Proverbios 12
12
1Corregisqa kayta kuyaqqa
yachayta kuyaqmi;
corregisqa kayta cheqniqmi ichaqa
mana yachayniyuq.
2Allin runaqa Diospa kuyakuynintam chaskinqa,
mana allin yuyaymanaqtam ichaqa castiganqa.
3Mana allinpi kawsaq runaqa
manam takyanmanchu,
allin ruwaq runakunapa sapinmi ichaqa
mana kuyurichisqa kanqa.
4Allin warmiqa qosanpa coronanmi,
mana allin warmim ichaqa
qosanpaqpas tullu nanaynin.
5Allin ruwaq runakunaqa
allin kawsakuypim yuyaymananku;
millay runakunam ichaqa
engañayllapi yuyaymananku.
6Mana allin runapa rimayninqa
wañuchikuq trampa hinam;
allin runapa rimayninmi ichaqa
runamasinta wañuymanta salvanqa.
7Mana allin runakunaqa Dios tuñichiptinmi chinkarunqaku,
allin ruwaq runakunapa wasinmi ichaqa takyanqa.
8Runaqa yachayniyuq kasqanraykum alabasqa,
mana allin sonqoyuq runam ichaqa despreciasqa.
9Runakunapa despreciasqan kaspapas
mikunayuq kaymi aswan allinqa
ancha reqsisqa kachkaspa
mana mikunayuq kanamantaqa.
10Allin ruwaq runaqa uywankunatapas nanachikunmi,
mana allin runam ichaqa mana llakipayanchu.
11Llamkakuq runaqa saksasqam kanqa,
qella runam ichaqa yanqakunallapi tiempota usuchin.
12Mana allin runakunapa wichichiqnin trampaqa
kikinkupa mana allin munayllankum,
allin runakunam ichaqa achkanpi ruruq sacha hina.
13Mana allin runaqa
kikinpa llullakusqallanwanmi chaqnarachikun,
allin runam ichaqa
sasachakuymantapas lluptinqa.
14Runaqa rimasqankunapa rurunwanmi saksan,
makinkunawan ruwasqanmantam
pagota chaskikun.
15Mana yachayniyuq runapaqqa
imaña ruwasqanpas allinpaqmi rikchakapun,
yachayniyuq runam ichaqa
rimapayasqapas uyarikun.
16Mana yuyayniyuq runaqa
piñakuynintam chaylla qawachikun,
yachayniyuq runam ichaqa
kamiqnintapas pampachaykun.
17Allin testigoqa
cheqap kaqtam willakun,
mana allin testigom ichaqa
llullata willakun.
18Nanay simikunapa rimayninqa
espada hinam kuchukun,
yachayniyuq runapa rimayninmi ichaqa hampi.
19Cheqap rimaq runaqa wiñaypaqmi takyanqa,
llulla rimaq runam ichaqa chaylla chinkarunqa.
20Mana allinlla yuyaymanaq runakunapa sonqonpiqa
engañollam kachkan,
allinllata consejakuq runapa sonqonpim ichaqa
kusikuy kachkan.
21Allin ruwaq runataqa manam imapas pasanqachu,
mana allin runatam ichaqa
rikchaqmana ñakariykuna ñakarichinqa.
22Tayta Diosqa cheqninmi
llulla runakunataqa,
cheqap rimaqkunatam ichaqa kuyan.
23Yachayniyuq runaqa
yachayninmantapas manam alabakunchu,
mana yachayniyuqmi ichaqa
mana yuyayniyuq kayninta qawachikun.
24Llamkakuq runaqa munaychakunqam,
qella runam ichaqa munaychakusqa kanqa.
25Llakikuyqa runapa sonqontam ñakarichin,
kuyakuywan rimaymi ichaqa kusichin.
26Allin ruwaq runaqa
runamasintam allin ñanninta pusan,
mana allin runakunam ichaqa pantachin.
27Qella runaqa,
animal hapisqantañapas manam kankanchu,
llamkakuq runam ichaqa apuyanqa.
28Allin kawsakuyqa
kawsayman apakuq ñanmi,
mana allin kawsaymi ichaqa
wañuyman apakun.
Currently Selected:
Proverbios 12: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012