Eclesiastés 11
11
1Tantaykita yakuman wischuykuy,
punchawkuna pasaruptinmi huktawan tarirunki.
2Qanchisman otaq pusaqman kapuqnikikunata aypuy,
manam yachankichu ima sasachakuymi llaqtaman hamunantapas.
3Puyukuna armakuptinqa
param allpaman chayamunqa.
Sachaqa sur lawman otaq norte lawman wichispanpas,
maymi wichisqanpim kanqa.
4Wayralla qawaq runaqa
manam tarpukunqachu,
puyuta qawaq runaqa
manam cosechanqachu.
5Imaynam mana yachankichu maynintam wayra risqanta,
nitaq imaynam warmipa wiksanpi wawapa tullunkuna wiñasqanta,
chaynam tukuy imata unanchaq Diospa ruwasqankunatapas
mana reqsinkichu.
6Tutapaymanta muhuykita tarpuy,
tardenpas ama makikita samachiychu;
manam yachankichu mayqanmi allin qespinantapas,
otaq iskaynin chaynakamalla qespinantapas.
7Achkiyqa suma-sumaqmi,
mayna sumaqmi ñawipaq intipa kanchaynin qawayqa.
8Ichaqa unay watakunataña runa kawsaspapas,
chay watakunapi anchataña kusikuspapas,
manam qonqananchu sasachakuy punchawkunataqa,
hamuq kaqkunapas tukuruqlla kasqantaqa.
Jovenkunapaq yachachikuykunamanta
9Joven,
joven kaynikipi kusikuy,
sonqoykipas warma kaynikipi anchata kusikuchun,
sonqoykipa munasqanman hina,
ñawikipa qawasqanman hina kawsay.
Ichaqa amayá qonqaychu,
tukuy ima ruwasqaykimantaqa
Diosmi cuenta mañasunki.
10Sonqoykimantayá piñakuyta wischuy,
mana allin ruwaykunamantayá ayqekuy,
warma kaywan joven kayqa tukuruqllam.
Currently Selected:
Eclesiastés 11: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012