2 Corintios 8
8
Ofrendantaqa kusikuywan qonanchikmanta
1Wawqe-panillaykuna, kunanmi willamuykiku imaynam Macedonia law iglesiakunapi Diospa kuyakuynin qawachikusqanta. 2Paykunaqa ancha sasachakuykunapi kachkaspankupas hatuntam kusikurqaku, wakcha kachkaspankupas apu hinaraqmi ofrendankutaqa tukuy sonqonkuwan qorqaku. 3Qorqakuqa manam atisqallankutachu, aswanqa mana qoy atisqankutawanmi, ñoqapunim tukuy sonqonkuwan qosqankuta rikurqani. 4#Ro 15.26.Anchatam ruegawarqaku ofrendankuwan Jerusalén llaqtapi iñiqkunata yanapaykunankupaq. 5Piensasqaykumantapas mastaraqmi huñururqaku, puntataqa kikinkuraqmi Señorpa makinman churakuykurqaku, hinaspañam Diospa munasqanman hina ñoqaykuman qowarqaku. 6Chaymi Titota ruegarqaniku imaynam qallarisqanman hina chay kuyakuy ofrendata qamkuna ukupi huñuyta tukumunanpaq. 7Qamkunaqa lliwpim masyankichik: Iñiypi, yachachiypi, yachayniyuq kaypi, allin ruwaypi hinaspa ñoqayku kuyawaykupipas, chaynaqa kuyakuy ofrenda qoypipas masyaychikyá.
8Kayta nispayqa manam kamachiq hinachu nimuykichik, aswanqa munaymanmi wakinkunapa tukuy sonqonwan ruwasqanku yachanaykichikta, chaynapi qamkunapa kuyakuynikichikqa cheqap kasqanta wakinkunaman qawachinaykichikpaq. 9Qamkunaqa yachankichikñam Señorninchik Jesucristopa kuyawasqanchikta. Payqa apu kachkaspam qamkunata kuyasusqaykichikrayku wakchayarurqa, chaynapi wakcha kayninwan qamkuna apu kanaykichikpaq.
10Qamkunapa allinnikichikpaqmi kay consejoyta qoykichik. Qayna watamantaraqmi ofrenda huñuyta qallaykurqankichik, ichaqa manam huñuyllatachu, aswanqa tukuy sonqowan ruwaytam munarqankichik. 11Chaynaqa, kunanyá tukuychik qallariyninmantapuni kusikuyllawanña ruwasqaykichikta, kapususqaykichikman hinayá qoychik. 12Pipas cheqapta qoyta munaptinqa, kapuqninman hina qosqan ofrendatam Diosqa chaskinqa. Diosqa manam mañanchu mana kapuqniyuqmantaqa.
13Manam kayqa hukkunata yanapaspa muchuypi kanaykichikpaqchu, aswanqa igualla kanaykichikpaqmi. 14Kunanqa kapuqniyuqmi kachkankichik mana kapuqniyuqkunaman qoykunaykichikpaq, hukpiñataqmi qamkunapa mana kaptin yanapasunkichik, chaynapi igualla kanaykichikpaq. 15#Ex 16.18.Chuya Qellqam nin:
Achka huñuqpapas manam puchurqachu nitaqmi aslla huñuqpapas pisirqachu, nispa.
Titomantawan llamkaqmasinkunamanta
16Diosmanmi graciasta qoni nanachikusunaykichikpaq Titomanpas allin sonqota ñoqaman hina qosqanmanta. 17Paymi kunakuy qosqayta chaskirqa, hinaspam qamkunamanta sinchita llakikuspan kikillanmanta hamuchkan.
18Titotawan kuskatam huk iñiqmasinchikta kachamuchkaniku, paypas iñiqkuna ukupiqa Cristomanta willakusqanrayku allin reqsisqam. 19Manataqmi chayllachu, iglesiakunapas paytam akllarqaku yanapakuy ofrendata apaptiyku riysiwanankupaq, chaytaqa ruwachkaniku Señorta hatunchanaykupaq hinaspa kusikuywan yanapasqaykuta qawanankupaqmi. 20Manam munanikuchu kay achka ofrenda huñusqaykumanta yanqakuna rimawanankuta. 21#Pr 3.4.Allin ruwaytam munachkaniku Señorpa qayllanpipas chaynataq runakunapa qayllanpipas.
22Paykunawan kuskatam huk iñiqmasinchikta kachamuchkaniku, payqa sapa kutillam kusikuywan ruwaq kasqanta qawachikurqa, kunanñataqmi qamkunapi llumpayta confiakusqanrayku aswan-aswanraq ruwayta munachkan. 23Titoqa puriqmasiymi hinaspa qamkuna ukupi llamkaqmasiymi. Chay wakin wawqekunañataqmi iglesiakunapa kachamusqan, paykunaqa Cristota hatunchaqkunam kanku. 24Chaynaqa, iglesiakuna yachananpaqyá kuyakuynikichikta qawachiychik, qawachiychiktaqyá qamkunamanta alabakusqayqa cheqap kasqantapas.
Currently Selected:
2 Corintios 8: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
