Deuteronomio 22
22
1Sichum llaqtamasikipa chinkasqa toronta otaq ovejanta tariruspaqa amam upallakuykunkichu, aswanqa llaqtamasikimanmi pusarapunki. 2Sichum chay animal mana vecinoykipa kaptinqa, nitaq pipa kasqantapas yachawaqchu , hinaptinqa dueñon maskamunankamam wasikiman pusaspa uywanki; chaymantam qoykapunki. 3Chaynatam ruwankichik runamasikichikpa chinkaruq asnonwanpas, wischurusqan pachanwanpas; llaqtamasikichikpa imantapas tarikuspaqa amam upallakuykunkichikchu.
4 #
Ex 23.4-5. Sichum llaqtamasikipa asnonta otaq toronta ñanpi kumpakuruqta rikuspaqa, amam qawayllaqa-qawakunkichikchu aswanqa hatarichiypim yanapaykunkichik.
5Warmiqa amam qaripa pachanwanqa pachakunqachu, nitaqmi qaripas warmipa pachanwanqa pachakunqachu. Pipas chayna ruwaqqa Tayta Diospa millakusqanmi.
6Sichum purichkaspayki sachapipas otaq pampapipas tariruwaq qesanpi mallqochata otaq runtuta oqllachkaq urpichata hinaspaqa amam mamantawan mallqochankunataqa apakunkichu. 7Mallqochankunallata apakuspam mamantaqa kachaykunki. Chaynata ruwaspaqa kusikuspam unayta kawsakunki.
8Musoq wasita ruwakuspaykiqa qatanpa muyuriqninpim perqanta ruwanki. Mana chayqa pipas wichiykamuspa wañuruptinmi wasipi kaqkuna huchayuq kawaqchik.
9Uvas chakrapiqa amam huk rikchaq muhutaqa tarpunkichu, chaynata ruwaspaqa lliwtam Tayta Diosman qonki.
10Asnotawan torota tinkispaqa amam yapunkichu.
11 #
Lv 19.19. Linotawan millwata chaqruykuspa awasqa pachawanqa amam churakunkichu.
12 #
Nm 15.37-41. Capaykipa tawan puntankunamanmi watuyuq kipukunata siranki.
Casarakuypaq yachachikuykunamanta
13Sichum pipas warmita casararuspa, paywan puñuruspanñataq manaña kuyanmanchu, 14hinaspa warmita penqayman churayta munaspan kaynata ninman: “Kay warmitam casararqani, ichaqa paywan puñuptiymi qari reqsiqña kasqa”, nispa. 15Chayna kaptinqa chay sipaspa tayta-mamanmi, manaraq qari reqsiq kasqanta qawachinanpaq, churinpa chayllaraq casarakuykuspan puñusqan pachata llaqtapi ancianokunaman apanqa. 16Sipaspa taytanmi ancianokunaman kaynata ninqa:
Ñoqam churiyta kay runawan casarachirqani, ichaqa kunanmi churiyta cheqnipakurun. 17Penqayman churayta munaspanmi nichkan: “Churikiqa qari reqsiqñam kasqa”, nispa. Kunanmi churiyqa manaraq qari reqsiq kasqanta qawankichik; chaynata nispanmi, churin casarakuykuspa llampuchakusqan pachata llaqtapi ancianokunaman qawachinqa. 18Hinaptinmi ancianokuna chay qarita presocharuspa azotenqaku. 19Sipaspa taytanmanñataqmi huk kilo qollqeta pagachinqaku, chaynataqa multanqaku Israelpa mirayninkuna ukupi manaraq qari reqsiq sipasta yanqa penqayman churasqanmantam. Chay casarasqan warmiqa kawsanankamam warmin kanqa, manam rakikuyta atinmanchu.
20Sichum cheqaptapuni chay sipas qari reqsiqña kaptinmi ichaqa 21taytanpa wasinmanta hurqoruspanku llaqtapi runakuna rumiwan chamqapaspa wañuchinqaku, Israelpa mirayninkuna ukupi chaynataq taytanpa wasinpi chuchumika hina millakuypaqta ruwasqanmanta. Chaynatam qamkunamanta chay mana allin ruwayta chinkachinkichik.
22Sichum pitapas casada warmiwan huchapakuchkaqta tariruspaykichikqa iskaynintam wañuchinkichik. Chaynata ruwaspam qamkunamanta mana allin ruwayta chinkachinkichik.
23Sichum manaraq qari reqsiq sipas casarakunanpaq rimapayasqaña kachkaptin, huk qariñataq llaqtapi tariruspan chay sipaswan puñuruptinqa, 24iskaynintam llaqtapi ancianokunaman pusankichik, hinaspam rumiwan chamqapaspa wañuchinkichik. Sipasqa wañunqa llaqtapi kachkaspan mana qaparisqanraykum. Qariñataqmi wañunqa runamasinpa casaranan warmita penqayman churasqanrayku. Chaynata ruwaspam qamkunamanta mana allin ruwaqkunata chinkachinkichik.
25Sichum casarakunanpaq rimapayasqa sipasta, pipas campopi tariruspan abusaruptinqa, qarillam chay ruwasqanmanta wañunqa, 26sipastaqa amam imanankichikchu, payqa manam huchayuqchu. Chayqa pipas runamasinta qonqaymanta wañurachiq runamanmi rikchakun. 27Chay runaqa sipasta campopi sapallanta tariruspanmi abusarurqa. Sipas qayaykachakuptinpas manam pipas libraqnin karqachu.
28Sichum casarakunanpaq manaraq rimapayasqa sipasta abusachkaqta pitapas tariruptinkuqa, 29#Ex 22.16-17.chay abusaqmi sipaspa taytanman parte kilo qollqeta qonqa. Abusasqanraykum chay sipaswan casarakunqa. Chay runaqa kawsanankamam chay warmimanta mana rakikunqachu.
30 #
Lv 18.8; 20.11; Dt 27.20. Taytanpa warmillanwanqa amam pipas kakunqachu. Chaynata ruwaspaqa taytantam penqayman churachkan.
Currently Selected:
Deuteronomio 22: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
