Deuteronomio 23
23
Tayta Diospa qayllanman pikunam mana yaykunankumanta
1Tayta Diospa qayllanpi huñunakuymanqa amam yaykunqachu runtun capasqapas nitaq qari kaynin kuchusqapas.
2Tayta Diospa qayllanpi huñunakuymanqa amam pipapas churyapakuyninqa yaykunqachu, chunka mirayninkamapas amam yaykunqachu.
3 #
Neh 13.1-2. Tayta Diospa qayllanpi huñunakuymanqa amam amonitakunawan moabitakunaqa yaykunqachu, chunka mirayninkamapas amam yaykunqachu. 4#Nm 22.1-6.Paykunaqa Egipto nacionmanta lloqsimuspa allpanku waqtanta pasamuptikichikpas manam yakullankuwanpas nitaq mikuyllankuwanpas taripamusurqankichikchu. Aswanraqmi Mesopotamia law Petor llaqtamanta hamuq Beorpa churin Balaamman ñakasunaykichikpaq pagarqaku. 5#Nm 23.7—24.9.Ichaqa Señornikichik Tayta Diosmi Balaamta mana uyarirqachu, aswanqa Balaampa ñakasunaykichiktam bendicionmanña tikrarurqa. 6Chaynaqa, amapunim haykapipas munankichikchu paykunapa hawkalla kayninkutawan allinlla kawsakuyninkutapas.
7Edomitakunatam ichaqa ama cheqninkichikchu, paykunaqa castaykichikmi. Egipto runakunatapas amataqmi cheqninkichikchu, paykunapa allpanpim qamkuna yacharqankichik. 8Paykunapa willkankupa churinkunam ichaqa Tayta Diospa qayllanpi huñunakuyman yaykunqaku.
Limpio kanankupaq yachachikuykunamanta
9Enemigoykichikwan peleaq lloqsispaqa, amam millakuypaq kaqkunataqa ruwankichikchu. 10Sichum tuta puñunankama qari kayninmanta muhun kikillanmanta lloqsiruptinqa, chay runaqa millakuypaqmi kanqa, payqa campamentomanta lloqsispam tukuy punchaw hawapi kamunqa. 11Hinaspam manaraq inti seqaykuyta mayllakuspan tutaykuqta campamentoman kutiykunqa.
12Ispakunaykichikpas campamentomanta hawapim kanqa. 13Sapakamam estacaykichikta apankichik, chaywan allpata toqospam hatun ispayta ispakuruspa allpawan pampankichik. 14Señornikichik Tayta Diosmi campamentoykichikpi purichkan, waqaychasuspaykichik enemigoykichikta vencechisunaykichikpaq, chayraykum campamentoykichikqa chuyanchasqa kanan, mana chayqa Diosmi qamkuna ukupi ima qachatapas rikuspan qamkunamanta asurikunman.
Criadokunapa favorninpi yachachikuykunamanta
15Patronninmanta ayqekamuspan amparakamusuqniki esclavotaqa amam patronninmanqa kutichinkichu. 16Qamkunawanmi llaqtaykichikpi akllakusqan sitiopi yachanqa. Amam pipas paytaqa ñakarichinqachu.
Chuchumikakunapa contranpi yachachikuykunamanta
17 #
Lv 19.29. Israel castakunamantaqa amam warmi churikichikpas idolokunata yupaychananpaqqa chuchumikaqa kanqachu, nitaqmi qari churikichikpas qaripura qachakuspaqa idolokunata yupaychanqachu. 18Chayna millakuypaq ruwasqanwan ganakamusqanmanta Tayta Diospa templonman apamunankutaqa amam munankichikchu. Chayqa Señornikichik Tayta Diospa qayllanpiqa hatun millakuypaqmi.
Runamasinwan imaynam kawsanamanta
19Qollqetapas, kawsaykunatapas otaq imatapas aylluykiman prestaspaqa, amam mirayninta mañankichu. 20#Ex 22.25; Lv 25.36-37; Dt 15.7-11.Huklaw llaqtayuqkunamantam ichaqa mañawaq. Aylluykimantaqa amam mañankichu. Hinaptinqa yaykunaykichik allpapim tukuy ima ruwasqaykipi Tayta Dios bendecisunkichik.
21 #
Nm 30.1-16; Mt 5.33. Señornikichik Tayta Diosman prometespaqa utqayllamanmi cumplinki. Mana chayqa pay cuentata mañaykusuptikim huchayuq kawaq. 22Mana imatapas prometekuspaqa manam huchallikunkichu. 23Kikikimanta Tayta Diosman prometekuspaqa qonkipunim.
24Runamasikipa uvas huertanman yaykuspaqa saksanaykikamallam mikunki, amam canastaykimanqa pallankichu. 25Runamasikipa trigo cosechanman yaykuspaqa makillawanmi pallapakunki, amam rutunawanqa rutunkichu.
Currently Selected:
Deuteronomio 23: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
