Éxodo 18

Moisesman suegron Jetropa watukusqanmanta

1Moisespa suegron Madián lawpi sacerdote Jetrom uyarirurqa, Moiseswan hinaspa Israelpa mirayninkunawan Tayta Diospa tukuy ima ruwasqanta, uyarirqataqmi imaynam Egipto nacionmanta Israelpa mirayninkunata Tayta Dios hurqomusqantapas. 2Moisesqa Egipto nacionpi kachkaspallaraqmi warmin Seforata iskaynin churinkunatawan suegron Jetropa kasqanman kacharqa, chaymi Jetro chaskiykurqa 3#Hch 7.29.#Ex 2.21-22.Seforata iskaynin wawantinta. Moisesmi huknin churinta #18.3 Hebreo simipi Gersón ninanqa “huklaw llaqtayuq” ninanmi.Gersonwan suticharqa, “ñoqaqa huklaw llaqtayuqmi kani runapa llaqtanpi”, nispan. 4Huknin churintañataqmi #18.4 Hebreo simipi Eliezer ninanqa “Tayta Diosmi yanapaqniyqa” ninanmi.Eliezerwan suticharqa, “Ñawpaq taytaykunapa Diosninmi Faraón wañuchiwananmanta libraykuwarqa”, nispa.

5Diospa orqonpa hichpan chunniqpi Moisés samachkaptinmi suegron Jetro chayarurqa, Moisespa warmin Seforapiwan hinaspa iskaynin wawankunapiwan. 6Hinaspam Moisesta nirqa:

Ñoqa suegroykim warmikipiwan hinaspa iskaynin churikikunapiwan watukamuchkaykiku, nispa.

7Chaymi suegronman Moisés taripaykuspan qonqoranpa kumuykurqa, hinaspam muchaykurqa. Chaymantam imaynam kasqankumanta tapunakuspanku carpaman yaykurqaku. 8Chaypim suegronman Moisés willarqa, Tayta Diosqa Israel runakunarayku Faraonta chaynataq Egipto runakunatapas tukuy ima ruwasqanmanta. Willakurqataqmi hamusqankupi sasachakuykuna pasamusqantapas chaynataq imaynam paykunata Tayta Dios libramusqantapas.

9Hinaptinmi Jetro kusikurqa Egipto runakunamanta libraspa Israel runakunapaq Tayta Dios tukuy allinkuna ruwasqanmanta. 10Chaymi Jetro nirqa:

Tayta Diosyá yupaychasqa kachun, paymi Faraonmanta chaynataq Egipto runakunapa makinpi ñakariynikichikmanta libramusurqankichik. 11Egipto runakunaqa hatun tukuspam Israel runakunata ñakarichirqaku, chayraykum vencesqa karqaku. Kunanmi yachani Tayta Diosqa llapa dioskunamantapas aswan atiyniyuq kasqanta. 12Hinaspam Jetroqa huk animalta apamuspan lliw kañana ofrendatawan chaynataq huk rikchaq ofrendakunatapas Diosman ofrecerqa. Chaymanmi Aaronpas chaynataq Israelpa llapa ancianonkunapas hamurqaku, Diospa qayllanpi Moisespa suegronwan mikunankupaq.

Queja arreglaqkunata Moisés churasqanmanta

(Dt 1.9-18)

13Paqarinnintin punchawmi runakunapa quejanta arreglananpaq Moisés tiyaykurqa; runakunañataqmi Moisespa ñawpaqninpi pacha achikyaqmanta tutaykuykama sayarqaku. 14Runakunapaq Moisés tukuy ruwasqanta qawaykuspanmi suegron nirqa:

¿Imatataq kay runakunawan ruwachkanki? ¿Imanasqataq sapallayki tiyanki hinaptin llapallan runakunañataq pacha achikyaymanta tutaykuykama ñawpaqnikipi sayanku? nispa.

15Hinaptinmi Moisés nirqa:

Diosta tapupunaypaqmi runakuna ñoqaman hamuwanku. 16Imapas sasachakuyninku kaptinmi ñoqaman hamunku, hinaptinmi paykunapa sasachakuyninta arreglani, yachachinitaqmi Diospa decretonkunatapas chaynataq yachachikuyninkunatapas, nispa.

17Chaymi Moisesta suegron nirqa:

Manam allinchu chay ruwasqaykiqa. 18Sapallaykiqa anchatam pisiparunki, pisiparunqakutaqmi qanman hamuq runakunapas. Sapallaykipaqqa kay ruwasqaykiqa sasallañam, sapallaykiqa manam ruwayta atiwaqchu. 19Kunanyá kay rimapayasqayta uyariway, Diostaqyá qanwan kachun. Kay runakunapa rantinpiyá Diosman asuykuy hinaspa sasachakuyninkuta apaykuy. 20Paykunamanyá Diospa decretonkunatawan yachachikuyninkunata willay, hinaspayá imaynam kawsanankutawan imam ruwanankuta yachachiy. 21Runakunamanta akllay chaypaq hina qarikunata, Dios respetaqkunata, cheqap rimaq qarikunata, qollqe kuyayta cheqniqkunata. Paykunatam churanki waranqa runakunapi, pachak runakunapi, pichqa chunka runakunapi chaynataq chunka runakunapi, kamachikuqkuna kanankupaq. 22Paykunam tukuy tiempopi runakunapa quejanta arreglanqaku; sasan kaqkunatam apamusunki, paykunañataqmi fácil arreglana quejakunata arreglanqaku. Chaynapim kay sasa llamkaynikimanta samarinki, chaynatam paykuna yanapasunki. 23Sichum kaykunata ruwayman churanki, Diospas chaynata kamachisuptikiqa takyankim, runakunapas hawkallam wasinkuman kutikunqaku, nispa.

24Chaymi Moisés suegronpa nisqanta kasukuspan chaynata ruwarqa. 25Israel castakunamantam Moisés akllarqa chaypaq hina allin yachayniyuq qarikunata, hinaspam churarqa waranqa runakunapi, pachak runakunapi, pichqa chunka runakunapi hinaspa chunka runakunapi kamachikuqkuna kanankupaq. 26Paykunam runakunapa quejankunata tukuy tiempopi allichaqku. Sasan kaqkunatañataqmi Moisesman apamuqku, allichay atisqankutañataqmi paykuna allichaqku. 27Chaymantam suegronta Moisés aviarurqa, hinaptinmi llaqtanman kutikurqa.

Currently Selected:

Éxodo 18: RCHQ2

Highlight

Copy