Popular Bible Verses from Deuteronomio 5

Share

Ñoqa Señorniki Tayta Diospa kamachisqaypi hinam tayta-mamaykita respetaspa kasukunki, chaynapi ñoqapa qosqay allpapi unay wata kusisqa kawsakunaykipaq.

Señornikichik Tayta Diospa kamachisusqaykichikman hina allinta kawsaychik, chaynapi yachanaykichik allpapipas unay watakuna kawsanaykichikpaq.

Chaykunapa ñawpaqninpiqa amam qonqorakunkichu, amataqmi yupaychankichu. Ñoqa Señorniki Tayta Diosllam Diosnikiqa kani. Manam munanichu sapaq dioskuna yupaychanaykitaqa; cheqniwaqniy runataqa tayta-mamanmanta qallaykuspam willkanpa willkankama castigasaq. Kamachikuyniyta kasukuspa kuyawaqniy runatam ichaqa waranqantin mirayninkama kuyapayasaq.

Amam ima idolotapas ruwakunkichu, nitaq hanaq pachapi kaqman, kay pachapi kaqman, allpa ukupi kaqman hinaspa yakupi kaqman rikchakuqtapas.

Amam ñoqamanta sapaq diosqa kapusunkichu.

Ñoqa Señorniki Tayta Diospa sutiytaqa amam yanqaqa rimankichu. Sutiyta yanqa rimaqtaqa castigasaqpunim.

Amalaya chayna sonqoyuqlla kanmanku, kasuwaspanku llapallan kamachikuyniykunata sapa punchaw ruwayman churanankupaq, chaynapi paykunapas chaynataq mirayninkupas allin kanankupaq.

Ñoqa Señorniki Tayta Diospa kamachisqaypi hinam samana punchawtaqa waqaychanki.

Amam runamasikipa warmintaqa munapayankichu, nitaq wasintapas, allpantapas, criadontapas, criadantapas, torontapas, asnontapas nitaq imantapas, nispa.

Amam waqllikunkichu.

Amam runamasikipa contranpiqa llullakunata rimankichu.

Amam pitapas wañuchinkichu.

Amam suwakunkichu.

Egipto nacionpi esclavo kasqaykitayá yuyariy, chaymantam ñoqa Señorniki Tayta Dios hatun atiyniywan chaynataq hatun castigowan hurqomurqayki. Chayraykum ñoqa Señorniki Tayta Dios kamachiki samana punchawta waqaychanaykipaq.

Soqta punchaw llamkaspaykim tukuy ruwaynikikunata ruwanki, qanchis kaq punchawpim ichaqa samanki, chay punchawqa punchawniymi. Chay punchawpiqa amam imatapas ruwankichu. Qari churikipas, warmi churikipas, criadoykipas, criadaykipas, toroykipas, asnoykipas, ima animalnikipas, qanwan yachaq huklaw llaqtayuqpas amam imatapas ruwanqakuchu. Qam samaptiki criadaykiwan criadaykipas samanankupaq.

Ñoqam kani Señorniki Tayta Diosqa, Egipto nacionpi esclavo kasqaykimanta hurqomusuqniki.