Gálatas 4
4
1Kaytapas niymantaqmi: Pipas warmallaraq kaspanqa manaraqmi herenciataqa chaskinmanchu warmallaraq kasqanrayku. Payqa wasinpi esclavo hinallaraqmi kachkan dueñopuni kachkaspapas. 2Payqa uywaqnin runakunapa nanachikusqallaraqmi kachkan, taytanpa nisqan punchaw chayamunankama. 3Chaynataqmi ñoqanchikpas warmallaraq kaspaqa kay pachapi mana allin costumbrekunapa esclavon karqanchik. 4Aswanqa chay punchaw chayaramuptinmi Dios Tayta kuyasqan Churinta kachamurqa, paymi warmimanta nacespa lliw judiokuna hina leyta kasukurqa. 5Payqa hamurqa leyman hina castigasqa kananchikmanta librawananchikpaqmi, chaynapi Diospa churinña kasqanchikta chaskinanchikpaq.
6Churinkunaña kaptinchikmi, Diosqa Churinpa Espiritunta sonqonchikman kachamurqa, chay Espiritum rimachiwanchik #4.6 Arameo rimaypi “Abba Padre” ninanqa papito ninanmi.“Abba Padre” nispa. 7#Ro 8.15-17.Chaynaqa, manam esclavo hinañachu kanchik, aswanqa Diospa churinñam. Churinña kasqanchikraykum herenciatapas Diosmanta chaskisunchik.
Galaciapi iñiqkunamanta Pablopa llakikusqanmanta
8Ñawpaq tiempopiqa Diosninchikta mana reqsisqaykichikraykum, kay pachapi dioskunata servirqankichik. 9Kunanmi ichaqa cheqap Diostaña reqsirunkichik otaqmi payña reqsirusunkichik, hinaptinqa ¿imaynanpimá kay pachapi ñawpaq yachachikuykuna kasukuqqa kutiriwaqchik? ¿huktawanchu esclavo kayta munankichik? 10Qamkunaqa hinallaraqmi waqaychankichik, punchawkunata, killakunata, tiempokunata hinaspa watakunata. 11Llumpaytam manchakuchkani yanqapaqchusmi qamkuna ukupi llamkasqayqa karunqa, nispay.
12Wawqe-panillaykuna, ruegakuykichikmi ñoqa hinaña kanaykichikpaq, ñoqaqa qamkuna hinañam kachkani, ichaqa manam qamkunaqa imanawarqankichikchu. 13Yachasqaykichikpi hinapas puntataqa onqorusqayraykuñam allin noticiataqa willarqaykichik. 14Chay onqoqniyqa qamkunapaqmi prueba hina karqa, ichaqa manam despreciawarqankichikchu nitaqmi qarqoruwarqankichikchu, aswanqa Diospa angelninta hinaraqmi otaq Jesucristotapas hinaraqmi chaskiwarqankichik. 15¿Maytaq chay llumpay kusikuynikichikqa? Ñoqaqa allintam reqsikichik, qamkunawan kaptiyqa ñawikichiktapas hurqokuruwaqchikmi karqa ñoqaman qoykuwanaykichikpaq. 16Chaynaqa, ¿qamkunaman cheqap nisqaymantachu enemigoykichikpaq hapiwankichik?
17Chay runakunaqa yanqallam qamkunamanta nanachikuq tukunku. Paykunaqa munachkanku ñoqamanta rakikuruspaykichik paykunataña qatinaykichiktam. 18Allinmi kanman huk runamanta nanachikuyqa, sichum allinnikichikta ruwayta munaptinqa. Chaynataqa tukuy tiempoyá ruwaychik, amayá chaypi qamkunawan kaptillaychu. 19Churillaykuna, huktawanmi qamkunamanta wachakuq warmi hina ñakarichkani. Chaynachiki ñakarisaq Cristoman rikchakuq kanaykichikkama. 20Ima allinraq kanman kunanpuni qamkunawan chaypi rikuriruyman, chaynapi aswan sumaqtaraq qamkunata rimapayanaypaq. Qamkunamantam mana imayna ruwaytapas atinichu.
Iskay warmikunawan rikchanachisqanmanta
21Leyman hapipakuy munaqkuna niykuwaychik: ¿Entiendenkichikchu leypa imam nisqanta? 22#Gn 16.15.#Gn 21.2.Chuya Qellqapim kaynata nichkan: “Abrahampam iskay churinkuna karqa, hukninmi karqa esclavan warmipi, hukninñataq libre kaq warminpi”. 23Chay esclava warmipa wawanqa runapa munasqanman hinallam nacerqa, libre kaq warminpa wawanñataqmi Diospa promesanman hina nacerqa. 24Kay iskay warmikunam rikchakun iskaynin pactoman, huknin pactom Sinaí orqomanta hamun, chaytam esclava Agarwan rikchanachinchik, paymi wawakunata wachakun esclavo kanankupaq. 25Agartaqa rikchanachichwantaqmi Arabia lawpi Sinaí orqowanpas. Chay orqotañataqmi rikchanachichwan Jerusalén llaqtawan, chaypi yachaqkunaqa leypa esclavan kasqankuraykum mana librechu kachkanku. 26Aswanqa hanaq pachamanta kaq Jerusalenqa librem, chaymi ñoqanchikpa mamanchik. 27#Is 54.1.Chuya Qellqapim kaynata nin:
“¡Yaw, mana wachakuq qolluq warmi,
kusikuymanta qapariy!
¡Yaw, mana wachakuy reqsiq warmi,
kusikuymanta qapariy!
Qosanpa saqesqan warmiraqmi wawasapapas kanqa,
qosanwan kuska kaq warmimantaqa”, nispa.
28Wawqe-panillaykuna, ñoqanchikqa qolluqpa wawan Isaac hinam Diospa prometekusqan churinkuna kanchik. 29#Gn 21.9.Imaynam chay tiempopi runapa munasqanman hinalla naceq warma, Espiritupa munayninman hina naceq warmata ñakarichirqa, chaynam kunanpas ñoqanchikta runakuna ñakarichiwanchik. 30#Gn 21.10.Ichaqa ¿Imanintaq Qellqaqa? kaynatam nin:
Kay esclavata wawantinta qarqoy, kay esclavapa wawanqa manam herenciataqa chaskinmanchu libre warmipa wawan hinaqa, nispa.
31Wawqe-panillaykuna, ñoqanchikqa manam esclavapa wawanchu kanchik, aswanqa libre warmipa wawanmi.
Currently Selected:
Gálatas 4: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
