Éxodo 12
12
Pascua fiestamanta
1Moisestawan Aarontam Egipto nacionpi Tayta Dios nirqa:
2Kay killam qamkunapaq allinnin kanqa, chay killaqa watapa qallariyninmi kanqa. 3Chaynaqa, Israelpa lliw mirayninkunata kaynata nimuychik: Kay killapa chunka kaq punchawninpim, sapa ayllu haykam kasqankuman hina, huk malta carnerota otaq malta chivatota hapinqa. Sapa ayllupaqmi huk animal kanqa. 4Sichum huk ayllu aslla kaspa chay carnerota mikuspa mana tukunanpaq hina kaspaqa, vecinonta qayaspam haykam kasqankuman hina, huk carnerota hapinqaku, hinaspam sapakamapa mikusqanman hina rakinakunqaku. 5Chay animalqa carnero kaspapas otaq chivato kaspapas, huk watayuq orqo sano animalmi kanqa. 6Chay animaltaqa kay killapa chunka tawayuq punchawninkamam waqaychankichik, chay punchawmi inti seqaykuyta Israel runakuna sapakama nakanqaku. 7Hinaspam yawarninta chaskispa, pascua carnerota mikunanku wasipa pilarninkunaman llusinqaku. 8Chay tutam, chay aychata ninapi kankasqata, mana levadurayuq tantatawan qatqe qorayuqkunata mikunqaku. 9Chawa aychatawan yakupi yanusqataqa amam mikunkichikchu. Chay animaltaqa, umantapas, piernankunatapas hinaspa ukunninkunatapas lliwtam ninapi kankasqata mikunkichik. 10Paqarinnintinkamaqa amam imallantapas puchunkichikchu, puchuruptinqa kañarunkichikmi. 11#Lv 23.5; Nm 9.1-5; 28.16; Dt 16.1-2.Kaynam mikunkichikqa: Weqawnikichikta allin watasqa, usutaykichikpas allin watasqa, tawnaykichikta aptarisqa; chaynam utqayllamanña mikunkichik. Chayqa Tayta Diospa #12.11 Pascua ninanqa “hawallantam pasarusaq” ninanmi.Pascuanmi. 12Chay tutam Egipto nacionninta pasasaq, hinaspam runapa piwi churinkunata, animalkunapa piwi wawankunata wañuchisaq; Egiptopa diosninkunatam juzgasaq. Ñoqa Tayta Diosmi chaynata nini.
13Chay yawarmi señal kanqa maymi yachasqaykichik wasipi, chay yawarta qawaspaymi hawallanta pasarusaq, chaynapim Egipto runakunata wañuchiptiy, qamkunamantaqa mana chullallapas wañunqachu. 14Chay punchawqa yuyarinaykichik punchawmi kanqa, chaynapim ñoqa Tayta Diosta yupaychawanaykichikpaq hatun fiestata ruwankichik. Chaymi miraynikichikkunapaq huk decreto wiña-wiñaypaq kanqa. 15Qanchis punchawmi mana levadurayuq tantata mikunkichik. Qallariynin punchawpim levadurata wasikichikmanta wischunkichik, chay punchawkunapi pipas levadurayuqta mikuqqa, Israelmanta wischusqam kanqa. 16Qallariy punchawwan qanchis kaq punchawmi ñoqapaq hatun huñunakuy kanqa, chay punchawkunapiqa amam llamkankichikchu. Ruwaspaqa ruwankichik mikunallaykichiktam. 17#Ex 23.15; 34.18; Lv 23.6-8; Nm 28.17-25; Dt 16.3-8.Mana levadurayuq tanta fiestatam ruwankichik, chay punchawpi Egipto nacionmanta hurqosqayta yuyarinaykichikpaq. Chay punchawtam huk decretota hina wiñaypaq yuyarispanku miraynikichikkunapas ruwanqaku. 18Qallariy killapa chunka tawayuq punchawpa tardenmanta qallarispam, iskay chunka hukniyuq punchawpa tardenkama mana levadurayuq tantata mikunkichik. 19Qanchis punchawmi wasikichikpi levadura mana kanqachu, pipas levadurayuqta mikuqqa, huklaw llaqtayuq kaspapas otaq castamasikichik kaspapas Israelmanta wischusqam kanqa. 20Levadurayuqtaqa amam imatapas mikunkichikchu, maypiña yachaspapas mana levadurayuq tantatam mikunkichik, nispa.
21Israelpi llapallan ancianokunata qayachimuspam Moisés nirqa:
Carnerota otaq chivatota aylluykichikpaq hapimuychik hinaspa wañuchiychik Pascua fiestata ruwanaykichikpaq. 22Hapiychiktaq hisopo sachapa kallmantapas hinaspa tazonpi yawarman challpuspa punkupa pilarninman llusiychik. Achikyanankamam wasikichikmanta ama lloqsinkichikchu. 23#Heb 11.28.Tayta Diosmi Egipto runakunapa piwi churinta wañuchistin pasanqa, punkupa chakanpi hinaspa pilarninkunapi yawarta qawaykuspanmi ichaqa karullanta pasarunqa, chaynapim Tayta Dios chay wañuchikuqta wasikichikman mana yaykuchinqachu. 24Kay nisqaykunatam huk decretota hina churikichikkunapiwan wiñaypaq kasukunkichik. 25Tayta Diospa qosusqaykichik allpaman yaykuspaqa, kay Pascua fiestatam ruwankichik. 26Sichum churikichik tapusunkichik: “¿Ima ninantaq kay fiesta ruwasqaykichikqa?” nispa, 27hinaptinqa kaynatam ninkichik: “Tayta Diospaq Pascuapi wañuchina animalmi kayqa. Paymi Egipto nacionpi Israelpa mirayninkunapa wasinpa hawallanta pasaspa aylluykuta libraykurqa, Egipto runakunatam ichaqa wañurachirqa”, nispa.
