Isaías 44
44
Tayta Diosmi sapallan Diosqa
1Serviqniy Jacob, akllakusqay Israel llaqta,
kunan uyariway.
2Mamaykipa wiksanpi paqarichisuqnikim,
unanchasuspayki yanapaqniki Tayta Diosmi kaynata nin:
Serviqniy Jacobpa mirayninkuna,
akllakusqay #44.2 Jesurún nispaqa Israel nacionmantam rimachkan.Jesurún llaqta,
ama manchakuychu.
3Ñoqam chakisqa allpakunaman yakuta chaqchumusaq,
chaki allpakunapipas mayukunatam kallpachisaq.
Miraynikikunamanmi Espirituyta chaqchurimusaq,
qamkunamanta naceqkunatam bendicionniywan huntasaq.
4Yakunkama allpapi qorakuna hinam wiñanqaku,
mayu patanpi wayawkuna hinam wiñanqaku.
5Paykunamantam hukkaqnin ninqa: “Ñoqaqa Tayta Diospam kani”, nispa.
Hukninñataqmi ninqa: “Ñoqaqa Jacobpa mirayninmi kani”, nispa.
Hukkaqninñataqmi makinpim qellqakunqa:
“Ñoqaqa Tayta Diospam kani”, niqta.
Hinaspam sutinman yapaykunqa “Israelpa miraynin”, niqta.
6 #
Is 48.12; Ap 1.17; 22.13. Israelta reclamaq reymi,
Tukuy Atiyniyuq Tayta Diosmi kaynata nin:
Ñoqam kani ñawpaq kaqpas chaynataq qepa kaqpas,
ñoqamanta huk Diosqa manam kanchu.
7¿Pitaq kanman ñoqa hina? Hatarispa rimachun.
¿Pitaq hamuq punchawkunapi imapas pasakunanmanta chaynataq imapas kananmanta willakurqa?
8Ama manchakuychikchu nitaq hukmanyaychikchu.
¿Manachu ñawpaqmantaraq yachayta qorqaykichik hinaspa willarqaykichik?
Qamkunam testigoy kankichik.
Ñoqallam Diosqa kani manam hukqa kanchu,
Ñoqa hina hapipakunapaq sapaq diostaqa manam reqsinichu.
Idolokuna yupaychaqkunamanta
9Idolokunata ruwaqkunaqa mana imapaq valeq runakunam, ancha kuyasqanku idolokunapas mana imapaq valeqmi. Chaykunaman hapipakuqkunaqa mana rikukuq hinaspa mana musyakuq roqrukunam, chayraykum penqaypi kanqaku. 10Diosta hina yupaychanapaq metalta chulluchispa idolokuna ruwaq runaqa tiempontam usuchin. 11Chay idolokuna yupaychaqkunaqa penqaypim tarikunqaku. Idolokuna ruwaqkunaqa wañuruq runakunallam. Llapallankum juzgasqa kanqaku, hinaspam manchakuymanta katkatatanqaku.
12Herrerom idolokunata kaynata ruwan: Tenazawan hapispam sansapi metalta pukayanankama rupachispa kallpanman hina martillowan takaspan idolota ruwan. Chay herrero mana mikuspanqa mana kallpayuqmi rikurirun, yakutapas mana tomaspanqa wañunayarunmi.
13Carpinteroñataqmi kaynata ruwan: Reglawan tupuruspanmi lapizwan chaynataq compaswan dibujarun, hinaspam formonwan llaqllaspan kuyayllapaqta runa kaqllata ruwan. Tukuruspanmi templopi churaykun. 14Cedro sachatam kuchun, sachakunapa chawpinpi wiñaq ciprestawan encina sachakunatam hapin, pinotapas parawan wiñananpaqmi plantan. 15Chaykunawanmi runakuna ninata ratachin, wakinwanmi qonikun, wakinwanñataqmi tantata ruwan, puchuqninmantam idolota llaqllarun, chaypa ñawpaqninpi qonqorakuspan yupaychananpaq. 16Wakin kullutam sansayachin aychata kankaspan saksanankama mikunanpaq. Qonikuspanñataqmi nin:
Kunanqa qoniriruniñam, ninatapas qawaykuniñam, nispa.
