HOSEYA 6
6
Hamda hiɗi hot ni gaata
1Nigiyaya, hotay tam Ma-Vatɗina,
kay nam kaay tuwayawa goyo,
nam watayawa, may nam jun vun milla vay lo.
2Nam ma vulay irita hay buur ma',
hay buurta ɦidita nam ma poŋay yay kulo'o,
nay ma lak iri vok iramu.
3Nay ma wi'e,
nay ma gar kay wi Ma-Vatɗina,
mata valamu ma li haraŋ ki liyn ma fo goyn nala,
nam ma co kaya ki niyn ma sin nala,
ki niyn ma gufulda ŋuruɓ yam nagat nala.
4Nan ma lum tigi mi mige?
Sumuna vi Efrayim?
Nan ma lum tigi mige?
Sumuna vi Yuda?
Minda vigi kan kayn ki roɗo ma graw culumta nala,
ki maɗay ma yak goyn nala.
5Kuɗ kayni nan min watsi hiɗi del sa jobta,
nan min cisi goyo hiɗi yoboyna vi vunanu.
Kitata vanu na' ma fo goy ki liyn ma haraŋa nala.
6Nan minim mi sa ma minan gasina,
may mi ɗifinnaɗi,
wi ma san wan nan Lawna nam ŋaa'a suw ɗifin ma ŋal goyna.
7Nisiya, ki Adam#6:7 Dita Adam zawni segen muɗa' hiɗi sem nagata. ɗuw Yos 3:16. nala,
bulak bonot ta jaran hiɗi nisita;
kuɗ kayni nisi min hum kuɗ gatta vanɗi.
8Galaad kayn mi hoyok-ziyna vi sum sa jiw-zlata,
baŋal busuw ma ɦoki gaan ka haya'a.
9Vokŋa vi muliyan-sa-ɗifinna
nam ki sum sa baray goy hay hagan nala,
Nisi ka ci sumun hay hagata ta kal Sikemta;
kay nisi vul tuwsi goy tam mat ma cina.
10Iran wi law ma ɦuyumawa hay ziyna vi Israyel,
sum sa fi Efrayimna ka li tuwsi viyuwu,
sumuna vi Israyel ka li tuwsi liwisi.
11Nigi sumuna vi Yuda kaw feɗn ka cubgi ta',
kayni ma li ɗawn hay li ma sumuna van
sa goy gorvona nan ma hotsiyay vona.
Currently Selected:
HOSEYA 6: Massana
Highlight
Share
Compare
Copy
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
