Cantares 3
3
1Puñunaypim kuyasqayta tutankuna maskarqani,
ichaqa maynataña maskaspaypas manam tarirqanichu.
2Chaymi hatarispay,
llaqtaman lloqsispa callekunapi, plazakunapi kuyasqayta maskarqani.
Ichaqa maynataña maskaspaypas manam tarirqanichu.
3Llaqta waqaychaq guardiakunatam tapukurqani:
¿Icha kuyakusqayta rikukullawaqchik karqa? nispay.
4Paykunamanta rakikuykuspallaymi
ancha kuyasqayta tarirurqani.
Makinmanta hapikuruspaymi
mamaypa wasinman pusanaykama,
wachakuwaqniypa wasinman pusanaykama,
mana kachaykurqanichu.
Qarim nin:
5Jerusalenpi sipaskuna,
luwichukunaraykuyá, tarukakunaraykuyá,
ancha kuyakusqayta ama rikchachinaykichikpaq
prometeykuwaychik,
kikinmanta rikcharinankamayá hina puñukuchun.
Kimsa kaq taki
Takiqkunam ninku:
6¿Pitaq wak, chunniqmanta qespimuchkan? Qosni hinaraq,
mirrapa inciensopa asnayninwan,
tukuy rikchaq olorkunawan perfumasqallaña.
7¡Qawariychik, Salomonpa carretanmi!
Israelpa tropakunamanta akllasqa
soqta chunka soldadokunapa chawpintam hamuchkan.
8Paykunaqa llapallankum espadayuqkama,
llapallankum guerrapi pelamuqkuna.
Sapakamam wiqawninpi espada watasqa,
tutayaypi imapas kaptin defiendenankupaq.
9Rey Salomonmi Líbano lawpi sachakunamanta
carretankunata ruwachikurqa.
10Qollqemanta pilarniyuqta,
wasan takyachiqtañataq qorimanta,
tiyanantañataqmi pukay-pukay telamanta.
Chay trononpa ukuntam Jerusalenpi sipaskuna,
kuyakuyllawanña pachachirqaku.
11Sión llaqtapi sipaskuna, lloqsimuychik,
rey Salomontayá qawariychik
casarakunan punchawpaq
sinchi kusikunan punchawpaq
mamanpa ruwapusqan coronawan churasqata.
Currently Selected:
Cantares 3: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012