2 Corintios 7
7
1Kuyasqay wawqe-panillaykuna, chayna promesakuna kachkaptinqa aychanchikpi hinaspa espiritunchikpi tukuy mana allinmantayá chuyanchakusun, Diosta kasukuspayá aswan-aswan payllapaqña sapaqchakusun.
Corinto llaqtapi kaqkunapa wanakusqanmanta
2Tukuy sonqoykichikwanyá chaskiykuwayku, manam pitapas imanarqanikuchu, huchallichirqanikuchu, nitaq engañarqanikuchu. 3Kaytaqa manam qamkunata acusaspaychu nichkaykichik, nisqaypi hinapas qamkunaqa sonqoykupim kachkankichik, kuska kawsanapaqpas otaq wañunapaqpas. 4Ancha confianzawanmi qamkunata rimapayamuykichik, qamkunamantam llumpayta alabakuni, ñakarisqaykupipas kallpanchasqa hinaspa kusisqam kaniku.
5 # 2 Co 2.13. Macedoniaman chayamusqaykumantam ñoqaykuqa mana samarqanikuchu, kaypi chaypim sasachakuypi karqaniku, cuerpoykupim ñakarirqaniku, sonqoykupiñataqmi manchakurqaniku. 6Ichaqa llakisqakuna kallpanchaq Diosmi Titopa chayamusqanwan kallpanchawarqaku. 7Manam paypa chayamusqallanwanchu kusikurqanikuqa, aswanqa Titotapas kallpanchasqaykichikwanmi. Paymi qamkunapa kuyawasqaykichikmanta chaynataq llakikuspa rikuykuy munawasqaykichikmanta willawarqa. Chaykunata yachaykuspaymi aswanraq kusikurqani.
8Carta apachimusqaywan llakisqaña kaptikichikpas manam ñoqaqa pesakunichu, ñawpaqtam ichaqa carta apachimusqaymanta pesakurqani pisi tiempollapas llakichisqaymanta, 9kunanqa kusikuni, manam llakisqa kasqaykichikmantachu aswanqa wanakusqaykichikmantam, llakisqaqa karqankichik Diospa munasqanman hinam, chaynaqa manam ñoqaykuchu llakichirqaykiku.
10Diospa munasqanman hina llakikuyqa huchanchikmanta wanakuymanmi apawanchik, chaynapi salvasqa kananchikpaq, chaynaqa manam ñakakunanchikchu. Runakunapa munasqanman hina llakikuymi ichaqa wañuyta apamun.
11Qamkunaqa Diospa munasqanman hinam llakisqa karqankichik, chay llakikuyqa kaykunatam apamun: Mayna nanachinakuytam munarqankichik, mayna arreglo ruwaytam munarqankichik, maynatam mana allinpa contranpi piñakurqankichik, maynatam manchakurqankichik, mayna kuyakuqmi kankichik, maynatam sientikurqankichik, maynatam castigo ruwayta munarqankichik. Kay asuntokunawanmi mana huchayuq kasqaykichikta qawachikurqankichik.
12Cartata apachimuspayqa manam piensarqani chay huchallikuq runapichu nitaq llakichisqa runapichu, piensarqaniqa ñoqaykumanta llakikuwasqaykichik otaq mana llakikuwasqaykichikpas Diospa qayllanpi yachasqa kananpaqmi. 13Chaywanmi consuelasqa karqaniku.
Kay kusikuy chaskisqaykumantapas, Titopa kusisqa kasqanwanmi aswantaqa kusikurqaniku. Llapallaykichik paypa sonqonta kallpanchasqaykichikmanta. 14Titoman willaspa qamkunamanta alabakuspayqa manam penqakurqanichu. Aswanqa tukuy ima qamkunaman payman nisqaykuqa cheqapmi, cheqaptaqmi Titoman qamkunamanta alabakusqaykupas.
15Payqa aswanraqmi kuyasunkichik qamkunapa kasukusqaykichikta hinaspa respetaspa manchakuywan chaskisqaykichikta yuyarispa. 16Qamkunaraykum tukuy imapi anchata confiakuspay kusikuni.
Currently Selected:
2 Corintios 7: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
