunak urritu.
25Nik esan nuen: «Ene Jainko,
ez nazazu eraman sasoirik onenean!»#sasoirik onenean Is 38,10.
Zure urteek gizaldiz gizaldi diraute.
26Hasieratik sendo ezarri zenuen lurra,
zure eskuek egina da zerua:
27haiek galduko dira, baina zuk iraungo;
jantzia bezala gastatuko dira,
soinekoa bezala aldatuko dituzu, eta haiek desagertuko.#zeruak aldatuak Is 65,17. Ik. 2 P 3,10; Ap 20,11. zeru-lurrak desagertuko Is 34,4; 51,6-8; Heb 1,10-12.
28Zu, ordea, beti bera, zure urteak amaigabeak.
29Zure zerbitzarien ondorengoak seguru biziko dira,
haien askaziak zure aurrean iraungo.#zerbitzarien ondorengoak 69,36-37; Ez 37,25.
Currently Selected:
SALMOAK 102: EAB
Highlight
Copy
Compare
Share
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso
