Deuteronomio 20
20
Guerrapi peleanankupaq yachachikuykunamanta
1Sichum guerrapi peleaq lloqsispaykichik, enemigoykichikpa caballonkunata, carretankunata chaynataq tropankunata qamkunamantapas aswan achka-achka kasqanta qawaykuspaykichikqa amam manchakunkichikchu. Egipto nacionmanta hurqomusuqninchik Señornikichik Tayta Diosmi yanapasunaykichikpaq qamkunawan kachkan.
2Guerrapi peleanaykichikpaq hora chayaramuptinqa sacerdotem soldadokunaman kaynata 3ninqa: “Israelpa mirayninkuna uyariychik, kunanmi enemigoykichikwan peleamunkichik. Ama hukmanyaychikchu nitaq manchakuychikchu. Amataq paykunapa qayllanpiqa katkatataychikchu. 4Señornikichik Tayta Diosmi qamkunawan kachkan, paymi enemigoykichikpa contranpi peleaspan vencechisunkichik”, nispa.
5Chaymantam tropa kamachiqkuna ninqaku: “Sichum qamkunamanta pipas musoq wasita ruwaruspan manaraq chaypi yachaspanqa, wasinman kutikuchun. Yanqañataq guerrapi wañuramuptin hukña wasinpi yachakunman.
6Qamkunamanta pipas uvasta plantaruspan manaraq rurunta mikuspanqa wasinman kutikuchun. Yanqañataq guerrapi wañuramuptin hukña uvasninta cosechakurunman. 7Qamkunamanta pipas casarananpaq huk warmita rimapayaspanqa wasinman kutikuchun. Yanqañataq guerrapi wañuramuptin chay warmita hukña casararunman”, nispa.
8Huktawanmi tropa kamachiqkuna ninqaku: “Qamkunamanta pipas manchati kaspaqa wasinman kutikuchun. Yanqañataq manchati kasqanrayku soldadomasinkunatapas hukmanyachinman”, nispa.
9Llapa tropa kamachiqkuna rimayta tukuruptinkum, tropapa capitanninkuna ñawpaqman churakuykunqaku. 10Sichum hukkaqnin llaqtaman peleanaykichikpaq rispaqa, manaraq peleachkaspam hawkalla yaykunaykichikpaq rimapayankichik.
11Sichum chay llaqtapi kaqkuna hawkalla yaykunaykichikta munaspankuqa, esclavoykichikña kaspam mana imallapaq servisunkichik. 12Mana yaykunaykichikta munaspanku qamkunawan peleanankupaq hatarimuptinkum ichaqa, llaqtata muyuruspa peleankichik.
13Señornikichik Tayta Dios qoykusuptikichikmi chay llaqtapi llapallan qarikunata wañuchinkichik. 14Warmikuna, wawakuna, animalkuna chaynataq tukuy ima kaqkunam ichaqa qamkunapaqña kanqa. Señornikichik Tayta Dios qosusqaykichikraykum enemigoykichikmanta tukuy ima qechusqaykichikqa qamkunapaqña kanqa. 15Hina chaynallatam ruwankichik yachanaykichik allpamanta karupi kaq llaqtakunatapas, chaykunaqa manam Canaán allpapi kaq nacionkunachu.
16Señornikichik Tayta Diospa qosusqaykichik llaqtakunapim ichaqa llapallan runakunata wañuchinkichik. 17Heteokunata, amorreokunata, cananeokunata, ferezeokunata, heveokunata chaynataq jebuseokunatapas pasaypaqtam chinkachinkichik; Señornikichik Tayta Diospa kamachisusqaykichikman hinam chaynataqa ruwankichik, 18chaynapi millakuypaq kaqkunata ruwaspanku idolonku yupaychayta mana yachachisunaykichikpaq. Chaynapi Señornikichik Tayta Diospa contranpi ama huchallikunaykichikpaq.
19Sichum peleanaykichikpaq huk llaqtapa muyuriqninpi campamentoykichikta sayachispaqa amam fruta sachankunataqa kuchuparunkichikchu. Chaykunapa rurunqa mikunaykichikpaqmi kanqa. Sachakunaqa manam runachu kutipakunankupaqqa.
20Mana ruruq sachakunatam ichaqa kuchuwaqchik chaykunawan llaqtata qenchaspa vencenaykichikpaq.
Currently Selected:
Deuteronomio 20: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