Chaykunata Moisés rimayta tukuruptinmi, Israelpa mirayninkuna qonqorakuykuspa Tayta Diosta yupaycharqaku. 28Chaymi Israelpa mirayninkuna ruwarqaku Moisesmanwan Aaronman Tayta Diospa kamachisqanman hina.
Piwikunapa wañusqanmanta
29 #
Ex 4.22-23. Chawpi tutatam Egipto nacionpi llapallan piwikunata Tayta Dios wañurachirqa, palaciopi tiyaq Faraonpa piwinmanta qallarispa carcelpi kaq presopa piwinkama, llapa animalkunapa piwintapas wañurachirqam. 30Chay tutam Faraonwan serviqninkuna chaynataq Egipto runakunapas hatarispanku qapariywan waqarqaku; manam huk wasipas wañuymantaqa escaparqachu. 31Chay tutam Moisestawan Aaronta qayachispan Faraón nirqa:
Qamkunapas chaynataq Israelpa mirayninkunapas runaykunapa chawpinmanta lloqsiychik hinaspa nisqaykichikpi hina Tayta Diosta yupaychamuychik. 32Ovejaykichiktapas, vacaykichiktapas qatiychik. Hinaspa ñoqapaqpas Diosta mañakamuychik, nispa.
33Egipto runakunam hikutarqaku Israelpa mirayninkunata Egiptomanta lloqsinankupaq, llapallanku wañuruyta piensasqankurayku. 34Chaymi Israelpa mirayninkuna, tanta masankupas manaraq poqochkaptin, artesata pachankuwan wankuykuspa hombronkupi aparqaku. 35Moisespa kamachisqanman hinam Israelpa mirayninkunaqa Egipto runakunamanta qorimanta qollqemanta alhajakunata hinaspa pachakunata mañakururqaku. 36#Ex 3.21-22.Tayta Diosmi Egipto runakunawan favorecechirqa, chaymi Israelpa mirayninkunapa tukuy ima mañakusqankuta qorqaku, chaynatam paykuna Egipto runakunapa tukuy imanta qechururqaku.
Israelpa mirayninkuna lloqsisqanmanta
37Chaymi Israelpa mirayninkuna Ramsés llaqtamanta Sucot lawman pasakurqaku. Chakiwan riq qarikunallam yaqa soqta pachak waranqa karqaku, wawakunawan warmikunaqa manam yupasqachu karqaku. 38Paykunawantaqmi lloqsirqa nana-nanaq tukuy rikchaq runakunapas chaynataq achka-achka ovejakunawan vacakunapas. 39Egiptomanta mana levadurayuq masa apamusqankumantam tortillakunata ruwarqaku, Egiptomanta qarqomuptinkum mana tiemponku karqachu qoqawllapas ruwakunankupaq.
40 #
Gn 15.13; Gl 3.17. Israelpa mirayninkunaqa tawa pachak kimsa chunka watam Egipto nacionpi yacharqaku. 41Tawa pachak kimsa chunka wata pasaruptinmi, Tayta Diospa llapallan tropankuna Egipto nacionmanta lloqsirqaku. 42Chay tutam Egipto nacionmanta hurqomuspan paykunata Tayta Dios waqaycharqa. Chayraykum Israelpa llapallan mirayninkuna chay tutata yuyarispa, pascua ruwasqanku tuta rikchananku.
Pascua fiestapaq kamachikuykunamanta
43Moisestawan Aarontam Tayta Dios nirqa:
Kaymi Pascuamanta kamachikuy: Pascua fiestapi mikunaykichik animaltaqa amam huklaw llaqtayuq runaqa mikunqachu. 44Qollqewan rantisqa criadoykichikkunam ichaqa mikunqaku, qari kayninku señalasqa kasqankurayku. 45Huklaw llaqtayuqqa, samapakuqpas otaq llamkapakuqpas amam mikunqachu. 46#Nm 9.12; Sal 34.20; Jn 19.36.Kay aychataqa, amam wasikichikmanta hawamanqa hurqonkichikchu, nitaqmi tulluntapas pakinkichikchu, aswanqa wasikichik ukullapim mikunkichik. 47Llapallan Israel runakunam chaynata ruwanqa. 48Sichum huklaw llaqtayuq runa qamkunawan yachasqanrayku Tayta Diospa Pascuan ruwayta munaspaqa, ayllunpi kaq qarikunam qari kayninkuta señalachikunqaku, hinaspañam Pascua fiestata ruwanqa, chaynata ruwaspaqa castamasikichikñam kanqa. Pipas mana qari kayninpi señalasqa kaspaqa amam mikunqachu. 49Hina chay yachachikuyllam kanqa qamkunapaqpas chaynataq qamkunawan yachaq huklaw llaqtayuq runakunapaqpas, nispa.
50Moisesmanwan Aaronman Tayta Diospa kamachisqanman hinam Israelpa mirayninkuna ruwarqaku. 51Chay punchawpipunim Israelpa mirayninkunata Egipto nacionmanta tropa-tropata Tayta Dios hurqorqa.
Currently Selected:
Éxodo 12: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
