Deuteronomio 34
34
Moisés wañukusqanmanta
1Moisesmi Moab lawpi Nebo orqoman rirqa, hinaspam Pisga orqopa puntanman qespirqa, chay orqokunaqa Jericó llaqtapa chimpanpim kachkan. Chaymantam Tayta Dios qawachirqa Galaad lawpi allpamanta qallaykuspa Danpa, 2Neftaliypa, Efrainpa, Manasespa chaynataq Judapa allpankunatapas Mediterráneo lamar qochakama. 3Qawachirqataqmi Neguev lawtapas, Jordán mayupa qechwatawan palmera sachakunapa kasqan Jericó llaqta lawpi pampatapas, Zoar llaqtakama. 4#Gn 12.7.#Gn 26.3.#Gn 28.13.Hinaspam Moisesta Tayta Dios nirqa:
Kay allpatam Abrahamman, Isaacman hinaspa Jacobman jurarqani, chaynapi paykunapa mirayninkunaman qonaypaq. Qawaykunaykitam munarqani, ichaqa manam yaykunkichu, nispa.
5Chaymi Tayta Diospa serviqnin Moisés, Moab allpapi wañukurqa Tayta Diospa nisqanpi hina. 6Moab runakunapa allpanpim, Bet-peor llaqtapa chimpan qechwapi Tayta Dios pamparurqa. Chay sepulturataqa manam pipas kunan punchawkama reqsinchu. 7Moisesqa pachak iskay chunka watanpim wañukurqa, wañukusqan punchawkamam ñawinkunapas allintaraq qawakurqa, kallpanpas manam pisirqachu.
8Hinaptinmi Israelpa mirayninkuna kimsa chunka punchaw Moab law pampapi waqarqaku. Chaynapim cumplikurqa Moisesmanta lutokuspa waqasqanku punchawkuna. 9Nunpa churin Josueymi yachayniyuq kananpaq Diosmanta atiyta chaskirqa, chaypaqmi paypa hawanman kawsachkaspallaraq makinta Moisés churaykurqa. Chaymi Israelpa mirayninkuna Josueyta kasukurqaku, hinaspam Moisesman Tayta Diospa kamachisqanman hina ruwarqaku.
10 #
Ex 33.11. Israelpa mirayninkunapiqa manañam haykapipas Diospa profetan Moisés hinaqa karqachu. Paywanqa Tayta Diospas uyapuram rimarqa. 11Manataqmi Moisés hinaqa pipas Diospa atiyninta qawachispa, Egiptopi rey Faraonpa, serviqninkunapa chaynataq lliw runankunapa contranpi admirakuypaq milagrokunata ruwaq runaqa karqachu. 12Atiyniyuq kayninpipas, hatun kaqkunatawan manchakuypaq kaqkunata ruwasqanpipas manataqmi pay hinaqa pipas karqachu. Chaykunatam Israelpa mirayninkunapa qawasqanta Moisés ruwarqa.
Currently Selected:
Deuteronomio 34: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
