Deuteronomio 14
14
1 #
Lv 19.28; 21.5. Qamkunaqa Señornikichik Tayta Diospa churinkunam kankichik. Pipas wañuruptinqa amam cuerpoykichiktaqa kuchukunkichikchu nitaqmi umaykichiktapas kachiy-kachiytaqa rutukunkichikchu. 2#Ex 19.5-6; Dt 4.20; 7.6; 26.18; Tit 2.14; 1 Pe 2.9.Qamkunaqa Señornikichik Tayta Diospa chuya llaqtanmi kankichik. Kay pachapi llaqtakunamantam payllapaqña kanaykichikpaq akllasurqankichik.
Mikuna chaynataq mana mikuna animalkunamanta
(Lv 11.1-47)
3Millakuypaq animalkunataqa amam mikunkichikchu. 4Mikunaykichikpaq animalkunaqa kaykunam: Torokuna, ovejakuna, cabrakuna, 5tarukakuna, luwichukuna, monte cabrakuna, monte ovejakuna, corzo sutiyuq animalkuna chaynataq tukuy rikchaq antílope sutiyuq animalkunapas. 6Mikunkichiktaqmi pallqa situyuq hinaspa kutipaq animalkunatapas. 7Ichaqa amam mikunkichikchu camellota, liebreta nitaq vizcachatapas, chay animalkunaqa kutipaq kaspapas manam pallqa situyuqchu.
8Amataqmi mikunkichikchu kuchitapas, pallqa situyuq kaspapas manam kutipanchu, chaytaqa millakuypaqmi hapinkichik. Chay animalkunapa aychantaqa amam mikunkichikchu, nitaqmi wañuruptinpas llapchankichikchu.
9Yakupi kaq animalkunamantam mikunkichik llika raprayuq hinaspa escamayuq challwakunata, 10mana raprayuq otaq mana escamayuq kaptinqa amam mikunkichikchu, chayna animalkunataqa millakuypaqmi hapinkichik.
11Raprayuq limpio animalkunataqa mikuwaqchikmi. 12-18Kay animalkunatam ichaqa raprayuq kaptinpas millakuypaq kasqanrayku ama mikunkichikchu: Ankakunata, aqchikunata, tukuy rikchaq wamankunata, cuervokunata, avestruzkunata, chuseqkunata, qewllakunata, tukukunata, cormorankunata, ibiskunata, cisnekunata, pelicanokunata, ullachkukunata, cigüeñakunata, tukuy rikchaq garzakunata, condorkunata, abubillakunata hinaspa masukunatapas.
19Raprayuq llapa urukunataqa millakuypaqmi hapinkichik, chaykunataqa amam mikunkichikchu. 20Raprayuq mikuna animalkunatam mikunkichik.
21 #
Ex 23.19; 34.26. Kikillanmanta wañuruq animaltaqa amapunim mikunkichikchu. Chaykunataqa llaqtaykichikpi yachaq huklaw llaqtayuqkunamanmi mikunanpaq qoykunkichik, manachayñataqmi puriqkunaman rantikurunkichik. Señornikichik Tayta Diospaq sapaqchasqa runankunañam qamkunaqa kankichik.
Cabra uñataqa amam mamanpa lechenpiqa yanunkichikchu.
Diezmokuna qonapaq yachachikuykunamanta
22 #
Lv 27.30-33; Nm 18.21. Cosechaykichikmantam watan-watan mana tipiyta diezmota hurqonkichik: 23Trigomanta, vinomanta hinaspa aceitemanta rakisqaykichik diezmotawan, vacaykichikmanta hinaspa ovejaykichikmanta hurqosqaykichik punta uñankunatam Señornikichik Tayta Diospa qayllanpi mikunkichik, mikunkichikqa sutin reqsisqa kananpaq akllakusqan sitiopim, chaynapi pay kasukuyta yachanaykichikpaq. 24Sichum Señornikichik Tayta Dios bendecisuptikichik diezmo rakisqaykichikta apanaykichikpaq Señornikichik Tayta Diospa akllasqan sitio, yachasqaykichikmanta karupi kaptinqa, 25rantikuruspaykichikmi qollqenpiña apankichik, 26hinaspam chay sitiopiña tanteasqaykichikman hina torokunata, ovejakunata, vinota, poqosqa aqata otaq ima mikunaykichiktapas rantispa Señornikichik Tayta Diospa qayllanpi mikunkichik, hinaspam aylluykichikkunawan kuska fiestata ruwankichik.
27Llaqtaykichikpi yachaq levitakunataqa amam qonqarunkichikchu. Paykunaqa manam allpata qamkuna hinaqa chaskinqakuchu.
28Sapa kimsa watamantam cosechaykichikmanta diezmoykichikta hurqonkichik, hinaspam llaqtaykichikpi waqaychankichik. 29Chaynapim llaqtaykichikpi yachaq mana allpayuq levitakuna saksanankukama mikunqaku, mikunqakutaqmi qamkunawan yachaq huklaw llaqtayuqkunapas, mana tayta-mamayuqkunapas chaynataq viudakunapas. Hinaptinqa Señornikichik Tayta Diosmi tukuy ruwasqaykichikpi bendecisunkichik.
Currently Selected:
Deuteronomio 14: RCHQ2
Highlight
Share
Compare
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
