Cantares 2
2
Warmim nin:
1Sarón lawpi rosas waytam ñoqaqa kani,
qechwakunapi amanqay waytam ñoqaqa kani.
Qarim nin:
2Imaynam kichkakunapa chawpinpi amanqay wayta,
chaynam kuyakusqaypas sipaskunapa chawpinpi.
Warmim nin:
3Imaynam purun sachakunapa chawpinpi manzana,
chaynam kuyakusqaypas jovenkunapa chawpinpi.
¡Mayna sumaqmi llantuyninpi tiyaykuyniyqa!
¡Mayna miskim rurunpas mikuykuptiyqa!
4Convido wasiman pusaruwaspanmi
ancha kuyakuyninwan huntaykuwarqa.
5Kuyakuymantam onqosqa kachkani,
pasasmanta tortillawanyá kallpanchaykuwaychik,
manzanakunawanyá valorchaykuwaychik.
6Ichoq brazonpiyá umay sawnakuykuchun,
alleq brazonwanñataqyá abrazaykuwachun.
Qarim nin:
7Jerusalenpi sipaskuna,
luwichukunaraykuyá, tarukakunaraykuyá,
ancha kuyakusqayta ama rikchachinaykichikpaq
juraychik.
Kikinmanta rikcharinankamayá hina puñukuchun.
Iskay kaq taki
Warmim nin:
8¡Kuyakusqaymi hamuchkanña!
¡voznintam uyarichkaniña!
Orqokunapa hawantam pawamuchkan,
moqokunapa hawantam kallpamuchkan.
9Kuyakusqayqa luwichu hinam,
kuyakusqayqa uña luwichucha kaqchallam.
Qawariychik, waqaya perqanchikpa qepanpi sayaspan
ventanankunata qawamuchkan,
perqa uchkunkunata wateqamuchkan.
10Kuyay yanaymi niwarqa:
Ancha kuyakusqalláy hatariy,
sumaq warmicha hakuchikña.
11Poqoy tiempom pasarunña,
parapas usiaramuspam ripukunña.
12Campopi waytakunam iklliramunña,
takinapaq tiempokunam chayaramunña;
qoqñukunapa waqayninpas llaqtanchikpiqa ñam uyarikuchkanña.
13Higospa rurunkunapas poqorunñam,
uvaspa sisanpas miskillatañam asnarichkan.
Kuyakusqalláy hatariy,
sumaq warmicha hakuchikña, nispa.
14Mana qespiy atina orqokunapi pakakuq urpichalláy,
qaqapa raqrankunapi qesachakuq urpichalláy,
uyachaykitayá rikuykachiway,
rimaychaykitayá uyariykachiway;
¡simichaykiqa miskillañam!
¡uyachaykipas kuyayllapaqñam!
Qariwan warmim ninku:
15Atoqkunatayá hapiramuychik,
sisachkaq uvas huertaykuta chaqopaq uña atoqkunatayá hapiramuychik.
Warmim nin:
16Kuyaqniyqa ñoqapam, ñoqapas paypam kani,
payqa rosas chawpikunapim ovejanta michin.
17Tutayay pasaptin achikyamusqanman hinayá
kuyasqalláy kutikamuy,
luwichu hinayá, uña tarukacha hinayá
qachya orqonkunata kutikamuy.
Currently Selected:
Cantares 2: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012