Deuteronomio 6
6
Hatun kamachikuymanta
1Kaykunam chay kamachikuykuna, estatutokuna chaynataq decretokuna, qamkunaman yachachinaypaq Señornikichik Tayta Diospa kamachiwasqankuna, chaykunatam yachanaykichik allpaman yaykuspa ruwayman churankichik. 2Chaynata ruwaspam Señornikichik Tayta Diosta respetankichik, hinaspam kawsanaykichik punchawkama kasukunkichik. Qamkunapas, churikichikkunapas chaynataq willkaykichikkunapas kasukuspa unay watakuna kawsakunaykichikpaq. 3Chaynaqa, Israelpa mirayninkuna, kasukuspayá ruwayman churaychik, chaynapi tukuy imapa qespinan chaynataq tukuy imapa kanan allpapi achkallataña miranaykichikpaq. Chay allpataqa ñawpaq taytaykichikkunapa yupaychasqan Tayta Diosmi prometewarqanchik.
4 #
Mr 12.29. Israel, uyariy: ¡Señorniki Tayta Diosqa sapallan Diosmi!
5 #
Mt 22.37; Mr 12.30; Lc 10.27. Señorniki Tayta Diostam tukuy sonqoykiwan, tukuy vidaykiwan hinaspa tukuy kallpaykiwan kuyanki.
6Kay kamachisqaykunatam sonqoykipi waqaychanki, 7hinaspam churikikunaman sapa kutilla yachachinki wasipi kaspa, ñanpi purispa, puñuq yaykuspa chaynataq hatarispaykipas. 8Kay kamachikuykunataqa señalta hinam brazoykipi chaynataq urkuykipipas watakunki. 9#Dt 11.18-20.Wasikipa punkunpa pilarninkunapiwan chakankunapim qellqanki.
Israelpa mirayninkunata kasukunankupaq kamachisqanmanta
10 #
Gn 12.7. #
Gn 26.3. #
Gn 28.13. Ñawpaq taytanchik Abrahamman, Isaacman hinaspa Jacobman prometesqan allpamanmi Señornikichik Tayta Dios pusasunkichik. Chay allpaqa hatun llaqtayuqkunam kachkan; chay llaqtakunataqa manam qamkunachu hatarichirqankichik. 11Chay allpapiqa, wasikunapas llapa imakunapa huntasqanmi kachkan, chaykunataqa manam qamkunachu huntachirqankichik. Chaypiqa kachkantaqmi pozokunapas, chaykunataqa manam qamkunachu toqorqankichik, kachkantaqmi mana tarpusqaykichik uvaskunawan olivos sachakunapas; chaykunatam saksanaykichikkama mikunkichik. 12Tayta Diostaqa amam qonqarunkichikchu, paymi Egipto nacionpi esclavo kachkaptinchik hurqomuwarqanchik. 13#Mt 4.10; Lc 4.8.Señornikichik Tayta Diostam kasukuspa servinkichik, paypa sutillanpitaqmi jurankichikpas. 14Muyuriqnikichik nacionkunapi runakunapa yupaychasqanku idolokunataqa amam qatinkichikchu. 15Qamkunawan kaq Señornikichik Tayta Diosqa paylla kuyanata munaqmi, mana chayqa contraykichikpi piñakuspanmi kay pachamanta pasaypaqta chinkarachisunkichikman.
16 #
Mt 4.7; Lc 4.12. #
Ex 17.1-7. Masah lawpi pruebaman churasqaykichikta hinaqa amam yupaychasqaykichik Tayta Diostaqa pruebaman churankichikchu. 17Señornikichik Tayta Diospa kamachikuyninkunata, estatutonkunata hinaspa decretonkunatam kasukunkichik. 18Tayta Diospa qayllanpiyá allin kaqkunatawan agradonpaq kaqkunata ruwaychik, chaynapi allin kanaykichikpaq hinaspa ñawpaq taytaykichikkunaman Tayta Diospa juraspa qosqan sumaq allpapi yachanaykichikpaq, 19chaynapi prometewasqanchikman hina enemigoykichikkunatapas qayllaykichikmanta Tayta Dios qarqonanpaq.
20Sichum hamuq punchawkunapi miraynikichikkuna tapusunkichik: “¿Imapaqta Señorninchik Tayta Diosqa kay kamachikuykunata, estatutokunata hinaspa decretokunata qosurqankichik?” nispanku, 21hinaptinqa qamkunam ninkichik: “Ñoqaykum Egipto nacionpi rey Faraonpa esclavonkuna karqaniku, hinaptinmi Tayta Dios hatun atiyninwan hurqomuwarqaku. 22Ñoqaykum Egipto nacionpi Faraonpa chaynataq castankunapa contranpi Tayta Diospa hatun hinaspa mancharikuypaq milagrokuna ruwasqanta rikurqaniku, rikurqanikutaqmi admirakuypaq kaqkuna ruwasqankunatapas. 23Chaynatam hurqomuwarqanchik ñawpaq taytanchikkunaman prometesqan allpaman pusamuwananchikpaq. 24Señorninchik Tayta Diosmi llapallan kay yachachikuykunata cumplinanchikpaq kamachiwarqanchik hinaspa payta kasukunanchikpaq, chaynapi tukuy ima ruwasqanchikpas allinlla kaptin, imaynam kunan punchawkama kawsachiwasqanchikta hina kawsachiwananchikpaq. 25Kamachiwasqanchikman hina Señorninchik Tayta Diospa qayllanpi tukuy kay kamachikuykunata kasukuspaqa allintam ruwachkanchik”, nispaykichik.
Currently Selected:
Deuteronomio 6: RCHQ2
Highlight
Share
Compare
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