17Puchuq kullumantañataqmi idolota llaqllarun, ñawpaqninpi qonqorakuspanmi yupaychan, hinaspam kaynata mañakun:
“Waqaychaykuway, qanmi diosniy kanki”, nispan.
18Chay runakunaqa manam imatapas yachankuchu nitaqmi yuyaymanankuchu, ñawinkupas mana qawanankupaqmi wichqasqa kachkan, mana entiendenankupaqmi yuyayninkupas tutayasqa kachkan. 19Manam yachankuchu nitaqmi yuyaymanankuchu.
“Kay kullupa partenta rupachispaymi sansanpi tantata ruwarqani, aychatapas kankaruspaymi mikurqani. Parten kullumantañataqmi kay millakuypaq idolota ruwaruni. Kay yupaychasqayqa kullumanta ruwasqallam”, nispa ninankupaqqa.
20Cheqaptapunipas, chayna runaqa uchpallatam mikun, mana allin ruwayninmi sonqonta pantarachin. Chayna ruwaqkunaqa manam salvakuyta atinqakuchu, paykunaqa manam ninkuchu:
Alleq makiypi kaqqa ¿manachum pantay? nispaqa.
Israelta Tayta Dios nanachikunanmanta
21Jacobpa miraynin Israel llaqta, kaykunata yuyariy:
Serviwaqniymi kanki,
ñoqam unancharqayki,
serviqniymi qamqa kanki;
manam haykapipas qonqasqaykichu.
22Ñoqam mana kasukuynikikunata puyuta hina chinkarachini,
lliw huchaykikunatam sullata hina waspirachini.
Ñoqaman kutirikamuway, reclamaqnikim kani.
23Tayta Diospa tukuy kaykuna ruwasqanmanta,
hanaq pacha kusikuymanta takiy;
uku pacha qapariy;
orqokuna kusikuymanta qapariychik,
chaypi kaq sachakunapas kusikuymanta takiychik.
Jacobpa miraynin Israel llaqtata Tayta Dios reclamasqanmanta chaynata ruwaychik.
Israel llaqtanpim payqa hatunchakun.
24Reclamaqniki Tayta Diosmi,
manaraqpas nacechkaptiki unanchasuqnikim kaynata nin:
Ñoqaqa tukuy imapas unanchaq Tayta Diosmi kani,
ñoqam cielokunata mastarirqani,
mana pipapas yanapasqanmi kay pachata takyachirqani.
25 # 1 Co 1.20. Pantay profetakunapa nisqantam yanqachani,
qatipaqkunatapas penqaymanmi churani;
yachaysapapa yuyaymanaynintam roqruyachini,
yachaysapapa yachaynintam waspichini.
26Serviqniykunapa rimasqantam ichaqa cumplichini,
kachasqaykunapa willakuyninkutapas allintam qespichini,
chaymi ima ruwayninkupas allin lloqsin.
Jerusalentam nini: Llaqtayankim nispay;
Judatañataqmi nini:
Kaqllamantam hatarichisqa kanki,
tuñichisqa perqaykikunatam musoqmanta hatarichisaq, nispay.
27Ñoqam hatun lamar qochata chakinanpaq kamachini,
kallpaq mayuykikunatam chakichini.
28 # 2 Cr 36.23; Esd 1.2. Ñoqam rey Cirota nini:
Qanmi michipuwaqniy kanki,
munasqayta ruwaqmi kanki, nispay.
Jerusalén llaqtatam nini:
Musoqmanta hatarichisqam kanki, nispay.
Templotapas kaynatam nini:
Musoqmanta cimientasqam kanki, nispay.
Currently Selected:
Isaías 44: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012