Efesios 6
6
1 #
Col 3.20. Churikuna, tayta-mamaykichikta kasukuychik, chaytam Señorpas munan, kay ruwayqa allinpunim. 2Kaymi promesayuq punta kaq kamachikuy:
“Tayta-mamaykita respetay”, 3#Ex 20.12; Dt 5.16.chaynapi allin kanaykipaq hinaspa kay pachapi unay wata kawsanaykipaq.
4 #
Col 3.21. Tayta-mamakuna, qamkunapas wawa-churikichiktaqa amayá piñachiychikchu, aswanqa kasukuqtayá uywaychik Señorninchikpa yachachikuyninman hina.
5Esclavokuna, qamkunapas kay pachapi patronnikichiktayá respetowan hinaspa manchakuywan kasukuychik, imaynam Cristota servichkaq hinayá tukuy sonqowan kasukuychik. 6Amayá qawasunallaykichikpaqchu serviychikqa, nitaq paykuna allinpaq hapisunallaykichikpaqchu, aswanqa Cristopa sirvientenkuna hinayá sonqomanta Diospa munasqanta ruwaychik. 7Señorta servichkaq hinayá tukuy imatapas ruwaychik, manam runatachu servichkankichikqa, aswanqa Señorninchiktam. 8#Col 3.22-25.Yachananchikmi, sapakamam esclavo otaq libre kaspapas allin ruwasqanman hina Señormanta chaskinanta.
9 #
Col 4.1. #
Dt 10.17; Col 3.25. Patronkuna, qamkunapas chaynallatayá esclavoykichikkunawan allinta kawsaychik, ama amenazaychikchu. Yachasqaykichikpi hinapas qamkunapas chaynataq paykunapas hanaq pachapi kaq Señorman hapipasqam kachkankichik, manataqmi payqa pimanpas sayapakunchu.
Guerrapaq hina kallpanchakunamanta
10Chaynaqa, wawqe-panillaykuna, Señorninchikpa tukuy atiyninpi kallpanchakuychik. 11Harkachikunaykichikpaq Diospa qosusqaykichik llapallan armakunawan pachallikuychik, chaynapi allinta takyaptikichik, wateqasuqnikichik diablo mana urmachisunaykichikpaq. 12Peleachkankichikqa manam aychayuq tulluyuq runakunawanchu, aswanqa tutayaypi kamachikuqkunapa, gobernaqkunapa, munayniyuqkunapa hinaspa altokunapi mana allin espiritukunapa contranpim.
13Chaynaqa, Diospa qosusqaykichik llapallan armankunawanyá pachallikuychik, chaynapi urmachiy munasusqaykichik punchawpi allinta takyanaykichikpaq hinaspa lliwta venceruspaykichik qaqa hina sayanaykichikpaq.
14 #
Is 11.5. #
Is 59.17. Allintayá sayaychik, chumpiwan hinayá cheqap kaqwan watakuychik, qasqo harkachikunawan hinayá allin ruwaywan pachallikuychik. 15#Is 52.7.Zapatokuchkaq hinayá hawkayay qokuq allin noticia apanaykichikpaq chaylla kaychik. 16Llapallanmantapas aswanqa iñiynikichikyá escudoykichik hina kachun, chaynapi diablopa rupachkaq flechankunamanta amachakunaykichikpaq. 17#Is 59.17.Salvasqa kasqaykichikyá kachun umaykichik harkaq casco hina, hapiychiktaqyá Diospa palabrantapas, chayqa Chuya Espiritupa espadanmi.
18Chuya Espiritupa yanapakuyninwanyá Diosta mañakuychik tukuy tiempo hinaspa rikchan-rikchanlla kaychik, ama hukmanyaspa llapallan iñiqkunapaqpas Diosta mañapuychik, 19ñoqapaqpas mañakuychiktaqyá palabranta Tayta Dios qomuwanapaq, chaynapi simiyta kicharispay mana manchakuywan pakasqa allin noticiata willakunaypaq. 20Cristopa rantinpi hamusqayraykum cadenakunawan presochasqa kachkani. Chaynaqa, mañapuwaychikyá mana manchakuspay willakunaypaq.
Cartapa tukuyninmanta
21 #
Hch 20.4; 2 Ti 4.12. Kuyasqanchik Tiquicom ñoqamantawan imaynam kasqaymanta willasunkichik, payqa Señorpa obranpi cheqap yanapakuqmi. 22#Col 4.7-8.Paytaqa kachamuchkani imaynam kasqaykumanta willasuspaykichik sonqoykichikta tiyaykachinanpaqmi.
23Dios Taytanchikyá hinaspa Señorninchik Jesucristoyá hawkayaytawan, kuyakuyta hinaspa iñiyta llapallan wawqe-panikunaman qosunkichik. 24Haykam mana iskayrayaspa Señorninchik Jesucristota kuyaqkunamanyá, kuyakuyninta Diosninchik qochun.
Currently Selected:
Efesios 6: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
