Números 30
30
Diosman prometekuspaqa cumplinamanta
1Tayta Diospa kamachisqantam Israel ayllukunapi kamachikuqkunaman Moisés kaynata nirqa:
2 #
Dt 23.21-23; Mt 5.33. Tayta Diosman pipas prometekuspanqa otaq juraspan kikinmanta imatapas qoyta munaspanqa, chay rimasqantam cumplinqapuni; tukuy imapas rimasqanman hinam ruwanqa.
3Sichum huk sipas taytanpa wasinpiraq kachkaspan Tayta Diosman imatapas prometekunqa otaq kikinpas Tayta Diosllapaqña waqaychakuyta munanqa chayqa, 4taytanpas chayta yachachkaspan mana imatapas niptinqa cumplinqapunim. 5Sichum taytan chayta yacharuspan chay punchawllapi harkakuruptinqa manam cumplinqachu, Tayta Diospas chay warmipa taytan harkakurusqanraykum pampachaykunqa.
6Sichum huk sipas Tayta Diosman imatapas prometekuchkaspan otaq kikinpas Tayta Diosllapaqña waqaychakuyta munachkaspan casarakurunqa 7hinaptin qosan chayta yacharuspan mana imatapas nispa mana harkakuptinqa cumplinqapunim. 8Sichum qosan yacharuspan harkakuptinmi ichaqa ima prometekusqantapas mana cumplinqachu, Tayta Diospas pampachaykunqam.
9Viuda warmi otaq leyman hina rakinasqa warmi imatapas prometekuspanqa lliwtam cumplinqa.
10Sichum casada warmi qosanpa wasinpi kachkaspan imatapas ruwananpaq juraspa prometekurunqa, hinaptin 11qosanñataq chayta yacharuspan mana harkakuptinqa imam prometekusqantam cumplinqa. 12Sichum qosan chayta yacharuspan harkakuruptinqa manam ima prometekusqantapas cumplinqachu. Qosan harkakurusqanraykum Tayta Diospas pampachaykunqa.
13Pi warmipa imataña ruwananpaq otaq ayunananpaq prometekusqantapas qosanmi “allinmi” ninqa otaq “manam” ninqapas. 14Sichum qosanñataq yachachkaspan paqarinnintin punchawkama upallakuykuspan mana harkakuptinqa cumplinqapunim, chay warmipa qosanqa upallalla kayniywanmi “allinmi” nichkan. 15Yacharuchkaspan mana chay punchawllapi harkakuruspanqa kikinñam warminpa huchanmanta cuentallikunqa.
16Tayta Diosmi chay kamachikuykunata Moisesman qorqa, chaynapi chaykunaman hina warminwan qosan ruwananpaq chaynataq taytanpas wasinpiraq kaq sipas churinwan imaynam ruwananpaq.
Currently Selected:
Números 30: RCHQ2
Highlight
Share
Compare
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
