Deuteronomio 29
29
Pactota huktawan Tayta Dios ruwasqanmanta
1Horeb orqopi pactota Tayta Dios ruwaruchkaspanpas, Moab nacionpiña kachkaptinkum Moisesta huktawan kamachirqa Israelpa mirayninkunawan pactota ruwananpaq. 2Chaymi Israelpa miraykunata huñuruspan Moisés nirqa:
Egipto nacionpi kaspaykichikmi rikurqankichik imaynam rey Faraonta, serviqninkunata chaynataq llapallan runankunatapas Tayta Dios castigasqanta. 3Rikurqankichikmi hatun señalkunata chaynataq admirakuypaq kaqkuna ruwasqantapas.
4Chaywanpas Tayta Diosqa kunankamam yachayta manaraq qosurqankichikchu, chaynapi qawachkaspapas hinaspa uyarichkaspapas mana entiendenaykichikpaq. 5Ñoqam chunniqninta tawa chunka watapuni pusamurqaykichik, pachaykichikpas chaynataq usutaykichikpas manam tukurqachu.
6Manam tantatapas mikurqankichikchu, nitaqmi vinotawan poqosqa aqatapas tomarqankichikchu. Tukuy chaykunatam Tayta Dios kasqanta yachanaykichikpaq ruwarqa.
7 #
Nm 21.21-30. #
Nm 21.31-35. Kay allpaman chayaramuptinchikñataqmi, Hesbón llaqtapi yachaq rey Sehón hinaspa Basán law allpapa reynin Og ñoqanchikwan peleanankupaq lloqsimurqaku, ichaqa paykunatam vencerurqanchik. 8#Nm 32.33.Paykunata qarqoruspa allpankutapas Rubén aylluman, Gad aylluman chaynataq Manasespa wakin ayllunman herencianku kananpaq qoykurqanchik. 9Chaynaqa, kay pactopa nisqantayá ruwayman churaychik, chaynapi tukuy ima ruwasqaykichikpas allin kananpaq.
10Qamkunam llapallaykichik Señornikichik Tayta Diospa qayllanpi huñunasqa kachkankichik: Sapa ayllupi kamachiqninkunapas, ancianokunapas, capitankunapas, Israelpa llapallan mirayninkunapas, 11warmakunapas, warmikunapas, campamentopi qamkunawan yachaq huklaw llaqtayuqkunapas, yantaqkunapas chaynataq yaku apamuqkunapas. 12Llapallaykichikmi huñunasqa kachkankichik Señornikichik Tayta Dioswan pactota ruwaspa kunan juranaykichikpaq.
13Chaynapim kunanmantaqa Tayta Diospa llaqtanña kankichik. Payñataqmi Diosnikichikña kanqa, imaynam ñawpaq taytaykichik Abrahamman, Isaacman chaynataq Jacobman jurasqanpi hina. 14Tayta Diosqa kay pactotawan juramentotaqa manam qamkunallawanchu ruwan, 15aswanqa imaynam qamkunawan ruwasqanta hinam miraynikichikkunawanpas ruwan.
16Qamkunaqa yachankichikmi Egipto nacionpi imaynam yachasqanchiktapas, yachankichiktaqmi hamusqanchikpi tarimusqanchik nacionkunata imaynam pasamusqanchiktapas. 17Rikumurqanchikmi chay nacionkunapa yupaychasqanku kullumanta, rumimanta, qollqemanta, qorimanta millakuypaq idolokunatapas.
18 #
Heb 12.15. Amam qamkuna ukupiqa kanqachu qaripas, warmipas, aylluykichikpas otaq miraynikichikpas, chay nacionkunapa idolonkuta yupaychaspanku Tayta Diosmanta rakikuqkunaqa. Yanqañataq qamkuna ukupi rikurirunman hayaq otaq qatqe sapiyuq plantakuna hina runakuna.
19Sichum pipas, kay pactopi kaq ñakaykunata uyarichkaspan sonqonpi kaynata alabakunman: “Rumi sonqo kaspay munasqayta ruwakuptiypas, tukuy imam allinpuni lloqsiwanqa”, nispa. Chayna runaqa llapallan runakunatam urmarachinqa.
20Tayta Diosqa chayna runataqa manam pampachanqachu, aswanqa contranpi sinchita piñakuruspanmi kay libropi qellqasqa kaq ñakaykunata payman kachaykamunqa, chay runapa mirayninkunatapas Tayta Diosqa manaña pipapas yuyarinankamam kay pachamanta chinkarachinqa.
21Tayta Diosqa, Israelpa mirayninkunamanta chay runata rakiruspanmi ñakariykunawan castiganqa, payqa ñakarichinqa kay pactopi qellqasqa llapallan ñakaykunawanmi. 22Qamkunamanta hamuq qepa miraykunam chaynataq karu nacionkunamanta hamuqkunam chay castigokunata hinaspa nacionnikichikman Tayta Diospa kachamusqan onqoykunata qawanqaku.
23 #
Gn 19.24-25. Chay allpaqa azufreyuq, kachiyuq hinaspa kañasqa, mana tarpuna, mana imapapas ikllinan nitaq qorapapas wiñanan allpam kanqa. Sodomapa, Gomorrapa, Admapa chaynataq Zeboimpa allpankunamanmi rikchakunqa. Chaykunatam Tayta Dios anchata piñakuspan chinkarachirqa.
24Hinaptinmi llapa runakuna tapukunqaku: “¿Imanasqataq kay allpata Tayta Dios kaynata castigarun? ¿Imanasqataq kaynataña piñakurun?” nispanku.
25Chaymi ninqaku: “Ñawpaq taytankupa yupaychasqan Tayta Diosmi Egipto nacionmanta hurqomuspan paykunawan pactota ruwarqa, chay pacto saqerusqankuraykum kaynata ruwarachikunku. 26Paykunaqa mana reqsisqanku chaynataq mana imapas qoqninku idolokunata yupaychaspankum ñawpaqninpi qonqorakurqaku. 27Chayraykum paykunapa contranpi Tayta Dios piñakururqa, hinaspam kay libropi qellqasqa llapallan ñakaykunata paykunaman kachaykamurqa.
28Tayta Diosmi anchallataña piñakuruspan allpankumanta qarqorurqa, hinaspam kunan qawasqaykichikpi hinapas huklaw nacionkunamanña wischururqa”, nispa.
29Kanmi mana yachasqanchik pakasqa kaqkuna, chaytaqa Tayta Diosllam yachan. Chaywanpas kantaqmi ñoqanchikman chaynataq churinchikkunamanpas wiñaypaq reqsichisqan kaqkuna, chaynapi kay llapallan yachachikuykunata ruwayman churananchikpaq.
Currently Selected:
Deuteronomio 29: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
