Deuteronomio 5
5
Chunkantin kamachikuykunamanta
(Ex 20.1-17)
1Israelpa llapallan mirayninkunata huñuruspanmi Moisés nirqa:
Israelpa mirayninkuna, yachachisqay kamachikuykunatawan yachachikuykunatayá uyariychik. Chaykunata sumaqta yachaspaykichikyá ruwayman churaychik.
2Señorninchik Tayta Diosmi Horeb orqopi ñoqanchikwan pactota ruwarqa. 3Chay pactotaqa manam ñawpaq taytanchikkunallawanchu ruwarqa aswanqa ñoqanchikkunapiwanmi otaq kaypi llapallanchik huñunasqa kaqkunapiwanmi. 4Tayta Diosqa kikinpunim orqopi rupachkaq nina ukumanta rimapayawarqanchik. 5Chaypiqa ñoqam karqani Tayta Diospa hinaspa qamkunapa chawpikichikpi, chaynapi Tayta Diospa imam nimuwasqanta qamkunaman willanaypaq. Qamkunaqa rupachkaq ninata manchakuspaykichikmi orqoman mana seqarqankichikchu. Chaypim Tayta Dios nirqa:
6Ñoqam kani Señorniki Tayta Diosqa, Egipto nacionpi esclavo kasqaykimanta hurqomusuqniki. 7Amam ñoqamanta sapaq diosqa kapusunkichu.
8Amam ima idolotapas ruwakunkichu, nitaq hanaq pachapi kaqman, kay pachapi kaqman, allpa ukupi kaqman hinaspa yakupi kaqman rikchakuqtapas. 9#Ex 34.17; Lv 19.4; 26.1; Dt 4.15-19; 27.15.Chaykunapa ñawpaqninpiqa amam qonqorakunkichu, amataqmi yupaychankichu. Ñoqa Señorniki Tayta Diosllam Diosnikiqa kani. Manam munanichu sapaq dioskuna yupaychanaykitaqa; cheqniwaqniy runataqa tayta-mamanmanta qallaykuspam willkanpa willkankama castigasaq. 10#Ex 34.6-7; Nm 14.18; Dt 7.9-10.Kamachikuyniyta kasukuspa kuyawaqniy runatam ichaqa waranqantin mirayninkama kuyapayasaq.
11 #
Lv 19.12. Ñoqa Señorniki Tayta Diospa sutiytaqa amam yanqaqa rimankichu. Sutiyta yanqa rimaqtaqa castigasaqpunim.
12 #
Ex 16.23-30; 31.12-14. Ñoqa Señorniki Tayta Diospa kamachisqaypi hinam samana punchawtaqa waqaychanki. 13Soqta punchaw llamkaspaykim tukuy ruwaynikikunata ruwanki, 14#Ex 23.12; 31.15; 34.21; 35.2; Lv 23.3.qanchis kaq punchawpim ichaqa samanki, chay punchawqa punchawniymi. Chay punchawpiqa amam imatapas ruwankichu. Qari churikipas, warmi churikipas, criadoykipas, criadaykipas, toroykipas, asnoykipas, ima animalnikipas, qanwan yachaq huklaw llaqtayuqpas amam imatapas ruwanqakuchu. Qam samaptiki criadaykiwan criadaykipas samanankupaq. 15Egipto nacionpi esclavo kasqaykitayá yuyariy, chaymantam ñoqa Señorniki Tayta Dios hatun atiyniywan chaynataq hatun castigowan hurqomurqayki. Chayraykum ñoqa Señorniki Tayta Dios kamachiki samana punchawta waqaychanaykipaq.
16 #
Dt 27.16; Mt 15.4; 19.19; Mr 7.10; 10.19; Lc 18.20; Ef 6.2. #
Ef 6.3. Ñoqa Señorniki Tayta Diospa kamachisqaypi hinam tayta-mamaykita respetaspa kasukunki, chaynapi ñoqapa qosqay allpapi unay wata kusisqa kawsakunaykipaq.
