Deuteronomio 21
21
Wañusqa rikuriruq runamanta
1Señornikichik Tayta Diospa qosunaykichik allpapi kachkaspa, maylaw purunpipas wañusqa runata tariruwaqchik, ichaqa mana yachawaqchikchu pim wañuchisqantapas , hinaptinqa 2ancianokunawan juezkunam wañusqa runapa kasqanmanta qallarispa muyuriqninpi kaq llaqtakunakama metrowan tupunqaku. 3Hinaptinmi chay wañusqata tarirusqanku sitiopa hichpanpi kaq ancianokuna manaraq yugoman watasqa vaquillata pusamunqaku. 4Chay llaqtapi ancianokunam chay vaquillata yakupa kanan mana yapuna, mana tarpuna qechwaman pusanqaku, hinaspam chaypi kunkanta qewirunqaku.
5Chaymantam Leví ayllumanta sacerdotekuna chay llaqtaman asuykunqaku. Paykunataqa Señornikichik Tayta Diosmi akllarqa, paypa qayllanpi servinankupaq hinaspa runakunatapas Tayta Diospa sutinpi bendecinankupaq. Ima atipanakuypas chaynataq ima piñanakuypas paykunapa nisqanman hinam arreglasqa kanqa. 6Chaymantam chay llaqtapi llapallan ancianokuna makinkuta mayllakunqaku chay wañusqa vaquillapa hawanpi, 7hinaspam ninqaku: “Kay runataqa manam ñoqaykuchu wañuchirqaniku, nitaqmi pim wañuchisqantapas rikurqanikuchu. 8Chaynaqa, Dios Taytallayku, salvasqayki Israel llaqtaykitayá pampachaykuwayku, amayá chay wañuqmantaqa Israel llaqtaykimanqa tumpawaykuchu”, nispanku. Chaynapim chay wañuchisqanku huchamanta pampachasqa kankichik. 9Chaynaqa, Tayta Diospa qayllanpi allinta ruwaspaykichikmi chay wañuchisqa runamanta mana huchayuq kankichik.
Guerrapi presochasqa warmikunawan imaynam ruwanankumanta
10Sichum enemigoykichikwan peleaptikichik Señornikichik Tayta Dios hapiykachisuptikichik presocharunkichik hinaptinñataq 11hukkaqnikichik buenamoza warmita rikuruspan warmin kananpaq munaruspanqa, 12chay warmitam wasinman pusanqa, hinaptinmi chay warmiqa chukchanta kachiy-kachiyta rutukunqa, chaynataqmi sillunkunatapas kaptakunqa. 13Presochachikusqan pachantapas mudakuspanmi qaripa wasinpiña yachanqa. Tayta-mamanmantam huk killatapuni lutokunqa. Chaymantañam chay qari paywan casarakunqa chaynapim paypas warminña kanqa. 14Sichum chaymanta chay warmita manaña kuyaspaqa libretam kachaykunqa, ichaqa penqayman churasqanmantam mana rantikunqachu nitaqmi criadanpaqpas hapinqachu.
Piwi churikunapaq herenciamanta
15Sichum huk qari iskay warmiyuq kaspan hukllanta kuyanman huknintañataq mana hinaspa iskayninpi churin karuptin, piwi qari churinñataq mana kuyasqan warmipiraq karunman, hinaptin 16kapuqninkunata churinkunaman rakinanan punchaw chayaramuptinqa, kuyasqan warmipi piwi churinman qonantam chay mana kuyasqan warmipi kaq piwi churinman qonqa. 17Mana kuyasqan warmipa wawanmanmi piwi churin kasqanrayku, wakin churinkunaman qosqanmantapas huk chaynatawanraq qonqa. Payqa piwi churi kasqanraykum chayta chaskinqa.
Mana kasukuq churikunata castiganankumanta
18Sichum pipapas munaysapa, mana uyarikuq, mana kasukuq churin kanqa, tayta-maman qaqchaptinpas chaynataq azoteptinpas mana kasukuq, 19hinaptinqa tayta-mamanmi hapiruspanku llaqtapi ancianokunaman pusanqaku. 20Hinaspam ninqaku: “Kay warmaykum mana kasukuq, mana uyarikuq, imata niptiykupas manam kasuwankuchu, mikuylla-mikukuq, machakuyllapi purikuq”, nispanku. 21Chaymi llaqtanpi llapallan qarikuna rumiwan choqapaspa wañuchinqaku. Chaynata ruwaspaykichikmi mana allin ruwaqkunata qamkunamanta chinkachinkichik. Chayta yachaspankum Israelpa mirayninkuna manchakunqaku.
Rikchaqmana yachachikuykunamanta
22Sichum pitapas mana allin ruwasqanmanta sachapi warkuruptikichik wañuruptinqa, 23#Gl 3.13.amam chaypiqa tukuy tutaqa cuerponta saqerunkichikchu, aswanqa chay punchawllam pamparunkichik. Sachapi warkusqa wañuq runaqa Diospa ñakasqanmi. Señornikichik Tayta Diospa qosusqaykichik allpataqa amam millakuypaqtaqa ruwankichikchu.
Currently Selected:
Deuteronomio 21: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
