Éxodo 19
19
Israelpa mirayninkuna Sinaí orqoman chayasqankumanta
1Egipto nacionmanta lloqsimusqanku punchawmanta kimsa killaña pasaruptinmi, Israelpa mirayninkuna Sinaí chunniqman chayarurqaku. 2Paykunam Refidim lawmanta lloqsispanku Sinaí chunniqman chayarurqaku, hinaspam Sinaí orqopa ñawpaqninpi carpankuta sayachirqaku. 3Chaypi kasqanmantam Moisés seqarqa Dioswan tupamunanpaq, hinaptinmi orqomanta Tayta Dios qayamuspan nirqa:
Kaynatam Jacobpa castankunata otaq Israelpa mirayninkunata ninki: 4“Qamkunaqa qawarqankichikmi Egipto runakunata imam ruwasqayta, qawarqankichiktaqmi ankapa rapranpi hina ñoqapa kasqayman qamkunata apamusqaytapas. 5#Dt 4.20; 7.6; 14.2; 26.18; Tit 2.14.Sichum nisqayta kasukuspa pacto ruwasqaytapas cumplispaykichikqa, qamkunam kankichik wakin runakunamanta akllakusqay runaykuna. Kay pachaqa ñoqapam. 6#Ap 1.6; 5.10.#1 Pe 2.9.Qamkunam sacerdoteykuna kankichik, ñoqallataña serviwanaykichikpaq sapaqchasqa llaqta”. Chaynatam Israelpa mirayninkunaman willamunki, nispa.
7Chaymi Moisés kutiramuspan llaqtapi kamachikuqkunata qayaspan willarqa Tayta Diospa imam nimusqankunata. 8Hinaptinmi runakuna chulla runa hinalla nirqaku:
Tayta Diospa tukuy kamachiwasqankutam ruwasaqku, nispanku.
Moisesñataqmi kutispan runakunapa nisqanta Tayta Diosman willamurqa. 9Chaymi Moisesta Tayta Dios nirqa:
Ñoqam qanwan rimanaypaq yanay-yanay puyupi hamusaq, chaynapi runakuna uyarispanku tukuy tiempo qampi hapipakunankupaq, nispa.
Moisesñataqmi runakunapa nisqanta Tayta Diosman willarqa. 10Chaymi Tayta Dios nirqa:
Runakunaman kutispayki, kunan chaynataq paqarin punchaw chuyanchamuy, pachankuta taqsakuchunku, 11hinaspa mincha punchawpaq allichakuchunku; mincha punchawtam Sinaí orqopa hawanman, llapallan runakuna qawachkaptin ñoqa Tayta Dios uraykamusaq. 12Runakuna mana pasanankupaqmi orqopa muyuriqninpi señalkunata churanki. Hinaspam paykunata kaynata ninki: Amam orqomanqa seqankichikchu nitaqmi patallantapas sarunkichikchu, pipas chayna ruwaqqa wañunqam. 13#Heb 12.18-20.Pipas seqaqtaqa, runa kaptin otaq animal kaptinpas rumiwan otaq flechawanmi wañuchinkichik. Runakunaqa seqanqaku maypacham trompeta waqaqta uyarispallankum, nispa.
14Orqomanta uraykamuspanmi, Diosta yupaychanankupaq runakunata Moisés chuyancharqa. Hinaptinmi runakunapas pachankuta taqsakurqaku. 15Runakunatam Moisés nirqa:
Mincha punchawpaqmi allichakunkichik, chay punchawpaqqa amam warmikichikwanpas puñunkichikchu, nispa.
16 #
Ap 4.5. Kimsa kaq punchaw achikyaqmanmi rayokuna, llipyakuna karqa, yana puyukunañataqmi orqota tapaykurqa; hinaptinmi trompetakuna nisyuta waqaptin campamentopi llapallan runakuna manchakuymanta katkatatarqaku. 17Moisesñataqmi Dioswan tupanankupaq llapa runakunata campamentomanta lloqsichimurqa, hinaptinmi orqopa ñawpaqninpi sayarqaku. 18#Dt 4.11-12.Ninapi Tayta Dios uraykamuptinmi Sinaí orqo qosnirirqa hornopa qosniriynin hinaraq, orqontinmi sinchita katkatatarqa. 19Cornetam aswan kallpawan qaparirqa, chaymi Tayta Diosta Moisés rimapayaptin rayo hina qaparillawanña contestamurqa.
20Tayta Diosmi Sinaí orqoman uraykamurqa, hinaspam Moisesta chayman rinanpaq qayamurqa, chaymi Moisés seqarqa. 21Chaymi Moisesta Tayta Dios nirqa:
Uraykuspayki runaykunata nimuy, qawawanankurayku señal churasqaykita ama pasamunankupaq, yanqañataqmi lliw wañurunmanku. 22Ñoqaman asuykamuq sacerdotekunapas chuyanchakuchunku, yanqañataqmi paykunatapas wañurachiyman, nispa.
23Chaymi Tayta Diosta Moisés nirqa:
Runakunaqa manam Sinaí orqomanqa seqanmankuchu, qanmi kamachiwarqankiku: “Orqopa muyuriqninpi señalta churay hinaspa sapaqchay”, nispayki.
24Hinaptinmi Moisesta Tayta Dios nirqa:
Uraykuy hinaspa Aaronwan seqamuychik, sacerdotekunawan runakunam ichaqa ama orqopa muyuriqninpi señal churamusqaykita pasamunqakuchu, chay señaltaqa ñoqapa kasqayman ama seqamunankupaqmi churarqanki, pasaramuptinkuqa yanqañataqmi paykunatapas wañurachiyman, nispa.
25Chaymi runakunapa kasqanman Moisés uraykamuspan chaykunata willarqa.
Currently Selected:
Éxodo 19: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
