Popular Bible Verses from Éxodo 12

Share

Chay tutam Egipto nacionninta pasasaq, hinaspam runapa piwi churinkunata, animalkunapa piwi wawankunata wañuchisaq; Egiptopa diosninkunatam juzgasaq. Ñoqa Tayta Diosmi chaynata nini. Chay yawarmi señal kanqa maymi yachasqaykichik wasipi, chay yawarta qawaspaymi hawallanta pasarusaq, chaynapim Egipto runakunata wañuchiptiy, qamkunamantaqa mana chullallapas wañunqachu.

Chay punchawqa yuyarinaykichik punchawmi kanqa, chaynapim ñoqa Tayta Diosta yupaychawanaykichikpaq hatun fiestata ruwankichik. Chaymi miraynikichikkunapaq huk decreto wiña-wiñaypaq kanqa.

Sichum churikichik tapusunkichik: “¿Ima ninantaq kay fiesta ruwasqaykichikqa?” nispa, hinaptinqa kaynatam ninkichik: “Tayta Diospaq Pascuapi wañuchina animalmi kayqa. Paymi Egipto nacionpi Israelpa mirayninkunapa wasinpa hawallanta pasaspa aylluykuta libraykurqa, Egipto runakunatam ichaqa wañurachirqa”, nispa. Chaykunata Moisés rimayta tukuruptinmi, Israelpa mirayninkuna qonqorakuykuspa Tayta Diosta yupaycharqaku.