Deuteronomio 33
33
Israel miraykunata Moisés bendecisqanmanta
1Diospa serviqnin Moisesmi wañukunallanpaqña Israelpa mirayninkunata kaynata bendeciykurqa:
2Tayta Diosmi Sinaí orqomanta hamurqa,
Seir orqomantam inti hina achkirimurqa,
Parán orqomantam kancharimurqa,
waranqantin-waranqantin chuyakunapa chawpintam hamurqa,
yachachikuyninkunatam rupachkaq ninata hina apamurqa.
3Dios Taytalláy, llaqtaykitam kuyanki,
llapallan sapaqchasqaykikunatam waqaychanki,
paykunaqa ñawpaqnikipim qonqorakunku,
kamachisqaykikunatam chaskikunku.
4Jacobpa mirayninkunapa herencian kananpaqmi,
Tayta Diospa kamachikuyninkunata Moisés qowarqaku.
5Jesurún llaqtapim huk rey munaychakurqa,
Israel ayllukunawan kamachiqninkuna huñunakuptinkum munaychakurqa.
6Rubén ayllumantam nirqa:
¡Rubén ayllu kawsachun!
Ama wañuchunchu,
mirayninkunapas mana yupay atina kachun.
7Judá ayllumantam nirqa:
Dios Taytalláy,
Judá ayllupa mañakuyninta uyariykuy,
llaqtanman paykunata kutichiy,
atiynikiwan waqaychaykuy,
enemigonkunapa contranpi yanapaykuy.
8 #
Ex 28.30. #
Ex 17.7. #
Ex 17.7; Nm 20.13. Leví ayllumantam kaynata nirqa:
Dios Taytalláy,
Tumim rumikiwan Urim rumikiyá qanman sonqoyuq runapaq kachun,
paytam Masahpi pruebaman churarqanki,
Meriba yakupa kasqanpim atipanakurqanki.
9Paymi tayta-mamanmanta nirqa:
“Manam haykapipas rikurqanichu”, nispa.
Wawqenkumantañataqmi nirqa:
“Manam reqsinichu”, nispa.
Churinkunatapas manam reqsirqachu.
Paykunaqa nisqaykitam kasukurqaku,
pactoykitam ruwayman churarqaku.
10Jacobpa mirayninkunamanmi kamachikuynikikunata yachachinqaku,
Israel miraykunamanmi yachachikuynikikunata yachachinqaku.
Ñawpaqnikipim inciensota qontichinqaku,
altarnikipim lliw kañana animalkunata kañanqaku.
11Dios Taytalláy, kallpantayá yapaykuy,
llamkasqankutayá kusikuywan chaskiykuy,
enemigonkutapas wasanta pakiruy,
cheqniqninkunatapas manaña sayariypas atinankukama waqtaparuy.
12Benjamín ayllumantam nirqa:
Dios Taytapa kuyasqanqa hawkam kawsakunqa,
paypa waqaychasqanmi kawsakunqa,
kuyasqaykiqa marqaynikipim kawsakunqa.
13José ayllumantam nirqa:
Dios Taytalláy,
allpantayá allinta rurunanpaq bendeciykuy,
cielomanta chayamuq allinnin sullawan,
allpapa ukunpi kaq yakuwan bendeciykuy.
14Intipa rupayninwan poqoq rurukunawan,
killapa qespichisqan rurukunawan bendeciykuy.
15Ñawpaq orqokunapi qespiq sumaq rurukunawan,
wiñaypaq moqokunapi qespiq rurukunawan bendeciykuy.
16Kay pachata huntariq allinnin kaqkunawan,
rupachkaq tankar kichkapi rikuriqpa kuyakuyninwan bendeciykuy.
Chaykunawanyá Joseyqa bendecisqa kachun,
payqa wawqenkunata kamachinanpaq akllasqam karqa.
17Joseyqa vacapa punta wawan hina kuyayllapaqmi,
payqa búfalo hina kallpasapallañam,
waqrankunawanmi llapa nacionkunata
kay pachapa patankama waqraparunqa.
Chaynam Efrainpa wara-waranqa mirayninkunaqa,
chaynam Manasespa waranqantin mirayninkunaqa.
18Zabulonmantawan Isacarmantam nirqa:
Zabulón, maymanña rispapas kusikuy,
Isacar, carpaykikunapi kusikuy.
19Orqomanmi llaqtakunata qayanqaku,
chaypim animalkunata allin ruwasqankumanta ofrecenqaku,
lamar qochapi tukuy ima kaqkunawanmi apuyanqaku,
lamar qochapa aqonpi pakasqa qori-qollqewanmi apuyanqaku.
20Gad ayllumantam nirqa:
Gad ayllupa allpanta hatunyachiq yupaychasqa kachun,
Gad aylluqa animalta suyachkaq león hinam,
brazokunata umakunata tisaparuq león hinam.
21Paykunaqa allinnin allpatam hapikuykurqaku,
kamachikuqkunapaq kaqtam akllakuykurqaku.
Llaqtapa ñawpaqnintam hamurqaku,
Tayta Diospa imam munasqantam ruwarqaku,
Israel mirayninkunapim allin arreglota ruwarqaku.
22Dan ayllumantam nirqa:
Danqa uña león hinam,
Basán lawmanta pawamuq león hinam.
23Neftalí ayllumantam nirqa:
Neftaliyqa Tayta Diospa bendicionninwan huntarisqam kachkan,
payqa tukuy imawan bendecisqam kachkan.
Sur lawpi allpatam Galilea qochakama hapikuykun.
24Aser ayllumantam nirqa:
Aserqa wawqenkunamanta aswan bendecisqayá kachun,
wawqenkunapa ancha kuyasqanyá kachun,
chakintapas aceitewan mayllakuchun.
25Punkunpa cerrojonkunapas fierromantawan broncemantam kanqa,
wañunankamayá kallpanpas ama tukuchunchu.
26Jesurunpa Diosnin hinaqa manam kanchu,
yanapasunaykipaqmi atiyninwan cielokunapa hawanpi purichkan,
puyu hawantam hamuchkan.
27Wiñaypaq kawsaq Diosmi pakakunaykiqa,
wiñaypaq atiyninwanmi marqasunki.
Ñawpaqnikichikmantam enemigoykichikta wischunqa,
chinkachinaykichikpaqmi kamachikunqa.
28Israelpa mirayninkunaqa payman hapipakuspam kawsakunkichik,
Jacobpa mirayninkunaqa hawkallam kawsakunkichik.
Trigopapas vinopapas kanan allpapim yachakunkichik,
paranan allpapim yachakunkichik.
29Israelpa mirayninkuna,
¡mayna kusisqam kankichik!
¿Pitaq qamkuna hinaqa?
Tayta Diospa librasqan runakunam kankichik,
paymi waqaychaspa yanapaqnikiqa,
paymi vencechisuqniki espadaqa.
Enemigoykikunam qayllaykipi wichinqaku,
qamkunañataqmi paykunata sarupankichik, nispa.
Currently Selected:
Deuteronomio 33: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
