Deuteronomio 16
16
Sapa wata ruwananku fiestakunamanta
(Ex 23.14-17; 34.18-24)
1 #
Ex 12.1-20; Lv 23.5-8; Nm 28.16-25. Abib killapim Señornikichik Tayta Diospaq Pascua fiestata ruwankichik. Paymi chay killapi huk tuta Egipto nacionmanta hurqomusurqankichik.
2Chay fiestapim vacakunatawan ovejakunata wañuchispa Señornikichik Tayta Diosman ofrecenkichik. Paypa akllasqan sitiopim chaytaqa ruwankichik.
3Wañuchipusqaykichik animalpa aychantaqa mana levadurayuq tantayuqtam mikunkichik. Egipto nacionmanta utqayllamanña lloqsimusqaykichikta yuyarispam qanchisnintin punchaw mana levadurayuq llakikuy tantata mikunkichik, chaynapim Egiptomanta lloqsimusqaykichikta kawsanaykichik punchawkama yuyarinkichik.
4Chay qanchisnintin punchawmi lliw nacionnikichikpi levadura ama kanqachu. Qallariy punchaw tardeykuyta wañuchipusqaykichik animalpa aychantaqa amam paqarinnintin punchawkamaqa puchunkichikchu.
5Señornikichik Tayta Diospa qosusqaykichik llaqtapiqa amam kaypi chaypiqa Pascuapi wañuchipunaykichik animaltaqa ofrecenkichikchu, 6ofrecenkichikqa Señornikichik Tayta Diospa akllasqan sitiollapim. Chay animaltaqa Egipto nacionmanta lloqsimusqaykichik punchawpi hinam tardeykuytaña ofrecenkichik.
7Chay aychataqa kankasqatam Señornikichik Tayta Diospa akllasqan sitiopi mikunkichik. Paqarinnintin punchawñataqmi wasikichikman kutikunkichik.
8Soqta punchawmi mana levadurayuq tantata mikunkichik. Qanchis kaq punchawpiñataqmi hatun fiestata ruwaspa Señornikichik Tayta Diosta yupaychankichik. Chay punchawpiqa amam pipas llamkanqachu.
9Trigo rutuy qallarisqaykichik punchawmanta qanchis semana pasaruptinmi 10#Lv 23.15-21; Nm 28.26-31.Semanakuna sutiyuq hatun fiestata ruwaspa Señornikichik Tayta Diosta yupaychankichik. Chay fiestapim kikikichikmanta qosqaykichik ofrendaykichikta Señornikichik Tayta Diosman tukuy imapi bendecisusqaykichikmanta ofrecenkichik.
11Señornikichik Tayta Diospa qayllanpim hatun fiestata ruwaspa churikichikkunawan, criadoykichikkunawan, criadaykichikkunawan, llaqtaykichikpi yachaq levitakunawan, huklaw llaqtayuqkunawan, mana tayta-mamayuqkunawan hinaspa viudakunawan kuska kusikunkichik. Chaytaqa Señornikichik Tayta Diospa akllasqan sitiopim ruwankichik. 12Egipto nacionpi esclavo kasqaykichikta yuyarispam kay kamachikuykunata kasukunkichik.
13 # Lv 23.33-36, 39-43; Nm 29.12-38. Trigo cosechatawan uvas saruyta tukuruspañataqmi Ramada fiestata qanchis punchaw ruwankichik. 14Chay fiestapim churikichikkunawan, serviqnikichikkunawan, llaqtaykichikpi yachaq levitakunawan, huklaw llaqtayuqkunawan, mana tayta-mamayuqkunawan chaynataq viudakunawan kuska kusikunkichik.
15Chay fiestataqa qanchis punchawmi Señornikichik Tayta Diospaq ruwankichik, paypa akllasqan sitiopi. Paymi cosechaykichikpi chaynataq tukuy ima ruwaynikichikpipas bendecisunkichik, chaynapi cheqapta kusikunaykichikpaq.
16Sapa watam llapallan qarikuna kimsa kutita Señornikichik Tayta Diospa qayllanman otaq paypa akllasqan sitioman rinqaku. Chaynataqa ruwanqaku mana levadurayuq Tanta fiestapi, Semanakuna fiestapi chaynataq Ramada fiestapim. Amam pipas mana imatapas apaspaqa Tayta Diosmanqa rinqachu. 17Señornikichik Tayta Diospa bendecisqanman hinam ofrendankuta sapakama apanqaku.
Juezkuna allinta arreglanankumanta
18Señornikichik Tayta Diospa sapa aylluman qosunaykichik llaqtakunapim juezkunatawan kamachikuqkunata churankichik, chaynapi runakunapa quejanta arreglanankupaq. 19#Ex 23.6-8; Lv 19.15.Allin arreglo ruwaytaqa amam qewirunkichikchu. Wakin runakunallamanqa amataqmi imaraykupas sayapakunkichikchu. Juez kaspaykichikqa amam sayniyutaqa chaskikunkichikchu. Sayniyuqa yachayniyuqkunatapas ñawsayachinmi, pantachintaqmi allin ruwaqkunapa rimaynintapas. 20Allin arregloman hinallam haykapipas ruwankichik, chaynapi mana wañuruspa Señornikichik Tayta Diospa qosunaykichik allpapi yachanaykichikpaq.
21 #
Ex 34.13. Señornikichik Tayta Diospa altarninpa waqtanpiqa amam ima sachatapas Asera idolopaqqa plantankichikchu. 22#Lv 26.1.Amataqmi rumimanta idolokunatapas sayachinkichikchu. Chaykunataqa Señornikichik Tayta Diosmi millakun.
Currently Selected:
Deuteronomio 16: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
