Deuteronomio 30
30
Tayta Diospa bendecisqan kanankumanta
1Sichum Akllakunaykichikpaq kunan willasqay bendicionkunapas otaq ñakaykunapas hamusuptikichik, Señornikichik Tayta Diospa qarqosusqaykichik nacionkunapi kaspa yuyaymanankichik, 2hinaspa qamkunapas chaynataq churikichikkunapas Señornikichik Tayta Diosman kutirikuspa, tukuy sonqoykichikwan, tukuy vidaykichikwan kunan kamachisqaykunata kasukuptikichikqa, 3Señornikichik Tayta Diosmi preso kasqaykichikmanta kutichimusunkichik, hinaspam llakipayarisunkichik.
4May karu llaqtakunamanña qarqosqa kaptikichikpas, chaykunamantam Señornikichik Tayta Dios kutichimusunkichik. Chaymantam payqa hoqarimusunkichik. 5Ñawpaq taytaykichikpa allpanmanmi Señornikichik Tayta Dios kutichimusunkichik, hinaptinmi huktawan qamkunapaq kanqa. Bendecisuspaykichikmi ñawpaq taytaykichikkunamantapas aswantaraq mirachisunkichik.
6Señornikichik Tayta Diosmi qamkunatapas chaynataq miraynikichiktapas kasukuq sonqotaña ruwasunkichik, chaynapi tukuy sonqoykichikwan, tukuy vidaykichikwan payta kuyaspa allinta kawsanaykichikpaq. 7Hinaptinmi Señornikichik Tayta Dios, kay ñakaykunata enemigoykichikman, cheqnispa qatikachasuqnikichikkunaman kacharinqa.
8Qamkunañataqmi Señornikichik Tayta Diosman kutirikuspa kasukunkichik, kunan willasqay llapa kamachikuykunatapas ruwaymanmi churankichik. 9Hinaptinqa Señornikichik Tayta Diosmi tukuy ruwasqaykichikpi allinta kawsachisunkichik, chaynapim achka churiyuq, achka animalniyuq kankichik; tarpuspapas achkallatañam cosechankichik. Tayta Diosmi ñawpaq taytaykichikkunawan kusikusqanta hina qamkunawanpas kusikunqa.
10Chaynataqa kusikunqa Señornikichik Tayta Diosta kasukuspa kay kamachikuy libropi qellqasqa kamachikuyninkunata, yachachikuyninkunata ruwayman churaptikichikmi; chaynataq tukuy sonqoykichikwan hinaspa tukuy vidaykichikwan payman kutirikuptikichikmi.
11Kay kamachikuykuna qosqayqa manam sasachu, nitaqmi mana ruway atinaykichikpaq hinachu; 12manam hanaq pachapichu kachkan: “¿Pitaq cielota qespiruspan aparamunman hinaspa ruwayman churananchikpaq yachachiwachwan?” ninaykichikpaqqa; 13nitaqmi lamar qochapa waklaw chimpanpichu kachkan: “¿Pitaq chimparuspan aparamunman hinaspa ruwayman churananchikpaq yachachiwachwan?” ninaykichikpaqqa; 14#Ro 10.6-8.kay kamachikuykunaqa hichpallaykichikpiña, simillaykichikpiña chaynataq sonqollaykichikpiñam kachkan. 15Chaynaqa, akllakuychik, kunanmi ñawpaqnikichikman churani allin kaqtawan kawsayta, mana allin kaqtawan wañuyta.
16Sichum kunan kamachisqaykunata kasukuspa Tayta Diosta kuyaspaykichikqa, munasqanman hina kawsaspa kamachikuyninkunata, yachachikuyninkunata, reglamentonkunata ruwayman churaspaykichikqa, allinta kawsaspam achkallaña mirayniyuq kankichik, chaynatam Señornikichik Tayta Diosqa qosusqaykichik allpapi bendecisunkichik.
17Sichum Tukuy kay nisqaykunata mana kasukuspa, idolokunataña qonqorakuspa yupaychaptikichikqa, 18kunanmi nikichik: Wañunkichikpunim. Jordán mayuta chimparuspa Tayta Diospa qosusqaykichik allpapipas manam unaychu kawsankichik.
19Chaynaqa, cielokunatawan kay pachatam qamkunapa contraykichikpi testigota churani, kawsayta otaq wañuyta, bendecisqa kayta otaq ñakasqa kayta akllakunaykichikpaq qamkunaman nisqaymanta. Chaynaqa, kawsaytayá akllakuychik, qamkunapas miraynikichikkunapas kawsanaykichikpaq.
20 #
Gn 12.7. #
Gn 26.3. #
Gn 28.13. Tayta Diosta kuyaspaqa kasukuychik, ama paymantaqa kacharikuychikchu. Paymi kawsay qosuqnikichikqa chaynataq unay watakunata kawsachisuqnikichikpas, chaynapim ñawpaq taytaykichik Abrahamman, Isaacman hinaspa Jacobman Tayta Diospa jurasqan allpapi yachankichik.
Currently Selected:
Deuteronomio 30: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
