Proverbios 13
13
1Yachayniyuq warmaqa
taytanpa corregisqantam chaskikun,
mana yachayniyuq warmam ichaqa
corregisqapas mana kasukuq.
2Runaqa allin rimasqanpa ruruntam mikunqa,
iskay uya runam ichaqa
runamasin wañuchiymanta yarqachikun.
3Rimaynin controlakuq runaqa
kawsaynintam waqaychakun,
rimaysapa runam ichaqa
sasachakuyman kikillan churakun.
4Qella runaqa maynata munaspapas
manam imatapas tarinchu,
llamkakuq runam ichaqa
kapuqniyuq kanqa.
5Allin kawsakuq runaqa
llullakuytam cheqnin,
mana allin runam ichaqa
cheqnichikun hinaspa penqaypi tarikun.
6Allin kawsakuq runataqa
allin kawsakuyninmi waqaychan,
huchasapa runatam ichaqa
mana allin ruwayninkuna chinkarachin.
7Kanmi mana imayuq kachkaspapas
apu tukuq runakuna,
kantaqmi tukuy imayuq kachkaspapas
wakcha tukuqkuna.
8Apu runataqa kapuqninkunam vidanta salvan,
wakcha runam ichaqa
mana ima amenazatapas chaskinchu.
9Allin ruwaq runaqa achkiy hinam,
mana allin runam ichaqa
wañusqa mechero hina.
10Hatun tukuq runaqa
peleollatam hatarichin,
yachaymi ichaqa uchuychakuqkunawan tarikun.
11Mana allinkunata ruwaspa tarisqa qollqeqa
chayllam tukurun;
llamkakuspa huñusqa qollqem ichaqa miranqa.
12Imapas munasqan unamuptinqa
runapa sonqonmi ñakarin,
munasqan cumplikuruyninmi ichaqa
kawsay qokuq sacha hinaraq.
13Kamachikuyta mana kasukuq runaqa chinkanqam,
kamachikuyta kasukuqmi ichaqa pagota chaskikunqa.
14Yachayniyuqpa yachachikuyninqa
kawsachikuq yaku hinam,
wañuypa makinmantapas librakunmi.
15Allinta tantearispa ruwaq runaqa
kuyasqam kanqa,
iskay uya runam ichaqa
chinkayman richkan.
16Allinta tanteakuspa ruwaq runaqa
yachaywanmi imatapas ruwan,
mana tantearikuq runam ichaqa
mana yachayniyuq kayninta qawachikun.
17Mana allin willakuq runaqa
sasachakuytam apamun,
imam kaqta willakuq runam ichaqa
hampi hina.
18Yachachikuyta qepanchaq runaqa
sasachakuypi wakchayaypim tukunqa,
corregichikuq runam ichaqa
ancha reqsisqa kanqa.
19Imapas munasqata hayparuyqa
sonqotam kusichin.
Mana yachayniyuq runapaqqa
mana allin ruwaymanta rakikuypas millakuypaqmi.
20Yachayniyuqkunawan hukllawakuqqa
yachayniyuqmi kanqa,
mana yachayniyuqkunawan hukllawakuqmi ichaqa
sasachakuypi tarikunqa.
21Sasachakuyqa huchasapakunatam qatikachan,
allin ruwaq runakunam ichaqa
allin kaqkunawan premiasqa kanqa.
22Allin ruwaq runaqa
willkankunamanmi herenciata saqen,
huchasapa runapa kapuqninkunam ichaqa
allin runapaq waqaychasqa kachkan.
23Wakchakunapa chakranpiqa
mikuypas puchu-puchum,
mana allinpa kasqanpim ichaqa chinkarun.
24Churinta mana corregiq runaqa
churintam cheqnin,
churin kuyaqmi ichaqa
chaylla corregiykun.
25Allin ruwaq runaqa saksanankamam mikun
mana allin runam ichaqa manaña saksariq.
Currently Selected:
Proverbios 13: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012