17 #
Gn 9.6; Lv 24.17; Mt 5.21; 19.18; Mr 10.19; Lc 18.20; Ro 13.9; Stg 2.11. Amam pitapas wañuchinkichu.
18 #
Lv 20.10; Mt 5.27; 19.18; Mr 10.19; Lc 18.20; Ro 13.9; Stg 2.11. Amam waqllikunkichu.
19 #
Lv 19.11; Mt 19.18; Mr 10.19; Lc 18.20; Ro 13.9. Amam suwakunkichu.
20 #
Ex 23.1; Mt 19.18; Mr 10.19; Lc 18.20. Amam runamasikipa contranpiqa llullakunata rimankichu.
21 #
Ro 7.7; 13.9. Amam runamasikipa warmintaqa munapayankichu, nitaq wasintapas, allpantapas, criadontapas, criadantapas, torontapas, asnontapas nitaq imantapas, nispa.
Israelpa mirayninkuna Diosta manchakusqankumanta
(Ex 20.18-26)
22Kay kamachikuykunatam lenwachkaq nina ukumanta chaynataq tutayaq puyu ukunmanta Tayta Dios hatunmanta rimarirqa, orqopa ñawpaqnin pampapi huñunasqa kachkaptikichik. Chaymantam iskay tabla rumikunapi qellqaspan ñoqaman qowarqa. 23Tutayay ukumanta lloqsimuq rimariyta uyarispaykichikmi chaynataq orqotapas rupachkaqta rikuspaykichikmi, qamkunapas, kamachikuqkunapas chaynataq ancianokunapas ñoqaman hamuspa niwarqankichik: 24“Cheqaptapunipas Señorninchik Tayta Diosmi kanchaynintawan atiyninta qawaykachiwanchik. Ninapa chawpinmanta lloqsimuq rimaynintam uyarirunchik. Kunanmi yacharuniku Tayta Dios rimapayachkaptinpas runakunaqa mana wañurusqanta. 25Chaywanpas ¿imamantamá kay mancharikuypaq ninapa rupasqanqa chinkasaqku? Sichum Señorninchik Tayta Diospa rimamusqanta yapatawan uyarispaqa wañurusaqkum. 26Kawsaq Diospa ninapa chawpinmanta rimamusqanta ñoqayku hina uyarispaqa manam pipas kawsanmanchu. 27#Heb 12.18-19.Chaynaqa, qamllayá Señorninchik Tayta Diosman asuykuspa tukuy nimususqaykita uyarimuy hinaspa willawanaykikupaq, chaynapi kamachimususqaykita kasukunaykupaq”, nispa.
28Ichaqa Tayta Diosmi chaykuna niwasqaykichikta uyarispan niwarqa: “Kay runakunapa imam nisusqaykitam uyariruni, chay nisqankuqa allinpunim. 29Amalaya chayna sonqoyuqlla kanmanku, kasuwaspanku llapallan kamachikuyniykunata sapa punchaw ruwayman churanankupaq, chaynapi paykunapas chaynataq mirayninkupas allin kanankupaq. 30Rispaykiyá carpankuman kutinankupaq nimuy. 31Qanmi ichaqa ñoqawan qepanki kamachikuyniykunata, yachachikuyniykunata chaynataq reglamentoykunata qoptiy yachachinaykipaq, chaynapi yachanankupaq qosqay allpapi ruwayman churanankupaq”, nispa. 32Chaynaqa, Señornikichik Tayta Diospa tukuy kamachisusqaykichikta ama pantaspa kasukuychik. 33Señornikichik Tayta Diospa kamachisusqaykichikman hina allinta kawsaychik, chaynapi yachanaykichik allpapipas unay watakuna kawsanaykichikpaq.
Currently Selected:
Deuteronomio 5: RCHQ2
Highlight
Share
Compare
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
