Deuteronomio 17
17
1Señornikichik Tayta Diosman ofrecespaqa sano torotawan sano ovejatam ofrecenkichik, mana chayna kaspanqa Señornikichik Tayta Diospa millakusqanmi.
2Sichum Señornikichik Tayta Diospa qosusqaykichik hukkaqnin llaqtapi tariruwaqchik qaritapas otaq warmitapas Señornikichik Tayta Diospa mana munasqanta ruwachkaqta, pactontapas qepanchachkaqta, 3#Ex 22.20.chaynataq idolokunata yupaychaspa ñawpaqninpi qonqorachkaqta; intita, killata, chaskakunata yupaychachkaqta, chaykuna ruwaytaqa manam Tayta Diosqa kamachikurqachu. 4Sichum chaykunata yacharuspaykichikqa allintam qatipaykunkichik. Israel nacionpi chay millakuypaq ruwasqanku cheqap kaptinqa, 5chay ruwaqtam qari kaptin otaq warmi kaptinpas llaqtapa punkunpi kamachikuqkunaman pusaspaykichik rumiwan choqapaspa wañuchinkichik.
6 #
Nm 35.30; Dt 19.15; Mt 18.16; 2 Co 13.1; 1 Ti 5.19; Heb 10.28. Iskay otaq kimsa testigokunapa declarakusqanwanmi wañunanpaq sentenciasqa kanqa. Chullalla testigopa declarakusqanwanqa manam pipas wañunqachu. 7Chay testigokunam wañuchinankupaq rumiwan chamqayta qallarinqaku. Chaymantañam llapallan runakunapas chamqapanqaku. Chaynatam qamkunamanta tukuy mana allin ruwaqkunata chinkachinkichik.
8Sichum llaqtaykichikpi kanqa wañuchinakuymanta, quejanakuymanta, maqanakuymanta otaq imamantapas sasa arreglana kaqkuna , hinaptinqa Señornikichik Tayta Diospa akllasqan sitiomanmi rinkichik. 9Chaypim Leví ayllu sacerdotekunaman chaynataq chay tiempopi juezkunaman sasachakuynikichikta willakunkichik, hinaptinmi paykunaña nisunkichik imaynam arreglanaykichiktapas. 10Tayta Diospa akllasqan sitiopi kamachikuqkunapa nisusqaykichikman hinallam ruwankichik. 11Chay kamachikuqkunapa sentenciasqanman hinallam qamkunaqa ruwankichik. Amam imayniraqllatapas paykunapa nisqantaqa qewinkichikchu. 12Señornikichik Tayta Diospa qayllanpi servikuq sacerdoteta otaq juezta mana kasukuq runataqa wañuchinkichikmi. Chaynata ruwaspaykichikmi Israelpa mirayninkunamanta tukuy mana allin ruwaqkunata chinkachinkichik. 13Chayta yachaspankum llapallan runakuna manchakunqaku, chaynapim manaña hatun tukunqakuñachu.
Reyta churanankupaq yachachikuykunamanta
14 # 1 S 8.5. Señornikichik Tayta Diospa qosunaykichik allpaman yaykuruspa, chay allpapiña yachaspañataq niwaqchik: “Muyuriqniykupi llapallan nacionkuna hinam ñoqaykupas kamachiwanankupaq reyniyuq kayta munaniku”, nispaykichik. 15Hinaptinqa Señornikichik Tayta Diospa akllasqallantam reynikichikpaqqa churankichik, qamkunapa castamasikichikmi payqa kanqa. Amam churankichikchu huklaw llaqtayuqtaqa nitaq mana castaykichikmanta kaqtapas. 16#1 R 10.28; 2 Cr 1.16; 9.28.Chay reyqa amam achka caballokunataqa huñukunqachu, amataqmi runakunatapas caballokuna rantiqqa Egipto nacionman kachanqachu. Tayta Diosmi nisurqankichik: “Egipto nacionmanqa amam haykapipas kutinkichikchu”, nispa. 17#1 R 11.1-8.#1 R 10.27; 2 Cr 1.17; 9.27.Amataqmi achka warmiwanpas casarakunqachu, chaynapi Tayta Diosmanta ama karunchakurunanpaq. Qoritapas qollqetapas amataqmi huñukunqachu.
18Kamachikuyta qallaykuspanqa, Leví ayllu sacerdotekunapa hatallisqan libromantam kay yachachikuykunata kikinpaq qellqachinqa. 19Hinaspam kawsanankama hatallispa sapa punchaw leenqa, chaynapi Señornikichik Tayta Diosta manchakuspa yachachikuyninkunata hinaspa kamachikuyninkunata ruwayman churananpaq, 20chaynapim llaqtamasinkunapaqpas mana hatun tukunqachu, nitaqmi kamachikuykunamantapas karunchakunqachu. Chaynata ruwaspanqa paypas chaynataq mirayninkunapas unay watam Israel nacionpi munaychakunqaku.
Currently Selected:
Deuteronomio 17: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
