JEREMIAS 40
40
Jeremias Judan gelditu
1Jaunak berriro hitz egin zion Jeremiasi. Raman#40,1 Rama: Ik. 31,15 oh. Jeremiasen zoriari buruzko kontakizunak nahasiak dira. 39,11-14an esanaren arabera, Nebuzaradanek Jerusalemen hartu zuen Jeremias bere ardurapean; hemen, berriz, Raman, gatibuen artean, aurkitzen dugu. zegoela izan zen, Nebuzaradan errege-guardiaburuak askatu eta bere ardurapean hartu ondoren. Jeremias katez lotua zegoen Raman, Juda eta Jerusalemdik Babiloniara gatibu zeramatzaten guztiekin batera.#Nebuzaradanek askatu 39,11-14.
2Guardiaburuak aparte hartu eta esan zion Jeremiasi: «Jaunak, zuen Jainkoak, iragarri zuen zoritxar hau herrialde honen kontra. 3Jaunak bete eta burutu egin du berak iragarria. Jaunaren aurka bekatu egin eta obeditu ez diozuelako gertatu zaizue guztia. 4Halere, zuri oraintxe bertan kenduko dizkizut eskuetako kateak. Nirekin Babiloniara etorri nahi baduzu, etorri; neu arduratuko naiz zutaz; etorri nahi ez baduzu, berriz, gelditu. Herrialde guztia duzu zeure esku; zoaz nahi duzun tokira. 5Nirekin gelditu nahi ez baduzu, zoaz Ahikamen seme eta Xafanen biloba Gedaliasengana#40,5 Nirekin… baduzu: Grekozko itzulpenaren arabera; hebreerazkoa iluna da. Gedalias: Ik. 26,24 oh. Goi-funtzionarioen familiakoa zen.. Bera ezarri du Babiloniako erregeak Judako hirietako gobernari. Zaude berarekin zeure herritarren artean. Dena den, nahi duzun tokira joan zaitezke». Ondoren, biderakoak eta esku-erakutsiak eman eta joaten utzi zion guardiaburuak.#zoaz Gedaliasengana Ik. 39,14. 6Jeremias Mitzpara#40,6 Mitzpa: Jerusalemdik iparraldera, 12 km ingurura, zegoen. joan zen Ahikamen seme Gedaliasengana, eta beronekin bizi izan zen, herrialdean gelditzen ziren bere herritarren artean.
Gedalias Juda lurraldeko gobernari
(2 Erg 25,22-24)
7Artean zenbait gudalburu judatar landetan sakabanaturik zebilen bere gudariekin. Jakin zuten Ahikamen seme Gedalias herrialdeko gobernari ezarri zuela Babiloniako erregeak eta beronen ardurapean jarri zituela gizon-emakumeak eta haurrak, Babiloniara eraman ez zuen herriko jende xehea. 8Orduan, beren gizonekin Gedaliasengana joan ziren Mitzpara. Hauek ziren gudalburuak: Netaniasen seme Ismael, Kareahen seme Johanan eta Jonatan, Tanhumeten seme Seraias, Netofako Ofairen semeak eta Maakako Jezanias. 9Gedaliasek zin-hitz hau egin zien: «Ez izan babiloniarrak zerbitzatzeko beldur. Gelditu herrialdean. Izan Babiloniako erregearen menpeko eta ongi joango zaizue. 10Nik Mitzpan gelditu beharra dut, guregana datozen babiloniarren zerbitzurako. Zuek, bildu ardoa, fruituak eta olioa, sartu ontzi eta biltegietan, eta bizi eskura ditzakezuen hirietan».
11Jakin zuten Moab, Amon, Edom#40,11 Moab, Amon, Edom: Judaren hego-ekialdeko hiru erresumak dira. eta beste herrialdeetara ihesi joanak ziren judatarrek ere, Babiloniako erregeak judatar batzuk beren herrialdean utzi zituela, eta Gedalias, Ahikamen seme eta Xafanen biloba, ezarri zuela gobernari. 12Hala, beraiek ere, banaturik zeuden alde guztietatik etorri eta Gedaliasengana joan ziren Mitzpara.
Mahats- eta fruitu-uzta handia bildu zuten.
Gedalias hil
13Egun batez, Kareahen seme Johanan eta landetan zebiltzan gudarien buruzagiak Gedaliasengana joan ziren Mitzpara, 14esatera:
—Ba al dakizu Amongo errege Baalisek Netaniasen seme Ismael bidali duela zu hiltzeko?
Gedaliasek ez zien sinetsi. 15Orduan, Johananek isilka esan zion Gedaliasi:
—Neu joango naiz Ismael hiltzera, eta ez du inork ere jakingo. Zergatik hil behar zaitu? Zure inguruan bildu diren judatarrak sakabanatzea eta herrian zutik gelditu denaren hondamendia ekarriko luke horrek.
16Baina Gedaliasek erantzun zion:
—Ez egin horrelakorik, ez baita egia Ismaeli buruz diozuna.
Currently Selected:
JEREMIAS 40: EAB
Highlight
Copy
Compare
Share
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso
