Éxodo 17
17
Qaqamanta yaku lloqsimusqanmanta
(Nm 20.1-13)
1Israelpa mirayninkunam Tayta Diospa kamachisqanman hina, Sin sutiyuq chunniqpi samasqankumanta pasarqaku, hinaspam Refidim lawman chayaruspanku chaypi carpankuta sayachirqaku, ichaqa manam chaypipas yaku karqachu runakuna tomanankupaq. 2Chaymi runakunañataq Moiseswan atipanakuspa nirqaku:
¡Yakuta tomanaykupaq qowayku! nispanku.
Hinaptinmi paykunata Moisés nirqa:
¿Imanasqataq ñoqata mañapayawankichik? ¿Imanasqataq Tayta Diosta tentaspa pruebankichik? nispa.
3Ichaqa runakunam yakumanta kaspanku Moisespa contranpi kaynata nirqaku:
¿Imapaqtaq Egipto nacionmanta hurqomuwarqankiku, churiykutawan animalniykutapas yakumanta wañuchiwanaykikupaq? nispanku.
4Chaymi Tayta Diosta qayakuspan Moisés nirqa:
¿Imatataq kay runakunawan ruwasaq? Kunanmanta asllatawanqa rumiwanchá tukuruwanqaku, nispa.
5Hinaptinmi Moisesta Tayta Dios nirqa:
Runakunapa ñawpaqninman riy, pusaytaq Israelpa ancianonkunata. Nilo mayuta waqtasqayki tawnaykitapas apaspa utqayman riy. 6Horeb orqopim rumi hawanpi ñawpaqnikipi sayasaq, chaymi chay rumita waqtaptiki llapa runakuna tomanankupaq yaku lloqsimunqa, nispa.
Moisesmi Israel casta ancianokuna qawachkaptin chaynata ruwarqa. 7#Nm 20.2-13.Chay sitiotam “#17.7 Hebreo simipi Meriba ninanqa “Diospa contranpi rimapakuy” ninanmi.Meriba” nispa suticharqaku, Israelpa mirayninkuna chaypi atipanakusqankurayku. Suticharqakutaqmi “#17.7 Hebreo simipi Masah ninanqa “pruebasqa” ninanmi.Masah” nispapas, Tayta Diosta chaypi tentasqankurayku. Paykunam nirqaku: “¿Ñoqanchikwanchu Tayta Dios kachkan icha manachu?” nispanku.
Amalec castakunawan Israelpa mirayninkuna peleasqankumanta
8Amalec castakunam Refidim lawman rirqaku Israelpa mirayninkunawan peleanankupaq. 9Chaymi Josueyta Moisés nirqa:
Ñoqanchikmanta qarikunata akllay hinaspa Amalec runakunawan peleanaykipaq lloqsiy. Paqarinmi Diospa tawnanta hapiykuspay orqopa puntanpi kasaq, nispa.
10Hinaptinmi Moisespa kamachisqanman hina Josué ruwaspa Amalec castakunawan peleananpaq lloqsirqa. Moisesñataqmi Aaronwan hinaspa Hurwan orqopa puntanman qespirqaku. 11Chaymi Moisesqa makinta altoman hoqariq hinaptinmi Israel runakuna venceqku, makinta uraykachiptinñataqmi Amalec castakuna venceqku. 12Moisespa makinkuna utirusqanraykum huk rumita churarurqaku, hinaptinmi Moisés chaypi tiyaykuptin, Aaronwan Hurñataq kaylawninmanta waklawninmanta intipa seqaykunankama makinkunata takyachirqaku. 13Hinaptinmi guerrapi peleaspa Amalec castakunata Josué vencerurqa.
14 #
Dt 25.17-19; 1 S 15.2-9. Chaymi Moisesta Tayta Dios nirqa:
Ama qonqarunaykichikpaq huk libropi kayta qellqay hinaspa Josueyta niy: “Amalec castakunatam kay pachamanta chinkachisaqpuni”, nispa.
15Hinaptinmi huk altarta Moisés perqarqa, hinaspam suticharqa “#17.15 Hebreo simipi YHWH-Nisi ninanqa, runa simipiqa “Tayta Diosmi banderay”, ninanmi.Tayta Diosmi banderay”, nispa. 16Chaymi nirqa:
Tayta Diospa banderanta hapiy,
Tayta Diospa contranpi Amalec hatarisqanraykum
amalecwan Tayta Dios wiñaypaq guerrapi kanqa, nispa.
Currently Selected:
Éxodo 17: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
