Efesios 5
5
Diospa churinkunaqa imaynam kawsananmanta
1Diospa kuyasqan churinkunam kankichik, chaynaqa payman rikchakuqyá kaychik. 2#Ex 29.18.Cristopa kuyawasqanchikman hinayá kuyanakuspa kawsaychik. Paymi ofrecekurqa Diosman, miski asnaq ofrenda hina ñoqanchikrayku wañuspan.
3Qamkunaqa Diospa sapaqchakusqanmi kankichik, chaynaqa amañayá rimayllapas rimariychikchu huchapakuymantaqa chaynataq millakuypaq kaqkunamanta nitaq qollqella kuyay huchakunamantapas. 4Amataqyá rimaychikchu penqaypaq kaqkunatapas, mana pasaq kaqkunamantapas, tupa-tupaykachispa rimaykunatapas, chay rimaykunaqa manam imapaqpas allinchu, aswanqa Diosllatañayá yupaychaychik. 5Kaytayá yachaychik: Pipas huchapakuqkunaqa, millakuypaq hucha ruwaqkunaqa hinaspa idolokuna yupaychaq hina qollqella kuyaqkunapas, Cristopa hinaspa Diospa munaychakusqanmanqa manam yaykunqachu. 6Amayá yanqakuna rimaqwanqa engañachikuychikchu, kaynakuna kasqanraykum Diospa piñakuyninqa mana kasukuqkunaman hamun. 7Amayá paykunapa mana allin ruwaqmasinqa kaychikchu.
8Ñawpaqtaqa tutayaypim purirqankichik, kunanmi ichaqa Señorwan hukllaña kasqaykichikrayku achkiypiña kawsachkankichik, chaynaqa achkiypa churinkuna hinayá kawsaychik. 9Achkiypi kawsayqa sumaq sonqoyuq kaymi, allin kaqkuna ruwaymi, cheqapman hina kawsakuymi. 10Señorpa munasqantayá ruwaychik. 11Tutayaypi kawsaqkunapa mana allinkuna ruwasqankutaqa amayá ruwaychikchu, aswanqa mana allin ruwasqankumantayá qaqchaychik. 12Paykunapa imapas pakakuspalla ruwasqankumanta rimayqa penqakuypaqmi. 13Imapas pakasqa kaqkunaqa achkiwanmi sutilla rikurirun, achkiwantaqmi ima kasqantapas reqsinchik. 14Chayraykum ninku:
“¡Yaw puñuq, puñusqaykimanta rikchariy!
wañusqakunamanta kawsarimuy,
hinaptinqa Cristom achkiykusunki”, nispanku.
15Chaynaqa, imaynam kawsasqaykichiktayá allinta qawakuychik, amayá mana yachayniyuqkuna hinachu, aswanqa yachayniyuqkuna hinayá kawsaychik. 16#Col 4.5.Tiempoykichiktapas amayá usuchiychikchu, kay punchawkunaqa mana allinllañam. 17Chaynaqa, amayá mana yuyayniyuqkuna hinaqa kaychikchu, aswanqa imam Señorpa munaynin kasqantayá allinta yachaychik. 18Amayá vinowanqa sinkakuychikchu, chayqa viciokunamanmi apakun, aswanqa Chuya Espiritupa huntasqanyá kaychik. 19Huknikichikmanta huknikichikkamayá kallpanchanakuychik: Salmokunawan, himnokunawan, sonqomanta lloqsimuq takikunawanyá, Señorninchikman tukuy sonqowan takispa yupaychaychik. 20#Col 3.16-17.Tukuy imamantayá Señorninchik Jesucristopa sutinpi Dios Taytaman graciasta qoychik.
Iñiqkunaqa ayllunwan imaynam kawsanankumanta
21Diosta manchakuspaqa kasunakuychikyá.
22 #
Col 3.18; 1 Pe 3.1. Imaynam Señorninchikta kasukunchik, chaynatayá casada warmikunaqa qosaykichikta kasukuychik. 23Qosaqa warmipa umanmi, chaynataqmi Cristopas llapallan iñiqkunapa uman, iñiqkunaqa Cristopa cuerpon hinam, payñataqmi salvaqninku. 24Imaynam iñiqkuna Cristota kasukunku, chaynam casada warmikunapas tukuy imapi qosankuta kasukunanku.
25 #
Col 3.19; 1 Pe 3.7. Qosakuna, warmikichikta kuyaychik, imaynam Cristopas iñiqkunata kuyaspan paykunarayku vidanta entregaykusqanta hina. 26Kaytaqa ruwarqa haykam iñiqkunata chuyanchananpaqmi hinaspa yakuwan mayllachkaq hina palabranwan mayllananpaqmi. 27Chaynataqa ruwarqa iñiqkunata kancharichkaqta hina kikinman pusaykunanpaqmi, paykunaqa kanan manam qachachasqachu, sipu-sipuchu nitaq chayman rikchakuqchu, paykunaqa kanan payllapaqña kawsaspa mana imaniraqpas huchayuqmi. 28Chaynallataqyá qosakunapas warmikichikta kuyaychik imaynam kikikichikpa cuerpoykichik kuyasqaykichikta hina, warminta kuyaqqa kikintam kuyakun. 29Manam pipas kikinpa cuerpontaqa cheqninmanchu, aswanqa mikuchispanmi allinta nanachikun, imaynam Cristopas iñiqninkunawan ruwasqanta hina, 30paypa cuerponpa partenmi kanchik, aychanwan tullunmi kanchik. 31#Gn 2.24.Chayraykum:
Qariqa tayta-mamanta saqespan warminmanña hukllawakunqa, chaymi iskayninku huk runa hinallaña kanqaku.
32Kayqa mayna sasa entiendenam, kaytaqa nichkani Cristomantawan llapa iñiqkunamantam. 33Chaynaqa, kikikichikta hinayá warmikichiktapas sapakama kuyaychik, warmiñataqyá qosanta kasukuchun.
Currently Selected:
Efesios 5: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
