Deuteronomio 18
18
Leví ayllu sacerdotekunamanta
1Leví ayllumanta kaq sacerdotekunaqa otaq levitakunaqa manam wakin Israel ayllukunawan kuskaqa allpata chaskinqakuchu. Paykunaqa kawsanqaku Tayta Diospaq sacrificiokunamanta hinaspa ofrendakunamantam. 2#Nm 18.20.Wakin ayllukuna hina allpata mana chaskiptinkupas Tayta Diosmi paykunapa herencianqa, chaynatam kikin Tayta Dios nirqa.
3Runakunam sacerdotekunaman torokunata, carnerokunata apamunqaku, chaynapi sacerdotekuna Tayta Diosman ofrecenankupaq. Chay ofrecesqankumantam sacerdotekunapaq kanqa: Brazon, kakichun, wiksan; 4chaynataq trigopa punta rurunkuna, punta sarusqaykichik vino, punta ruwasqaykichik aceite, ovejaykichikmanta punta rutusqaykichik millwanpas. 5Aylluykikuna ukumantam payta, chaynataq mirayninkunata Señornikichik Tayta Dios akllarqa, payllataña sapa punchaw servinankupaq.
6Sichum hukkaqnin levita Israel nacionpi hukkaqnin llaqtapi yachasqanmanta Tayta Diospa akllasqan sitioman rinman hinaspaqa, 7chaypi kaq sacerdotekuna hinam paypas Señornikichik Tayta Diospa qayllanpi servikunqa, 8hinaspam mikuytapas chaypi kaq sacerdotekuna hina chaskinqa. Taytanmanta chaskisqanqa sapaqmi.
Idolokuna yupaychaqkunata ama qatipakunankumanta
9Señornikichik Tayta Diospa qosunaykichik allpaman yaykuspaqa, amam chaypi runakunapa millakuypaq mana allinkuna ruwayninkutaqa qatipakunkichikchu. 10#Lv 19.26.#Ex 22.18.Yanqañataq churikichikta kañaspa sacrificawaqchik. Qamkuna ukupiqa amam kanqachu qatipaqkunapas, qawaqkunapas, layqakunapas, 11#Lv 19.31.mesa mastaqkunapas, wañuqpa almanta qayaqkunapas, espiritistakunapas. 12Chaykuna ruwaqtaqa Tayta Diosmi millakun. Chay nacionkunataqa chayna millakuypaq kaqkunata ruwasqankuraykum qayllaykichikmanta Señornikichik Tayta Dios wischunqa. 13#Mt 5.48.Qamkunaqa Señornikichik Tayta Diospa munasqanman hinam kawsankichik. 14Qamkunamanña qosusqaykichik allpapi runakunaqa layqakunatawan qatipaqkunatam kasukunku. Qamkunatam ichaqa Señornikichik Tayta Dios mana munanchu chaykuna ruwanaykichikta.
Huk profetata Tayta Dios hatarichinanmanta
15 #
Hch 3.22; 7.37. Señornikichik Tayta Diosmi qamkunamanta ñoqa hina profetata hatarichinqa, hinaptinmi payta kasunkichik. 16Kaytam Horeb orqopi huñunakuptinchik mañakuspa nirqankichik: “Señornikichik Tayta Diospa rimasqantaqa amañayá huktawanqa uyarisaqkuñachu, nitaq ninapa hatun rupariynintapas rikusaqkuñachu, chaynapi mana wañurunaykupaq”, nispaykichik. 17Chaymi Tayta Dios niwarqa: “Allinmi chay rimasqankuqa. 18Israel miraykunamantam qam hina profetata hatarichispay rimapayasaq, hinaptinmi payña tukuy kamachisqaykunata willasunkichik. 19#Hch 3.23.Pipas chay profetapa sutiypi rimasqanta mana kasukuqtaqa cuentatam mañasaq. 20Pipas profeta tukuspa mana kamachichkaptiy sutiypi rimaqtaqa otaq idolokunapa sutinpi rimaqtaqa, wañuchinkichikpunim”, nispa. 21Ichapas sonqoykichikpi niwaqchik: “Chaynaqa, ¿imaynatataq yachasaqku chay runapa willakusqanqa Tayta Diospa palabran kasqanta otaq mana kasqantapas?” nispa. 22Sichum Tayta Diospa sutinpi profetapa rimasqan mana cumplikuptinqa manam Tayta Diospa nisqanchu. Chay profetaqa kikillanmantam hatun tukuspa rimarqa. Paytaqa amam manchakunkichikchu.
Currently Selected:
Deuteronomio 18: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
