Deuteronomio 24
24
Rakinakuymanta yachachikuykuna
1 #
Mt 5.31; 19.7; Mr 10.4. Sichum pipas casarasqan warmipi imapas mana allin ruwasqanta tarispaqa rakikunanpaqmi papelta qellqanqa. Chayta qoykuspanmi wasinmanta qarqorunqa. 2Chay qarqosqa warmiqa atinmanmi hukwan casarakuyta. 3Sichum qepa qosanpas imapas mana allin ruwasqanta tarirunman hinaspa paypas rakikunanpaq papelta qoykuspan wasinmanta qarqorunman otaq wañurunmanpas, 4hinaptinqa millakuypaq kasqanraykum punta qosanqa manaña huktawanqa casaranmanñachu. Chay ruwaytaqa Tayta Diosqa millakunmi. Herenciaykichik kananpaq Señornikichik Tayta Diospa qosunaykichik allpataqa amam millakuypaq huchawanqa qachachankichikchu.
Rikchaqmana yachachikuykunamanta
5Chayllaraq casarakuruq qariqa wata pasanankamam ama guerraman rinqachu, nitaqmi imapipas servikunqachu, chaynapi warminta kusichinanpaq.
6Amam kutakunanku maraytawan #24.6 Tunawtaqa ninkutaqmi “tunaw” nispapas.tunawnintapas prendapiqa hapinkichu, chayqa kanman runapa vidanta prendapi hapichkaq hinam.
7 #
Ex 21.16. Sichum Israelpa mirayninmanta hukkaqnin runa, hina llaqtamasillanta suwarunman paywan servichikunanpaq otaq rantikurunanpaqpas, hinaptinqa chay suwaqtam wañuchinkichik. Chaynata ruwaspam chay mana allin ruwayta qamkunamanta chinkachinkichik.
8 #
Lv 13.1—14.54. Lepra onqoy rikuriruptinqa, Leví ayllumanta kaq sacerdotekunapa tukuy ima nisusqaykichiktam ruwankichik. Imaynam paykunaman kamachisqayman hinam ruwankichik. 9#Nm 12.10.Egipto nacionmanta lloqsimuspa hamuchkaptikichik Mariata Señornikichik Tayta Dios imam ruwasqantam yuyarinkichik.
10Runamasikiman imatapas prestaspaqa, amam prenda hurqoqqa wasinta yaykunkichikchu. 11Hawallapi suyaptikim kikin hurqomuspan qosunki. 12Wakcha runa kaptinqa amam chay prendanta paqarinnintinkamaqa hatallinkichu. 13#Ex 22.26-27.Inti seqaykuyllatam kutiykachipunki, chaynapi puñuq yaykuspa chaywan qatakunanpaq. Hinaptinqa qampaq Señornikichik Tayta Diosta mañakuptinmi chay ruwasqaykiwan paypa qayllanpi allin kanki.
14Llamkapakusuqniki wakcha runataqa, llaqtamasiki kaptinpas otaq huklaw llaqtayuq kaptinpas amam ñakarichinkichu. 15#Lv 19.13.Llamkasqanmantaqa manaraqpas inti seqaykuytam hina chay punchawllapi pagaykapunki. Chay runaqa wakcha kasqanraykum llamkapakusqan qollqellawan kawsan, mana chaynata ruwaptikiqa Tayta Diosta qayakuptinmi huchayuq kawaq.
16 # 2 R 14.6; 2 Cr 25.4; Ez 18.20. Wawa-churinkupa huchallikusqanmantaqa amam tayta-mamantaqa wañuchinkichikchu, nitaqmi tayta-mamanpa huchanmantapas wawa-churintaqa wañuchinkichikchu. Huchallikuspaqa sapakamam huchankumanta wañunqaku.
17Huklaw llaqtayuqkunatawan mana tayta-mamayuqkunataqa amam engañankichikchu. Amataqmi viudakunamantapas prendantaqa mañankichikchu. 18#Ex 23.9; Lv 19.33-34; Dt 27.19.Egiptopi esclavo kasqaykichikmanta Señornikichik Tayta Dios hurqomususqaykichiktam yuyarinkichik. Chayraykum kay kamachisqaykunata ruwayman churankichik.
19Kawsaynikikunata rutuspa hukkaqnin gavillata chakrapi qonqaruspaqa amañam hoqariqqa kutinkiñachu. Chaytaqa huklaw llaqtayuqkunapaqwan mana tayta-mamayuqkunapaq chaynataq viudakunapaqmi saqenki. Chaynapim Señornikichik Tayta Dios tukuy ruwasqaykipi bendecisunki.
20Aceitunasta pallaspaqa amañam pallapankichu. Puchuqkunataqa huklaw llaqtayuqkunawan mana tayta-mamayuqkuna chaynataq viudakuna pallapakunanpaqmi saqenki.
21 #
Lv 19.9-10; 23.22. Uvasnikita pallaspaqa amañam pallapankichu. Puchuqkunataqa huklaw llaqtayuqkunawan mana tayta-mamayuqkuna chaynataq viudakuna pallapakunanpaqmi saqenki. 22Egipto nacionpi esclavo kasqaykitam yuyarinki. Chayraykum kasukunaykipaq kaykunata kamachiki.
Currently Selected:
Deuteronomio 24: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
